-صباح الخير يعروسة"

قالتها ماما وهي داخلة وبتفتح شباك أوضتي

-طبعا منمتيش من التوتر والفرحة يستي النهاردة فرحك ومحدش قدك بق

"مردتش عليها ودخلت الحمام وقعدت علي الأرض اعيط 

"فلاش باك"

_تسنيم احنا مش هينفع نتجوز

-هزارك تقيل يعم ، شوف هتأكلني ايه يلا

_تسنيم احنا فعلا مش هينفع نتجوز

-أنت بتقول ايه

_تنسيم أنا بحب واحدة تانية وفعلا مش هينفع نتجوز

- بتهزر صح ، مقلب صح؟

_ ...........

-هو أنت مبتتكلمش لي ، قولي انه ده مقلب او هزار سخيف من بتوعك 

 أقول ايه لماما ولا بابا ولا الناس اللي جايين بكرة دول 

أقولهم ايهههههههه

سيبك من الناس ومن كل دول أنا فين 

طب قلبي ، طب هكمل ازاي وأنا بحبك وعارفة إني محبتش غيرك 

زعقت وعيطت واتحايلت عليه عشان يفضل جمبي وبكل برود قالي "آسف ،أتمني تفهمي كلامي "

-افهم ايه 

افهم إن فرحنا بكرة بعد كل السنين دي وجاي تقولي هتسيبني مبحبكيش ،ليهه عشان اي ،بحبك يا تسنيم يارب اتجوزك ربنا يجمعنا في الحلال مقدرش اعيش من غيرك،أنتِ حب حياتي ، فين كلامك ده ولا كل ده كان تمثيلية

_تسنيم

-تسنيم ضاعت حياتها ومستقبلها ، تسنيم قلبها اتكسر ، عشان اي أحسن مني في ايه ،معاك وأنت مكانش معاك حتي جنيه في جيبك وفضلت واقفة جمبك واساعدك واللي معايا علي اللي معاك عشان نتجوز ،ده احسان إني بحبك وكُنت معاك ، بالله عليك متعملش كده وتسيبني طب نكمل الفرح حتي وطلقني بعدها ونقول محصلش نصيب إنما قبل الفرح هيقولو عليا ايه 

- تسنيم فوقي أنتِ مش الشخص اللي ينفع أكمل معاه حياتي ولا أنا الشخص الصح بالنسبالك 

_بعد 5 سنين جاي تكتشف ده دلوقت 

قعدت علي الأرض بعيط هو أنا للدرجادي وحشة عشان محدش يحبني أنا ناقصلي ايه 

_تسنيم أنتِ مش البنت اللي عايزها ،أنتِ عايزة تتجوزي وخلاص مفيش هدف ولا طموح في حياتك ،مش جميلة زيها بتهتم بنفسها بنت ناس كده وغنية وأسلوب وحاجة كده من اللي بنشوفها في الأفلام 

_ بعيط في صمت 

مشي وسابني اللي كُنت بقوله عليه حياتي ، كُنت بقول عليه المعني الحقيقي للأمان ،جاي يقولي إني مش الشخص الصح له ، طب اي هي معايير الصح وانا هعملها بس ميسيبنيش

باك"

خرجت من أوضتي وبكل ثبات قولت "ماما مفيش فرح ،خالد لغي الفرح ملهاش لازمه الهيصة والأغاني دي خليهم يقفلوها عايزة أنام"

-تسنيم

_ عايزة افضل لوحدي يماما عشان خاطري 

خرجت ومتكلمتش كانت عارفة إني مش قادرة اتكلم

سمعت عياطهم برا ، وزعيق انه ازاي يلغي الفرح من غير ميعرفهم وازاي ده طلع عينه وهو بيقنعهم يقدمو الفرح وكلام كتير عن قد ايه بيحبني ،حاولت اهرب من تفكيري وكلامهم واصبر نفسي بإن أنا مش ضعيفة ومش هسمح لأي حاجة تهزني

دخل بابا أوضتي وقعد يزعق ويقولي: أخرة الجوازة الهباب اللي اختارتيها أودي وشي من الناس فين بق دلوقت ، هجوزك أي حد مقدرش ألغي الفرح بعد معزمت كل الناس دي يقولو اي بنتي معيوبة 

- بابا أنا مش عايزة اتجوز حد 

بابا: كُنت بسيبك تختاري وواثق إنك هتختاري الصح بس النهاردة أكدتيلي إن مينفعش أسيب حد فيكو يتصرف لازم اخد أنا القرارات وأنا خلاص هجوزك أي كلب وخلاص 

- أنت بتقول اي يبابا أنا مستحيل اتجوز أي حد كده

_ بقول إن أنا لازم اغسل عاري  

وقرب منها وبدأ يخنقها

_بقول إن أنا لازم اغسل عاري  

وقرب منها وبدأ يخنقها 

مش عايزة تتجوزي أي حد هقت..لك أحسنلي من إن يقولو سابها يوم فرحها أكيد فيه إنة في الموضوع 

- ماما الحقيني يماما ،سيبني يبابا هم..وت مش قادرة 

_ هغسل عاري وأمو..تك ،ياريتني مو..تك ولا كُنت شوفت اليوم ده 

دخلو عليه الاوضة لقوه بيخن.قها 

مريم "والدة تسنيم" : سيبها ياعلي هتم.وت في إيدك 

علي " والد تسنيم " : همو..تها أحسنلي ميت مرة من إني أقولهم عريسها سابها ليلة دخلتها ، انطقي سابك لي حد لمسك 

تسنيم: حرام عليك بق والله محدش لمسني ولا جه جمبي ، أنا فعلا غلطانة واستاهل ضرب الجزم بس والله محدش لمسني أنا مكنتش اعرف إنه مبيحبنش وإنه بتسلي بيا وهيسيبني ليلة الفرح،مكنتش أعرف إن الحب والحنية بتتمثل ، مكنتش أعرف إني عبيطة وبيضحك عليا من حد عاشرته سنين، مكنتش أعرف اني ولا حاجه بالنسباله ، الغلط كله عليكو مشوفتش حب وحنية في بيت أهلي وكُنت بدور عليه برا وهو استغل ده كُنتو بتعاملوني كأني جماد مش إنسانة وليا مشاعر وبحس ،مو..تني يبابا واغسل عارك عشان ميقولوش سابها لي ولا إنك تحط راسك في الأرض 

قالتها بقهرة وقعدت تعيط علي الأرض

علي: متفكريش الكلمتين دول هيخلوني أغير رأيي يتتجوزي أي حد اجيبه وتعدي اليوم ده علي خير يهقت..لك 

محمد ورايا عشان نشوف حل في المصيبة دي وكل واحدة منكم تخش أوضتها ومتخرجش منها الإ أما انادي عليها سامعين 

في أوضة تسنيم *

مريم: حقك عليا يبنتي حقك عليا    " قالتها وهي بتحضنها "

تسنيم: .......

عمالة تعيط وبس لحد منامت 

في أوضة الحاج علي*

محمد: مش كان عايز يتجوزها يبابا وحفي التراب عشان يتجوزها كلمه وقوله إن احنا موافقين والفرح النهاردة وهو كده كده مش هيرفضلك طلب وهياخدها برا ومحدش هيعرف حاجه عن اللي حصل يدوبك اسبوع الفرح ويسافرو

علي: تفتكر هيوافق ؟

محمد: هو يتمنالها الرضا ترضي بس وتوافق عليه ،كلمه وقوله يجي واحكيله وإن وافق جوزهاله

كلمه الحاج محمد وحكاله كل حاجة وإنه حتي لو مش عايز يكمل معاها يجوزها حتي شوية ويطلقها 

_ ....

-تمم هستناك متتأخرش علينا 

روح قولهم يشغلو الأغاني وتروح تلبس فستانها وتبطل عياط عشان جوزها هيجي ياخدها وفيه فرح 

محمد قالهم 

تسنيم: بتعملو فيا كده لي عايزين تخلصو مني وخلاص ، بالله عليكي يماما قوليله ميعملش فيا كده 

مريم: أنتِ عارفة يبنتي إن كلمته ممكن يهب فيا وفيكي ، وافقي علي كلامه والبسي الفستان واطلعي لما هو يجي أنا متأكدة إنه اختارلك حد إن شاء الله يسعدك يبنتي ،حقك عليا سامحيني إني معرفتش اعملك حاجة

كُنت بلبس فستاني وأنا بعيط وسامعة زغاريطهم برا خلصت وطلعت منزلة الطرحة علي وشي ومش شايفة مين ده 

خدني في ايده ومشينا 

وصلنا ودخلنا الشقه 

_ مبروك يعروسة 

حسيت إني سمعت الصوت ده قبل كده بس مردتش 

_ شيلي الطرحه مش عايزة تعرفي اتجوزتي مين

قال كلامه وهو بيشيل الطرحه 

- أنت!!!!

_هيكون مين غيري يعني ،قولتلك هتجوزك في الأخر واللي مكتوبلنا هنشوفه 

- لو اعرف إنه أنت مكنتش وافقت حتي لو بابا هيقت..لني

_ قولتلك من قبلها إنه مبيحبكيش يتسنيم

اللي بيحب حد بيبان في عنيه ،بيبق عايز يفرشله الأرض ورد ، مبيفكرش يأذيه أو يجي عليه ، اللي بيحب مبيخونش يتسنيم

- شمتان فيا 

_ مش شمتان فيكي يتسنيم أنتِ عارفة إني بحبك وميفرقش معايا سعادتي قدام سعادتك ،كلمة مني يبنت الناس مش هجبرك علي أي حاجة ولا هجي جمبك إلا برضاكي ومش عايز منك حاجة غير أسلوب حلو تعامليني بيه زي مبعاملك

-طيب يحسن 

_ عيون حسن ،يلا غيري عشان نصلي 

خلصو ورايحين ينامو 

_ هنام في أوضة الأطفال وأنتِ نامي في أوضتنا عشان تبقي مرتاحة 

- ماشي 

خد هدومه وسابها ومشي 

قعدت تعيط وتكلم نفسها 

ليه يارب كل ده بيحصلي ،في يوم واحد حياتي تتشقلب كان المفروض يبق أحلي يوم في حياتي واتبسط فيه بس زي باقي البنات بس لا حياتي ماشية بالعكس حتي العادي بيجي عندي ويبوظ ،قعدت احب سنين في واحد مبيحبنيش وفي الاخر خدت واحد بيحبني ومبطيقهوش، اطيق العمي ولا اطيقه

قعدت تتكلم  وتعيط لحد منامت 

صحو علي صوت حد بيخبط علي الباب 

خرج حسن من الأوضة 

تنسيم: مين اللي بيخبط دلوقت 

حسن: مش عارف أنا قولتلهم محدش يجي الصبح ،خشي 

البسي أنتِ عما اشوف مين

تسنيم:تفتكر بابا يحسن

حسن:خشي أنتِ بس وهشوف مين

تسنيم مشت وفتح الباب 

حسن: أنتَ!!!!!

بتعمل اي هنا 

حسن:أنت!!!!!!

بتعمل اي هنا!!!

-ازيك يعريس صباحية مباركة

حسن:بتعمل اي هنا يخالد

خالد:جاي ابارك لصحبي ومراته

حسن:اتفضل يخالد برا من غير...

وقبل ميكمل ردت تسنيم:ازاي يحبيبي مينفعش نطرد ضيوفنا

حسن بصلها واستغرب هي دي اللي كانت بتعيط بليل عليه طالعه بهدوء تقوله اتفضل

دخل خالد وتسنيم قدمتله الحاجه الساقعه وقعدت جمب حسن وكانت في قمة حلاوتها لابسه اشيك حاجه وبرفيوم ريحته جميلة وحاطه ميكب خفيف ، وكان حسن مش واخد باله من نظرات خالد لأنه كان مبسوط إن تسنيم جمبه وماسكه ايده كأنها ....كأنها بتحبه فعلا واتمني لو كانت بصتها الل مليانه حب دي حقيقة

خالد:احممم ، بيتهيألي جيت في وقت غلط

تسنيم:طبعًا جيت في وقت غلط 

مكنتش فاضية أنا وحسن بس مكنش ينفع نمشيك 

خالد:قصدك ايه

تسنيم:قصدي إنك نورتنا يخالد ، نردهالك في فرحك يصاحب جوزي

مفتحش بوقه بنص كلمه ومشي 

وحسن كان في قمة انبساطه بكلمة جوزي وطريقة تسنيم معاه ، بس اتقلب مزاجه أول ما تسنيم شالت ايدها ورجعت بصات الكره والقرف بتاعتها تاني له

تسنيم:هخش أنام 

حسن:استني يتسنيم

فيه حاجات لازم نتكلم فيها 

تسنيم:في ايه

حسن:عايز اعرف سيبتو بعض ليه ولا سبتيه او سابك لي

- أنت مفكر فيه حاجه حصلت بينا زيهم صح؟

مهو مستحيل حد يفكر إنه سابني كدة من قلة أصله وإنه مش راجل وقد كلمته وإنه محبنيش ، أكيد العيب فيا وإني وحشه صح يحسن، وطالما وحشه وافقت تتجوز واحده زيي ليه يحسن

_مكنتش أقصد كده يتسنيم

وأنا متأكد إني مهما لفيت مش هلاقي حد في طيبتك وأخلاقك يتسنيم، أنا متأكد إنك تعرفي تحافظي علي نفسك كويس وإن العيب والغلط مش منك ، وهفضل اشكر ربنا إن حقيقته بانت وسابك قبل مكننتي تتجوزيه وإنك بقيتي حلالي ومراتي 

-أنا مقدرش اديك الل أنت عايزه ، ولا حب ولا إني ابق مراتك ولا اهتمام ولا اي حاجه 

ممكن بعد فترة نطلق يحسن أنا مبحبكش ولا عمري هحبك ولا هفضل معاك 

_وهيقولو طلقتها لي في أول شهرين جواز

-أنا تعبت من كلام الناس ، في كل الحالات هيتكلمو عليا

_أنا بحبك يتسنيم من وأنتِ عيلة صغيرة بضفاير،بس معرفش مكنتيش بتحبيني ليه ،أنا مقدرش اعيش من غيرك ، الراجل الل بيمشي شركة بحالها فيها أكتر من 100 راجل وله كلمه مبتنزلش كان بعيط وهو ساجد عشان تبقي من نصيبه ، لففتيني وراكي يبنت الحاج علي وفي الأخر عايزاني اسيبك تمشي ؟

هفضل وراكي لحد ما عنيكي اللي بتوه فيها دي متحبش تشوف غيري 

-معنديش حاجه اديهالك يحسن ، خلينا نعيش كأننا مش موجودين في نفس المكان وبعد شهرين طلقني، تصبح ع خير 

سابته ودخلت نامت وفضل هو يفكر ازاي يخليها تحبه ولا تفضل معاه حتي من غير ميتجوزو

بعد شوية أهلها جم وسألو عليها قالهم نايمه 

علي"والدها": عايزك في حاجه يبني لوحدنا 

خده وراحو اوضه تانيه 

حسن:في ايه يحاج

علي:من غير لف ودوران ، أنا جيالك دوغري يبني وعايز اعرف حصل بينكو حاجة ولا لا وبنتي بنت بنوت ولا لا 

حسن: ايهه الل أنت بتقوله ده يحاج 

بتشك في بنتك ، في تسنيم؟؟؟؟

علي:يبق محصلش بينكو حاجة 

معاك يومين وتقولي بنتي بنت بنوت ولا لا

حسن:أجبرها يعني يحاج ولا ايه

دي بنتك بردو ،استهدي بالله كدة ومتخليش الشيطان يدخلو بينكو 

علي:برضاها او غصب عنها لازم اعرف وان مطلعتش بنت بنوت تقت**لها أو أنا هخلص عليها

حسن:عايزني اغت..صب مراتي!!!!!!

حسن:عايزني اغت..صب مراتي يعمي

الحاج علي: بنتي وأنا حر فيها 

حسن:بنتك اما تبق في بيتك ، إنما هي علي ذمتي دلوقت ، محدش يدخل بيني وبينها 

الحاج علي: شكلك نسيت إني اللي مجوزهالك وممكن اخليها تطلق منك دلوقت

حسن:منستش إن حضرتك اللي مجوزهالي ،بس اللي بتقوله ده يبق بالعقل يحاج ، مش أنا اللي اجبر مراتي علي حاجه هي مش عوزاها، ولو مكنتش واثق في بنتك وإنها متربية كويس مكنتش وافقت اتجوزها ، أنت حمايا وزي والدي بس لو والدي عايش مش هسمحله يدخل بيني وبين مراتي ولا يدخل في أمور بيتي ، اللي ليك عندي إني احترم بنتك واحافظ عليها غير كده معنديش حاجة أقولها يعمي 

الحاج علي: بتطردني يحسن

حسن:أنا اطلع من بيتي واسيبهولك يعمي ولا إني اطردك او اقصد اطردك او ازعلك ده أنت أبو الغالية ، بس اللي بتقوله ده مستحيل بدل متدعيلنا ربنا يهدينا وتوصيها عليا وتزغطني وتدلعني جاي تقولي ازعلها

-ماشي يبني 

ربنا يهدو سركو ، هنمشي احنا بق 

_خليكو شوية ، ونتغدا سوا 

-لا هنمشي احنا بق 

بعد ما مشيو ، طلب حسن أكل ودخل يصحي تسنيم 

اول ما فتحت عنيها لقت حسن في وشها 

-بتعمل ايه هنا يحسن 

_مراتي وأوضتي هكون بعمل اي بق 

-لا بقولك اي انا مجنونه يعني لو جيت جمبي هلم عليك الشارع كله

_عادي هقولهم خناقات عرسان جداد 

-عايز اي يحسن

_جايلك نصلي يستي ، قولت أخد فيكي ثواب وحسنات بدل لسانك الدبش ده ونصلي سوا 

-طيب اطلع وأنا هجيلك 

_ماشي يمراتي 

-مراتك في عينك

_هي فعلا في عيني "قالها وغمزلها"

-" شكله عبيط ومحتاج يتعالج " تسنيم في سرها 

اتوضت وطلعت وصلو 

-اي الأكل ده ؟

_لا بقولك اي أنا دافع دم قلبي كلي وأنتِ ساكته

-مش واكله وأمور السهوكة دي مبتاكلش معايا 

_ممكن يحبيبتي تاكلي

-أيوا كده ،ناس مبتجيش غير بالعين الحمرا

_نفسي أشوفها 

-هي اي

-العين الحمرا 

_عايزني أعيط، طلقني

-يبنت الناس

_طلقني يحسن ، طلقني وروح لأم شعر أحمر ، اتفضل طلقني

-اسكتي بق ايههه بالعه راديو

قعدو ياكلو وطول الأكل تسنيم بتبص لحسن كأنه واكل أكلها

بعد مخلصو أكل 

_سيبهم يحسن ، هلمهم أنا 

-هساعدك يحبيبتي

_ لا لا هلمهم أنا 

-طيب خلصي وتعالي عايزك في حاجه 

خلصت وراحلته

_اي يحسن

-اقعدي نتكلم كلمتين كده

_هنتكلم في ايه منا قولتلك اللي عندي

-عيلتك كانو هنا يتسنيم

_ اه منا سمعتهم وكملت نوم عادي

-مطلعتيش لي تشوفيهم

_اشوف ناس باعتني بالرخيص عشان شكلهم قدام الناس 

-تسنيم ده تفكيرهم ونظرتهم  واللي اتربو عليه 

_طب وأنا 

بيقولو القطه بتاكل عيالها من خوفها عليهم، أنا أهلي رموني لواحد مش عايزاه عشان خوفهم من كلام الناس ، أهلي ماتو من يوم ماجوزوني ليك 

- مش يمكن ده خير ليكي ، يمكن أنا الإختيار الصح ليكي ، ليه شايفة إنك مجبرة عليا ، مش يمكن أنتِ عارفة إني اختيار صح بس خايفة تجربي ، أو خايفة اطلع صح فعلا هيبق شكلك ايه 

_قصدك ايه

-قصدي فهماه كويس يتسنيم  ، هديكي فرصة تجربي مش يمكن اطلع صح فعلا ومتفضليش حياتك كلها بتدوري علي الإختيار الصح وهو قدامك

_بس أنا اُجبرت علي الإختيار ده، حتي لو كُنت أنت صح ، شعور إنك مجبر علي الحاجة ده أسوأ من اختيارك يطلع 

غلط

-ادي فرصة لنفسك وليا 

_هفكر

تسنيم قاعدة بتفكر تديله فرصة فعلا ولا لا ، ولا تبق توكسيك وكل الرجالة زي بعض ومتديلهوش فرصة 

دخل عليها حسن 

-بقولك اي متيجي نخرج

_هنروح فين 

-نروح في ديت زي اللي لسه بيتعرفو علي بعض ، وتلبسي فستان جميل وهيلز وتحطي الروج اللي بتحبيه ونروح مكان مخططاله واجبلك ورد وشوكولاته واحكيلك قد ايه بحبك

_وهنلف في الشارع بليل لحد الفجر 

-لحد الفجر دي تعمليها مع جوزك ، انما احنا اتنين مخطوبين يستي خارجين في ديت ،غير كدة معندناش بناات تروح متأخر 

_طب وهتيجي تاخدني بالعربية ازاي واحنا ف نفس البيت ، وتستناني ساعه ولا ساعتين وتقولي قدام مرايتها بتدلع براحتها ولا انت هتكروتني

-يعني أنتِ موافقة بجد ، وهتديلي فرصة 

_مهو انا مش هلاقي كل يوم حد يجبلي ورد وشوكولاته ومعاه عربية وشغال في شركة 

-بجد يتسنيم

يعني كل حاجه خططتلها هنعملها سوا 

_بحب الورد الأحمر علي فكرة 

-صاروخ واكون جايبلك كل الورد الأحمر

_طيب وانا هروح البس بق 

"كانت حلوة خالص ولابسة دريس أحمر وهيلز أسود ، حسن كان لابس شميز أسود وبنطلون اسود ومعاه ورد أحمر"

تلفون تسنيم رن وهي بتلف الطرحه

-خلصتي

_مستعجل علي ايه طيب ، اديني فرصة اتأخر

-معلش حقك عليا خدي وقتك ، أنا بس من كتر منا مبسوط مستعجل اوي

_عشر دقايق وهنزل

خلصت ونزلتله "

-بسم الله ما شاء الله تسعين مرة ، خايف احسد الحلاوة دي نقوم ماسكين في خناق بعض 

_لا لا متخافش 

-طب اتفضلي"ادالها الورد وراح يفتحلها الباب

_شكرًا يحسن

حلوة الحركة دي 

-عجبتك

ده أنا هبهرك قد ايه أنا رومانسي وحنين

_هتوديني فين بق

-أحلي مكان بيعمل بيتزا عشان بتحبيها

_طب وأنت 

-بحبك وبحب البيتزا ، فمفيش مشكلة أكلك أو اكلها

_ركز في السواقة بدل مناكل بيتزا ، هناكل مطبات ونقضيها في المستشفي

وصلو ودخلو 

كان المكان هادي ومليان ورد وقريب من بحر ، مكنش فيه صوت حاجه غير البحر 

_المكان فاضي يحسن

-قولت احققلك امنيتك ونسهر برا البيت وكمان نقعد براحتنا

_بجد ، بس أنا مخففه هدومي

-متخافيش عامل حساب كل حاجه ، تعالي ناكل الأول وبعدين نبق نفكر في أي حاجه 

كلو وقعدو يرغو شوية وكان حسن مجهز قعدة قدام البحر وشوية فاكهة ومسليات "شكل السهرة هتطول"

-خدي جاكت اهو عشان الجو سقعه

_شكرًا

-العفو يستي

متحكيلي حاجه عشوائية كدة يتسنيم بتحبيها أو جات في  بالك 

_أي حاجة 

-بحب الرسم بس مجربتش قبل كدة أحاول 

_طب وليه 

-مشعارفة يحسن أنا طول الوقت بدور علي الوقت المناسب ، من وأنا صغير بقول لنفسي كل يوم الوقت مش مناسب لحد ما فجأة لقتني حاجة وعشرين سنه وأنا لسه بدور علي الوقت المناسب

_أحيانا بتبقي محتاجة تجربي تاخدي الخطوة متستنيش، ممكن تفضلي مستنيه العمر كله ، أنا فضلت أدور علي وقت مناسب عشان اتقدملك واقولك اني بحبك ولما قررت اخد خطوة كُنتي خلاص اتخطبتي

-بتحبني من زمان كده يحسن

_من لما كُنتي بتيجي تلعبي قدام بيتنا وتطلعيلي لسانك لما أقولك مفيش لعب هنا

-مهو أنت كنت مستفز يحسن وتضايق الواحد ، ومكنتش بتخليني العب قدام بيتكو مع العيال

_أنا راضي ذمتك كان فيه حد بيعرف ياخد منك حق ولا باطل ولا يكلمك ، ده أنتِ كُنتي متشردة ، وبعدين يعبيطه كنت بغير عليكي، لو كنتي جيتي تلعبي معايا كنت سيبتك تلعبي

-لا ده أنت غيور من زمان 

_مهو الحلوف حلوف بق ، فتح يعمي وشوف بحبك قد ايه

-طب هات الشوكولاته بتاعتي يحسن ، شكلك بتقولي كلمتين عشان تاكلها وتضحك عليا 

_طب متديني اي حاجه تحت الحساب كده 

-عايز تدفعني فلوس الشوكولاته

_هدفعك اي يبنتي، هاتي بوسة 

-قلة الأدب دي عندكو يحسن ، انما احنا من عيلة محافظه ، ممكن الم عليك الناس دلوقت

_يبنتي جوزك مش خاطفك والله 

-ولو يحسن ، ولو

_ماشي يستي ربنا يسهلو

كُنتي مخططة تعملي اي مستقبلا أنتِ وجوزك عمتًا

-اخليه يفلس

_نعمممممم

-قصدي اعمل شوبينج كتير واجيب اسكين كير كتير واكل كتير وشوزات كتير وفسح بق كتيرررر

_كله كده كتير ، ده أنا كدة هشحت

-فدايا أنت اشتغل وأنا هصرف 

_طب والعيال 

-عايزة ابق لا انجابية يحسن

_لا اي يعنيا ، أنا ماشي وسايبك ، ولاد أختك أثرو علي دماغك

-استني يحسن هفهمك بهزر معاك يعم، بس لسه بدري طبعًا أنا لسه بتفرج علي الكرتون يحسن، هروح اجيب عيال 

_وهو أنا مستعجلك يحبيبتي أنا بسألك

-اسأل يعم هو مين اللي هيربي ويقرفو في مين 

_متخافيش هساعدك

-ماشي يعم، اسألك أنا بق دوري

_هو بق بالدور ، ماشي يستي اسألي

-اشمعنا أنا يحسن ، كان ممكن تخطب بق او تتجوز وتعيش حياتك بعد معرفت اني اتخطبت

_لحد الأن معنديش اجابة غير إني كنت حاسس إنكو هتسيبو بعض، وبعدين كان باين إنكو مش لايقين علي بعض 

-وأنت اللي فاهم بق احنا لايقين ولا لا ياأستاذ حسن

_اه طبعا زينا كده لايقين علي بعض 

-فكرك هحبك يحسن، أنا عارفة اللي هقوله هيزعلك بس أنا ببق بضحك عليك لو قولتلك اني ممكن اتخطي في يومين واحبك في ثواني

_وليه متحبنيش في ثواني وتنسي في ثواني

ليه محتاجه تخططي وتفكري  انا صح ليكي ولا لا ، ليه محتاجه سنه عشان تعملي موڤ اون من حد بايعك وتبدأي تشوفي حياتك، أنتِ اللي بتصعبيها علي نفسك ، لو مش شاريكي مكنتش قعدت معاكي دلوقت اسمعك،مبتهونش علينا العشرة بس المواقف بتثبتلك إن وجودك مع الأشخاص دول غلط ، متعافريش أنتِ بق عشان تفضلي معاهم، وبعدين يستي هتلاقي حد زيي قمر فين وبصلي وشغال وعندي عربية وكمان بموت فيكي، وبعدين يستي فكك من ان احنا متجوزين ، احنا صحاب وبس لحد متحبيني ومتخبيش عليا حاجة موافقة

-موافقة

عدا أسبوع من آخر مرة مرة اتكلمو فيها في الحوار ده ،وتسنيم بدأت تقرب من حسن وترتاحله ويخرجو سوا 

_خلاص هتروحي العيادة بتاعتك

-اه ، هتوصلني ولا اخد تاكسي

_يعني جوزك يبق معاه عربية وتاخدي تاكسي

-طب يلا عشان متأخرش 

حسن وصلها وراح شغله 

وهي كانت مركزة في شغلها وبتتابع مع المرضي بتوعها لحد مدخلها خالد 

-بتعمل اي هنا يخالد

حسن وصلها وراح شغله 

وهي كانت مركزة في شغلها وبتتابع مع المرضي بتوعها لحد مدخلها خالد 

-بتعمل اي هنا يخالد

:جاي اكشف بردو مش دي عيادة

-تمم اتفضل

جلسة وهسمعك ولا عايزني اكتبلك علي علاج بعد منشوف المشكلة فين

:لا جلسة 

-طيب اتفضل

عارف تحدد اي هي المشكلة الموجودة ولا هتحكي وانا اقولك اي هي

:انا عايز حد يسمعني

-منا موجودة عشان اسمعك يخالد

:طلعت مبتحبنيش يتسنيم

-دكتورة تسنيم يخالد ، أنا الدكتورة وأنت مريض عندي 

:طيب

كنت بحب واحدة وهي كمان بتحبني بس سيبتها عشان واحدة تانية، وعرفت انها بتخوني وموجودة معايا عشان فلوسي،مش عارف أواجهها ولا اعمل اي ، وهل ممكن حبيبتي القديمه ترضي ترجعلي أنا لسه بحبها، أنا فعلًا ندمان بحبها لسه ومش عارف اكمل من غيرها ، كانت وزة شيطان وراحت لحالها واتعلمت من غلطي

-مينفعش تطلع وتدخل حياة الناس علي حسب مزاجك 

فيه حاجة اسمها بفكر قبل ماخد القرار بحسب النتايج ، وطالما أنت محسبتهاش لازم تتحمل نتيجة اختيارك ، أنت جاي تحكيلي أنك توكسيك في رواية أحدهم وطرف تالت خد حق أحدهم منك ، طب مالمشكلة منك أنت لو كنت عارف أنت عايز اي واختياراتك اي مش سايبها تيجي زي متيجي وتأذي في خلق ربنا ، كان ممكن يبق معاك الإختيار الصح ، من رأيي إنك مترجعش حياة الشخص القديم وتنسي كل الل فات وتبدأ من جديد وتختار صح من غير متأذي الناس 

:بس أنا

-مينفعش تدمر سعادة الناس ع حساب راحتك ، اتبسط من غير متأذي الناس 

:بس تسنيم أنا بحبك فعلا صدقيني

 حقك عليا سامحيني معرفتش قيمتك  غير متأخر ، عشان خاطري يتسنيم ممكن تتطلقي ونتجوز أنا وأنتِ أنا لسه بحبك، وأنتِ كده كده مبتحبهوش

-مين قالك إني مبحبهوش 

وحتي لو بحبه أو مبحبهوش في الأول والأخر جوزي وواجب عليا احترمه في وجوده وغيابه، وبعدين ده شخص وقف جمب في المر قبل الحلو واتجوزني لما أنت سبتني ليلة الفرح ، عايزني اردهاله بإني اسيبه وعشان مين عشانك، مستحيل

بيتهيألي جلستنا كدة خلصت يا أستاذ خالد وأنت عارف الصح من الغلط وتقدر تاخد قرار كويس جدًا 

:طيب ممكن متقوليش لحسن إني جيت هنا عشان ميحصلش مشاكل 

-تمم 

خلصت كل الحالات بتاعتها وتلفونها رن

_اي يحبيبتي خلصتي

-اه ، هتتغدي معايا 

_اه جايلك في الطريق اهوة 

_ماشي مستنياك

في الوقت اللي حسن داخل فيه العيادة كان خالد لسه خارج من العيادة 

خالد بتلبك كأنه عامل جريمة:ازيك يحسن

_بتعمل اي هنا يخالد

:جاي اكشف مش دي عيادة بردو 

_ملقتش عيادة في الدنيا كلها الا عيادة مراتي

:مراتك بس علي الورق ، لسه مبقتش مراتك شرعًا 

_أنت عرفت منين

:تسنيم متقدرش تعيش من غيري يحسن مهما حصل وبتحكيلي علي كل حاجه زي قعدة البحر والورد والشوكولاته

_تسنيم اللي حكتلك

:طبعًا ، متتعلقش أنت بس بيها عشان هما يدوبك شهرين وترجعلي تاني ، ترجع لخالد حبيبها "قاله كده وسابه ومشي يغلي مع نفسه"

طلع لتسنيم 

-أهلًا يحبيبي

_أهلًا يحبيبتي ، اي اخبار الشغل النهاردة

-كويس ماشي زي الفل

_اه كويس ، مجاش ليكي واحد صحبي قالك انه تبعي

-لا يحبيبي 

_طب مش عايزة تحكيلي علي حاجه حصلت معاكي النهاردة في الشغل حصل اي معاكي وكده 

-هيكون حصل اي يعني 

مرضي داخلين اسمعهم وندور ع حل للمشكلة واخرجهم من اللي هما فيه وبس

_اه طب يلا ناكل

-فيه حاجة ولا ايه

_لا

خلصو وروحو ونامو شوية 

حسن بيخبط علي باب الأوضة وداخلها لقاها اتوترت وخبت تلفونها 

_جاي في وقت غلط ولا ايه

-لا لا ، فيه حاجه ولا ايه

_كنت بقول لو ننزل نتمشي شوية وناكل دره

-خليها مرة تانيه يحسن ، معلش مليش مزاج

_ولا يهمك يحبيبتي أنتِ كويسة يعني

-اه كويسة ، محتاجه اريح بس شوية

فضلو طول الإسبوع الل بعده فيه مسافة بينهم ، حسن شاكك في تسنيم، وتسنيم مش عارفة تحكيله ازاي ان خالد بيجي يتعالج عنها في العيادة وانها محكتلهوش عشان خايفة يفكر إنها عايزة ترجعله ،وفي نفس الوقت هي عايزة تكلمه وتقوله إنها بدأت تحبه

بس طبعًا كل ده هيتغير بعد مكالمة خالد لحسن والل زرع الشك اكتر جواه نحية تسنيم

ف يوم رن تلفون تسنيم 

:تسنيم الحقيني

- خالد

ف إيه يخالد

:الحقيني ، دخل حرامية يسرقو الشقة واتخانقت فيهم واتعورت

قالها كده وقفل السكه 

لبست ونزلت جري تشوف ف اي 

ف نفس الوقت خالد رن علي حسن 

:مراتك جيالي البيت

جاية تسلمني نفسها ، عشان تعرف انها متقدرش تعيش من غيري وبتحبني

_الكلام ده كدب

:خلاص تعالي وشوف بنفسك

طلعت بسرعة علي شقة خالد ، دخلت لقت الباب مفتوح

-خالدددددد "بتنادي عليه بصوت عالي"

طلعلها وهو مبتسم:ازيك يحبيبتي

-أنت أنت كويس

:اه كويس

-يعني أنت كدبت عليا 

:أنا بحبك يتسنيم وعارف إنك بتحبيني ، خلينا نرجع بق يحبيبتي وسيبك من شغل الزعل ده أنا موجود اهوة جمبك ورجعتلك خلينا ننبسط، وسيبك منه بق وقوليله يطلقك كفاية كدب عليه بق وتعالي نعيش سوا 

-خالد أنت

:عارف اللي هتقوليه يحبيبتي خايفه عليه وع زعله وإنه وقف جمبك ، ممكن نديله قرشين كنوع من أنواع الشكر وهو مش هيرفض ،صح يحسن

-حسن!!

"بصتله واتصدمت" حسن متصدقهوش ولا تصدق كلامه ده 

:كفاية كدب عليه يحبيبتي ، مهو خلاص عرف كل حاجة 

-حسن صدقني مفيش حاجه من الل قالها حقيقة ده كداب

-حسن!!

"بصتله واتصدمت" حسن متصدقهوش ولا تصدق كلامه ده 

:كفاية كدب عليه يحبيبتي ، مهو خلاص عرف كل حاجة 

-حسن صدقني مفيش حاجه من الل قالها حقيقة ده كداب

_طبعًا يحبيبتي أنا عارف إنه كداب 

وبعدين منتي قيلالي إنك جاية تكشفي عليه ، فكرك هصدق واحد كداب زي ده ، الأستاذ رن عليا وقالي إنك معاه وجاية تقضي يوم معاه ،العبيط ميعرفش إنك قيلالي يحبيبتي، أظن بق  شغل العيال اللي بتعمله ده مفيش منه فايدة ،وإنك توقع بيني وبين مراتي مش هيحصل 

"بصلها وقالها " مش يلا يحبيبتي اتأخرنا علي الغدا 

طول الطريق حسن مبيكلمش تسنيم ولا بيبصلها، وهي عمالة تعيط 

أول ما دخلو البيت 

-حسن

_......

-بالله عليك يحسن ترد عليا 

والله محصلش حاجه من الل بيقول عليها ، أنا بتقرف منه أصلا 

_مقولتيش ليا إن خالد بيجي عندك ليه ف العيادة 

متردي ساكته ليه 

تعرفي قالي ايه ، قالي جاية تقضي معاه ليلة 

عارفة يعني اي واحد يقولي مراتك في بيتي

لو مكنتيش عاملة حاجه غلط كنتي كلمتيني ايا كانت اسبابك

متغيرة معايا بقالك فترة وبتخبي عليا وكذا مرة ادخل عليكي الأوضة وأنتِ ماسكة الزفت تتوتري 

-حسن 

_سمعيني مبرراتك يدكتورة

-بتكلمني كده ليه يحسن ، أنا تسنيم ده أنا لما أهلي شكو فيا أنت الوحيد اللي صدقتني ووقفت جمبي

وبعدين مش قولتلي هستناكي حتي لو سنين عشان تحبيني جاي تصدق واحد زي ده 

خوفت اقولك انه بيجي عندي العيادة تفكر حاجه ، وسبب اني كنت ف بيته رن عليا وقالي حرامية دخلو البيت وضربوه

_مفيش مبرر لكدبك وإنك خبيتي عليا 

-بس يحسن

_حتي لو مكنتش تعرفي اي نيته او هيعمل اي 

مكنتيش تخبي عليا حاجه زي دي ، وبعدين زعلانه لي كلامه صح أنتِ بس خايفة علي زعلي واني وقفت جمبك ، مفيش داعي تفضلي معايا يتسنيم ، هبعتلك ورقة طلاقك وخليكي ف الشقه ووقت متحبي تروحي لأهلك وتقوليلهم إن احنا اطلقنا روحي

-حسن هتسيبني بعد كل ده عشان كدبه

_الشك اتزرع جوايا بسببك يتسنيم 

كان بيكلمني ويقولي إنه كان معاكي وإنك بتحكيله كل حاجه لا وكمان تخيلي يعرف إن احنا متجوزين علي الورق بس

-أنا بحبك يحسن وعمري محكيتله حاجة 

أنا عارفة إني غلطانه إني كدبت عليك ، حقك عليا يحسن بس والله مبطيقهوش حتي ، وكنت بضطر اتعامل معاه عشان مريض عندي والمفروض بفصل حياتي الشخصية عن العملية

_جاي متأخر الكلام ده يتسنيم

أنا همشي 

-بس يحسن 

_لو ناقصك حاجة في البيت كلميني 

-والنبي يحسن متمشيش 

طب اقعد نتخانق 

هتسيبني وانا زعلانه ، مش قولتلي ميهونش عليك زعلي وهتفضل معايا دايما

_محتاج امشي

-طب اجي معاك نتمشي

_مش عايز اكلمك يتسنيم، عايز اقعد ف حته اهدي

-هجي معاك بردو أنا مليش غيرك يحسن

هتعمل الل هو كان عايزه إنك تسيبني 

أنا مش عايزاه والله ومش شفقه مني ولا رد جميل 

لو كنت قولتلي امشي يتسنيم وهطلقك كنت مشيت بس أنا دلوقت بحبك يحسن 

_وأصدقك ازاي

-منا صدقتك يحسن وصدقت حبك 

جاي بعد موقعتني تتخلي عني

_اللي يسمعك يقول غلطت معاكي وسبتك

-منت غلطت أهو يحسن وزعلتني وأنت واعدني متزعلنيش

_الزعل جاي منك أنتِ ، أنتِ اللي كسرتي قلبي

-مقدرش يحسن 

طب اصاالحك بورد

طب بذمتك مكدبني ومصدق ده 

ده لو عبيط جبته من الشارع وقولتله الكلام ده هيقولك انه كداب

بق مكدبني يحسن 

بتشك فيا 

بتصدق ده 

جوزي بيشك فيا يناس 

_اسكتي يتسنيم

بتقلبي الطربيزة عليا  وبتزعقي

-عمال تقولي بتحبني وبتشك فيا

هلم هدومي واسيبلك البيت يحسن وهبعتلك ابويا 

مش معني إني متخانقه معاهم محدش هيجبلي حقي 

_ف ايه 

انا اتحولت من صاحب الحق ومظلوم لظالم

-حسبي الله بتشك فيا يظالم يمفتري 

وعمال توهمني بالحب 

نو أمان ل أي مان

_لحقتي تقلبي الطربيزة وتجيبي الكلام ده منين

-هتصالحني ولا الم الناس علينا واقول بتكدبني وتشك فيا وارن علي ابويا اقوله انك ضاربني واعمل فيك محضر

_مفيش آثار ضرب عليكي يتسنيم

-هخلي اي حد يضربني واعمل فيك محضر واجرجرك ف المحاكم

_طبعا هصالحك أنا لسه في عز شبابي ومش عايز اقضيها في السجن

-شاطر يروحي 

شوفت مبتجيش غير بالعين الحمرا 

لو كنت لميت الدنيا وصدقتني وصالحتني وبوست دماغي وكرمشتلي 5 الاف جنيه كان زمان المشكلة اتحلت

_حقك عليا يحبيبتي

-لا مقدرش اتصالح بالسهولة دي 

_نعم!!!!!!

طب متجيبي حاجه كده تحت الحساب عشان اعرف اصالحك

_عايز تدفعني فلوس يحسن

-دي بوسة بريئة

_ولو ولو يحسن 

احنا عيلة محافظة 

تمت بحمدلله