يابنتي انتي عارفة اسد باشا هيتجوز مين

_اه ياختي عرفت الخبر متذاع في كل حتة انا مش عارفة ازاي يبصلها

_معرفش والله دي تخينة ومقرفة بس عيونها زرق يااه جمال اوي

_زرق ايه وبتاع ايه دلوقتي دة بدل ما يبص لبنت زيي قمر كدة قمرر

_ياشيخة اتنيلي

كانت بتسمع الكلام دة وهي عارفة انهم بيتكلموا عليها، واحدة تخينة ومفيش حاجة بتيجي علي مقاسها ازاي تبقي مرات اسد باشا، الي بنات الدنيا هتموت ويبصلها، شاب رياضي،ناجح جدا في شغله، وقمور اوي، بس الظروف الي خلته يتجبر عليها…..

الجد: مروان

مروان_نعم ياجدو

الجد_اعمل حسابك انت وولاد عمك بليل هيبقي فيه اجتماع عائلي

مروان_بس ياجدي

الجد_مبسش يلا امشي

محدش يقدر يرفضلوه طلب، هو الي مربي كل احفاده، اما بالنسبة لاولاده فكان عنده ٣ اولاد،اتنين ماتوا وكان لسة احفاده صغيرين وواحد سافر هو ومراته وساب عياله، عنده احفاد كتير، كان ساعات بيبقي قاسي عليهم وساعات بيبقي طيب، بس في النهاية بيحبهم كلهم، عنده بدر واسد وتسنيم من اب واحد، ومروان وكرمة الي باباهم ومامتهم سابوهم وسافروا، واخيرا محمد وخديجة تؤام عندهم 15 سنة ودول باباهم ومامتهم ميتين برضو ودول اصغر احفاد للجد…

بليل كان فيه اجتماع عائلي كبير علي السفرة

مروان: كان فيه حاجة ياجدي

الجد: اه

بدر: خير

الجد: قريبتي كانت عندها حفيدة وكدة وهي وحيدة وهتيجي تعيش معانا هنا

تسنيم: تنور ياجدي بس الرجالة الكتير الي انت شايفاها دي ايه نظامها

الجد: ماهو عشان كدة انا عارف انكم ولاد عم واخوات مش هتعملوا حاجة بس بصفتها غريبة فلازم تتجوز واحد فيكم

اسد: فيه مكالمة شغل جت انا قايم

الجد خبط بعكازه: اقعد يااسد

اسد: حاضر ياجدي

الجد: البنت مؤدبة ومحترمة واحد فيكم انتوا التلاتة هيتجوزها

وكان بيشاور علي مروان وبدر واسد

الجد: ولاني بعتمد اعتماد كلي علي اسد فهتقبلها بكرة وسواء عجبتك او لا فهتتجوزها

اسد: بس انا مش عايز اتجوز

الجد بغضب: من امتي وانا بيترفضلي طلب لو انتوا فاكرين اني كبرت فخلاص مش هقدر امشيكم عدل ومش هتسمعوا كلامي فانسوا هتفضلوا تسمعوا كلامي طول العمر فاهمين المقابلة بكرة الساعة 8 يلا كل واحد يروح علي اوضته

بدر بضحك: نفدت يابن المحظوظة

محمد: تستاهلوا

كانت ماشية وخايفة، خايفة من نظرات الناس ليها وهي بتبصلها بح*قد وغ*ل وقر*ف ازاي تتجوز واحد زي دة، راحت عند مطعم وطلبت اكل يكفي اكتر من شخصين،لما بتكون مضايقة بتاكل.. بتاكل لان هي شايفة انها بتهرب من العالم بالاكل

قدملها الجرثون الاكل واول ما بصلها استغرب، استغرب وقربلها الاكل وبعد وبدأ يتودد مع صاحبه

_شوفت البت دي

_اه ياخويا بتاكل بس ومن رغم كدة اسد باشا هيتجوزها

_انا مش عارف ايه دة ههه

عدي اليوم ومش اليوم بس لا! عدي اسبوع، والمفروض هتلم هدومها و هتمشي، هتمشي من الشقة الايجار الي اصلا مش عارفة تدفع فلوسها بسبب انها مش عارفة تشتغل بسبب وزنها وبتصرف من فلوس جدتها الي سيبهالها، كانت خلاص هيتكتب كتابها علي اسد!كانت خايفة من ردة فعله او هيعمل معاها ايه

دخلت الفيلا الي شبه القصر وشافت اسد وهو بيتمرن بغضب في الجنينة وبصت علي نفسها، اد ايه هي وحشة وهو حلو ، ازاي؟ ازاي هتتجوز دة وتعيش معاه بالمنظر الي هي فيه ووزنها

الجد بفرحة: اهلااااا

نور بابتسامة حزينة: اهلا ياجدو

الجد: يلا ادخلي

اتكتب كتابهم، والجد مسبهمش في حالهم، خلاهم يعيشوا في جناح لوحدهم زي اي زوج وزوجة.

دخلها اسد بعفوية وقسوة

اسد: ادخلي في جحيمي يانور