كانت راجعه ملك من عند صاحبتها شروق في وقت متأخر وكانت بتكلم مامتها اللي كانت بتزعقلها علي التأخير ومره واحده طلع عليهم شباب 

محمد..يا اهلا بالقمر بتاعي اللي ناسيني

ملك بتوتر..عاوز اي مني يمحمد ابعد عني نت وشويه الزباله دول 

محمد بخبث..توء توء .....اكيد الكلام دا مش لينا 

شروق..مت*غور ياض ..هي مش خلاص فضتها معاك 

محمد بتهديد..اخرسي يبت انتي 

ملك..نت عاوز مني اي يمحمد

محمد..مهو مش انا اللي يحصل معايا كدا ..نا عاوز بقيت حقي

ملك..غو*ر  ياض من هنا بدل ما هلم عليك الناس 

محمد قام مسكها ورماها علي الارض وفضلت هي تص*رخ لكن المكان فاضي وق**طع الفستان بتاعها وفضل يغت**صبها بطريقه بشعه وشروق اترعبت من المنظر فجريت ورنت علي اهل ملك ..وبعد ما خلص محمد اللي هو عاوزه 

محمد..عاوزه حاجه يروحي 

ملك بانهيار ..وربنا ما هسيبك ياابن الكل**ب 

لف محمد ضهره..سلام يحبي 

فقامت ملك من غيظها وقهرتها علي نفسها ضربتو وقع علي الارض وكانت لسه هتكمل ضرب لكنو وقعها علي دماغها فقدت الوعي وجري محمد لانو افتكرها ماتت وهتجيبلو مصيبه وبعدها بشويه جم أهلها ولقوها لبسها متق*طع وفي علامات في جس*مها وكمان دماغها جايبه دم 

عدي اسبوع عالكلام دا وكل الناس عرفو اللي حصل وسيره ملك بقت علي كل لسان وكمان نتيجه الخب*طه أصبحت عميا ومقهوره علي حالها لحد ما جهه عمها ايمن وابنو سليم عندهم البيت 

ايمن..اهدي يعلاء ياخويا كل حاجه هتتحل 

علاء..اهدي اي بقولك البنت خلاص فضحتنا وسيرتها بقت علي كل لسان ..وكمان عاميه 

ايمن..ياريتها كانت ماتت وخلصنا .....بص ياخويا انا اتكلمت مع ابني سليم وهيتجوزها ويستر عليها هو بردو ابن عمها 

علاء..أصيل يا ايمن ياخويا انت وابنك ...بجد هتريحوني جدا 

سليم..بس نا ليا شرط ياعمي 

علاء..اشرط يابني ..براحتك

سليم..انا لو هتجوز عليها عادي بقا 

علاء..بص انا عاوزك تعاملها انها خدامه وتعمل فيها اللي انت عاوزه.. كفايه اللي عملتو فيا 

وفي اوضتها كانت قاعده مقهوره مش شايفه ادامها غير سواد وحاسه انها مخنوقه لكل اللي حصل لها وبتبكي بقهره ودخلت لها امها قالتلها علي خبر جوازها من سليم ووافقت طبعا وما صدقت ان في حد هيستر عليها بعد الفضيحه وجهه يوم كتب الكتاب وكتبوه من غير فرح واخدها سليم ودخلو الاوضه اللي في شقه فخمه ودخلها وقعدها علي الكنبه لأنها مش بتشوف 

سليم ..بصي بقا يبت انتي ...انا متجوزك عشان استر عليكي وعشان ابويا مش اكتر ..غير كدا انتي هتقعدي هنا كدا منغير اي صوت ولو خرجت انا مهما اتاخرت متساليش حتي انا بعمل اي انتي هنا اقل من الكنبه اللي انتي قاعده عليها دي..فاهمه 

ملك وهي تكتم بكاها..تحت امرك يسليم اعمل اللي انت عاوزه ...ممكن بس تاخد بايدي ادخل الحمام وتجيبلي لبس البسه 

سليم..هو نا شغال عندك اعملي انتي لوحدك 

ملك..بس انا مش شايفه حاجه ...ساعدني بس 

قام ساعدها سليم ودخلها الحمام وفضلت هي تبكي بصوت مكتوم وعدي هو من أدام الحمام سمع شهقاتها صعبت عليه شويه وبعدها خرجت من الحمام وكانت بتحسس علي الحاجات وهي ماشيه اتكعبلت في الترابيزه ووقعت ع الارض

سليم بخضه..ملك..........

يتبع........

سليم بخضه..ملك....

فضلت ملك تعيط جداا بانهيار مش من وجع الخ*بطه إنما من وجع قلبها وكل اللي حصلها جري عليها سليم 

سليم بهدوء..اي بتعيطي لي بس 

مقدرتش تنطق ملك وبتعيط وبس فقام شاهلها سليم من ع الارض ونيمها علي السرير وكانت لسه بتعيط ..حس سليم احساس غريب وهو انو مش طايق يشوفها بتعيط ..كان هيملس علي شعرها لكن تراجع في آخر لحظه وقام وقف في البلكونه استنشق هوا وفضل يفكر..هما لي بيعملو معاها كدا ..يعني هي اللي مظلومه وكل*ب زي دا يعمل فيها كدا وكمان تفقد بصرها واحنا نكمل عليها ...طب هو مين الواد اللي عمل كدا دا ..اكيد في حاجه انا مش فاهمها ...وقعد شويه في البلكونه وبعدها خرج لقاها نامت والدموع علي عينيها فراح مسحلها دموعها وراح ينام ع الكنبه 

في صباح اليوم التالي رن فون سليم وكان ايمن 

سليم..الو ..اي يبابا 

ايمن..اي ..ملك عامله اي 

سليم..نايمه اهي ...بقولك يبابا انا كنت عاوز أسألك سؤال بس 

ايمن..اسأل..في اي

سليم..هو انتو لي بتعاملوها كدا وهي مظلومه اصلا ..يعني المفروض نقف جنبها ..ولا اي 

ايمن..هقولك يبني..عشان هي عارفه الواد اللي عمل فيها كدا ومش راضيه تقول اسمه

سليم..اه ...طب هي لي مش راضيه تقول اسمه

ايمن..انت تفهمها اي انت بقا ..اكيد كان في حاجه بينهم 

سليم بزعل..بس هي صعبانه عليا اوي 

ايمن..ميغركش ..بص لو عرفت تعرفلنا اسم الولد دا ساعتها هنعرف الحقيقه 

سليم..تمم..انا اعرفو بس ..وربنا انا اللي هقتلة بايدي 

ايمن..نعرفو بس يبني نعرفو ...

قفل ايمن وصحيت ملك من النوم مفزوعه لأنها كانت بتحلم بالمشهد اللي مش بيفارق خيالها وهو اللي محمد عملو فيها 

سليم قرب منها وقال بقلق..مالك يبنتي في اي 

ملك بدموع..لا مفيش.......

سليم بهدوء..هو نا ممكن اسالك سؤال بس لازم تجاوبي عليه 

ملك بتوتر شديد..اي...سؤال اي 

سليم..مين الولد اللي عمل فيكي كدا 

ملك بتوتر شديد..م..معرفش 

سليم وحاول يكتم غضبه..هسالك تاني يملك ...مين الولد

ملك بتوتر اكتر ودموع..صدقني معرفوش 

سليم بغضب..خلاص براحتك ..كنت عاوز اساعدك بس خلاص براحتك ...

وسابها وخرج من الاوضه وفضلت هي تعيط جامد وتقول لنفسها..يارب سامحني بقا يارب علي اللي عملتو ..انا ندمت وتعبت بجد ..كنت فاكراك سامحتني ..لكن اكيد دا ذنبي وبخلصو في الدنيا 

قامت وفضلت تحسس لحد ما وصلت للدولاب وخرجت لبس لنفسها وطرحه فهي محجبه وفضلت تحسس ووصلت للحمام بصعوبه واتوضت وراحت تصلي .........

كان سليم واقف في البلكونه متعصب من ملك واتصل عليه واحد صاحبه 

سليم..ايوا يبني ....اه عادي تعالي ...تمم ماشي هستناك....سلام 

خرج سليم لقاها قاعده على سجاده الصلاة وبتدعي ربنا انو يسامحها لكن موضحتش اي حاجه ..خرج فسمعت صوته 

سليم ببرود..في واحد صاحبي جايلي دلوقتي ..هتعرفي تعملي عصير او كدا ولا اي 

ملك..اه ...هحاول اوصل للمطبخ وهعمله انشاءالله بدأت اتعود ع البيت 

سليم..تمم ماشي هو كدا كدا ف التلاجه يعني مش هتحتاجي تعملي حاجه 

فضلت تحسس ملك لحد ما وصلت للمطبخ وصبت العصير ف الكوبايات ووصل صاحب سليم وكانو قاعدين ف الصالون 

خافت ملك تشيل العصير يقع منها فراحت تنادي لسليم عشان ياخدو..

كان قاعد سليم بيكلم صاحبه ودخلت ملك

ملك..سليم..ممكن بس تيجي تاخد العصير عشان ميقعش مني

سليم..طيب ...وقام ياخدو من المطبخ وكانت لسه بتلف ملك عشان تخرج من الاوضه سمعت صوت صاحبه وهو محمد

محمد..اتجوزتيه ازاي داا

سمعت ملك الصوت فضلت واقفه مكانها مش قادره تتحرك وزي ما يكون جسمها اتجمد وبصتله و......

يتبع.......

سمعت ملك صوته عرفتو فثانيه وفضلت واقفه مكانها زي ما يكون جسمها اتجمد وهو بيقولها.اتجوزتيه ازاي دا ..بصتله ملك و..

ملك بصوت واطي عشان سليم ميسمعش.. انت اي جابك هنا يمحمد...مش نت قولتلي انك قطعت علاقتك بسليم

محمد..ربنا بقا ..اي هتقفي في وش الخير والمصالحه

ملك بتهديد..ابعد عني يمحمد كفايه اللي انت عملتو فيا ..اقسم بالله أخر ما هزهق هقول لسليم علي كل حاجه....

وسمعت صوت سليم خارج من المطبخ خرجت بسرعه من الاوضه وجه سليم وقعد مع محمد ..دخلت ملك الاوضه وفضلت قلقانه ومتوتره وخايفه ان محمد يقول لسليم وقعدت تدعي ربنا ...عدي الوقت ومشي محمد ودخل لها سليم وكان مش مدي اي رياكشن غير الجمود ..

سليم..عامله اي دلوقتي..خدتي عالبيت وكدا ولا لسه في صعوبه 

ملك..الحمدلله ..اخدت عليه بس الدنيا صعبه شويه 

سليم..هو نتي كنتي عارفه محمد دا قبل كدا

اتوتر ملك جدا بس حاولت متبينش أدام سليم و..

ملك..لا معرفوش....هو قالك حاجه ولا اي

سليم..اصل محمد يعني مش من النوع اللي بيسأل كتير فسالني كذا مره احنا اتجوزنا ازاي

ملك..يمكن بس عشان اتجوزنا بسرعه مش اكتر 

سليم..يمكن...........بقولك انا هنزل العياده انهارده شويه 

ملك..نت متخصص في الأطفال صح

سليم..اه ..وبقالي يومين قافل العياده ..هروح كدا انهارده

ملك..طب هو نا هقعد في البيت لوحدي 

سليم ببرود..اي العو هياكلك...

ملك..خلاص ماشي...هو ممكن اتصل علي صحبتي شروق تيجي تقعد معايا ....لو مش عاوز بلاش

سليم بتنهيده.. بصي انتي حل اللي انتي فيه دا كلو في ايدك ..تقوليلي مين الولد اللي عمل فيكي كدا ونجيب حقك

ملك بتوتر ظهر عليها جدا..ي...يسليم ..قولتلك معرفش 

سليم..طب نتي متوتره لي دلوقتي..طب انتي خايفه من حاجه يملك ..قوليلي 

قامت وقفت ملك وخارجه من الاوضه وهي بتحسس علي الحيطه ..قولتلك معرفوش....وخرجت 

سليم..هففففففف....اه يملك بقا شكلك هتتعبيني ....وقام لبس وهو خارج

سليم..كلمي صحبتك خليها تيجي 

ملك..طب ممكن تتصل انت عشان مش بعرف حاجه ف الموبايل وكدا....

سليم ..هيييح..هاتي يستي .....اهو بيرن خدي 

مدت ايدها ملك لكن لمست وشو وسرح هو شويه اتأمل في جمالها وجمال عيونها وفاق بسرعه ...

سليم..خد..خدي اهي ردت 3 ساعات بالكتير وهاجي خلي بالك علي نفسك ......سلام 

كلمهتا ملك وقالتلها انها جايه..وباب بيت ملك خبط وافتكرتها شروق فتحت لكنو كان محمد

ملك..شروق...صح

دخل محمد منغير ما هي تحس وفضلت هي تقول مين ..مين ورد عليها بكل بجاحه وبرود

محمد..دا انا يروحي 

ملك بشهقه..نهارك اس*ود ..انت اي اللي جابك هنااا ...انطق

زقها محمد وزنق*ها في الحيطه

محمد..اصلك وحشتيني يروحي فقولت اجي امسي عليكي ونتي قاعده لوحدك كدا 

بعدتو ملك بكل قوتها عنها ..انت اتجننت يلا انت ..امشي من هنا بقولك ...هقول لسليم 

ضحك محمد بسخريه.. نتي لو كنتي عاوزه تقوليلي كنتي قولتيلو من زمان ..انتي خايفه يملك ..الخوف باين عليكي اوي ..اصلك هتقوليلو اي..عيشت معاه كام ليله من أجمل الليالي وسل*متلو نفسي وبعدها توبت وقولتله ملكش علاقه بيا تاني ...وحط ايده علي الحجاب عشان ينزلو لكنها ضر*بتو علي ايدو وزقت*و....وكمل..لا مظنش انك عندك الشجاعه تعملي كدا 

ملك..انا صحيح عملت اللي انت بتقول عليه دا بس رجعت لربنا وافتكرته وكنت عاوزه انضف حياتي من الأشكال الز*باله اللي زيك 

محمد..بس نا بقولك اهو ..انتي خليتيني مغرم بيكي ..مش هقدر ابعد عنك بسهوله...فاهمه...مش هسيبك.....وسابها ومشي 

رزع*ت الباب وراه وقعدت في الأرض وفضلت تعيط جداا وشبه منهاره وبعدين جرس البيت رن وكانت شروق فسالت الاول مين ولقتها شروق وفتحتها دخلتها واترمت في حضنها ......

راح سليم العياده خلص شويه ورق وبعدين راح لبيت ابوه

سليم..حاولت اعرف منها لكن مش بتقول اي حاجه 

ايمن..مش قولتلك ...عشان كدا أهلها بيعملو فيها كدا 

سليم..طب مش يمكن تكون فعلا مش عارفه...

ايمن.. لا لا..امها سمعتها وهي بتتكلم مع صاحبتها شروق وبتقولها انا مش هقدر اقولهم عليه مش عاوزه مشاكل

سليم..انا بس لو اعرفو هو مين ابن الك*لب دا ونا هقت*له بايدي 

ايمن..حاول معاها يبني خدها بالحنيه يمكن تكون خايفه من حاجه

سليم..منا لاحظت كدا .،بتتوتر اوي اول ما اسألها...هشوف حاضر الحوار دا 

كانت قاعده ملك مع شروق بتعيط جدا ..

شروق.. يحبيبتي اهدي بقا ونبي 

ملك..هيفضل يعمل كدا يطاردني وسليم كل شويه يسالني مين الي عمل كدا لو عرف هيقتلني وهيقتلو

شروق..ويقتلك لي ...انتي هبله يبت ..اكيد هيساعدك 

ملك..خايفه اوي بجد خايفه 

شروق..ملك انتي عملتي عمليه ورجعتي بن*ت وتوبتي كمان ..فخلاص هو اكيد هيفهم..

ملك..مش عارفه يشروق انتي رايك كدا 

شروق..لازم تقوليلو عشان يبعد عند الزبا*له دا ..مش هتفضلي تحت رحمتو يعني 

ملك..هحاول يشروق 

شروق..لا مش هتحاولي..هتقوليلو ..فاهمه...قولي حاضر بقا

ملك بتردد..حاضر

مشيت شروق وجهه سليم باليل وكان جايب اكل معاه ..كلو هما الاتنين ودخل سليم الحمام وكانت ساعتها ملك بتتشجع انها تقولو خرج سليم من الحمام وقعد حسها عاوزه تقول حاجه 

سليم..مالك يملك..،في حاجه 

ملك..اه كنت عاوزه اقولك حاجه 

سليم باهتمام..قولي....

ملك............

يتبع........

ملك خافت جدا وبان عليها التوتر لكنها اتشجعت شويه.. انا.....انا عارفه مين اللي عمل فيا كدا ......

سليم باهتمام شديد..قولي يملك....قولي متخافيش 

افتكرت ملك من وهي صغيره كل ما كانت بتغلط كان أهلها بيعاقبوها عقاب شديد اما بالضرب او يحرموها من حاجه بتحبها افتكرت كل دا وبدأت في العياط وكانت ايديها بتترعش جداا وشفايفها نشفت جدا وبدأت تنهار من العياط ..لاحظ كدا سليم ومسك ايديها

سليم بهدوء..قولي يملك ..خايفه من اي يحبيبتي ...قولي 

فضلت ملك جسمها يترعش جامد وصوت عياطها يعلي بطريقه تخض وقلق جدا سليم و..

سليم بقلق شديد..ملك مالك....اهدي طيب اهدي .....واتصل علي دكتور زميله جيه واداها حقنه نيمتها 

سليم بقلق..مالها يا سامي

سامي..جالها انهيار عصبي ...يظهر عليها في ضغط جامد جدا لازم ترتاح شويه ومتفكرش كتير 

سليم بزعل..هففف..انا حرفيا زهقت

سامي..متقلقش عليها ..انشاءالله هتكون كويسه...حافظ عليها لان جسمها ضعيف وكمان موضوع البصر دا كفايه اصلا 

ومشي الدكتور وبعدها دخل سليم وكانت نايمه علي السرير فدخل قعد جنبها وفضل باصص لها اوي ومركز في ملامحها الجميله وملس علي شعرها وفضل يقول..تعبتيني معاكي يملك ...كنتي خلاص هتقولي ..يترا افتكرتي اي خليكي كدا..بس انا مكنتش طايق اشوفك بتعيطي مش عارف لي قلبي وجعني عليكي اوي ...ولقا نفسو لا اراديا باسها من راسها واستغرب من نفسو ونام جنبها لكن في مسافه بينهم ......وصحيت هي باليل مفزوعه وخايفه وبتحسس جنبها عاوزه تطمن وتسمع صوت سليم وقالت..سليم سليم

سليم بنوم..اي يملك...اي صحاكي..

ملك ..خوفت بس ...هنام ..

نامت ملك لكن سليم حاول ينام مقدرش وفضل صاحي وقام وقف في البلكونه استنشق هوا وفضل يفتكر شكلها وهي بتعيط وقلبو يوجعو اكتر وقعد عالكرسي في البلكونه ونام على نفسو .....وجه الصبح وصحي سليم الاول وخرج من البلكونه ولقاها لسه نايمه فدخل اتوضي وصلي وصحيت هي فراح قعد جنبها ...

سليم بهدوء..ملك 

ملك بصوت مرهق..نعم يسليم...

سليم..امبارح كنتي هتقوليلي مين هو اللي عمل فيكي كدا ....بس مش عارف اي حصلك وتعبتي جدا 

ملك بتوتر..اه انا قولتلك اني عارفه مين عمل فيا كدا ....بس انا معنديش الشجاعه اني اقولك دلوقتي 

سليم..ايوا لي بس ..لي

ملك بدموع..معلش يسليم..سيبني براحتي ..عشان خاطري

سليم بوجع..طب ممكن مشوفش دمعتك خالص 

ملك..انا خايفه اوي يسليم..خايفه 

سليم مسك ايديها لقا سقعه جدا..متخافيش يملك خالص...انا هسيبك براحتك لحد ماتطمني وتقولي براحتك مش هضغط عليكي 

ملك بفرحه خفيفه..شكرا بجد يسليم...انت بجد راجل اوي 

سليم..ايدك ساقعة اوي كدا لي ..متتوتريش تاني ولا تخافي ..واي حد او حاجه مزعلاكي او موتراكي قوليلي ونا هتصرف

ملك..صدقني هقولك علي كل حاجه ...بس مش دلوقتي.......

سليم..ماشي......

ورن فون سليم وكان ابوه ساب ايديها براحه ورد ...الو ...اي يبابا.....تمم ماشي ..هستناكم....سلام

سليم..قومي يلا غيري هدومك عشان أهلنا جايين 

ملك بتوتر شديد..اهلي جايين

سليم..هو نا مش قولتلك متخافيش تاني ....محدش هيعملك حاجه ..انا جنبك يملك ..انا ابن عمك وجوزك 

اطمنت ملك شويه وساعدها قامت دخلت الحمام واتوضت وصلت وقعدو يستنو اهلهم لكن شروق رنت علي ملك 

ملك..مين بيرن عليا يسليم 

سليم..دي شروق صاحبتك..

اتوتر ملك شويه ولاحظ كدا سليم و

سليم..طب هسيبك انا ف الاوضه لوحدك يمكن تكوني عاوزاها في حاجه ..وسابها 

ملك..مقولتش حاجه 

شروق بعصبيه..لي يملك

ملك..مقدرتش صدقيني ...بسي لما اقابلك هقولك 

وقفلت معاها واهلهم جهم واول ما جهم مسك ايديها سليم ادامهم عشان متتوترش ومتخافش و....

امها بحده..عاوزاكي يملك لوحدنا 

ضغطت ملك علي ايد سليم

سليم..اي يمرات عمي في حاجه...

الام..هتكلم بس معاها شويه 

طغط سليم علي ايديها بيطمنها..روحي معاها يملك ،.متخافيش ..انا هنا 

استغربوا كلهم انو بيكلمها كويس وهدوء ودخلت ملك مع امها ومرات عمها ودخل سليم قعد مع ابوه وعمه

سليم..كانت هتقولي بس اظاهر افتكرت حاجه خوفتها 

علاء..هو نت بتكلمها بهدوء كدا لي يبني لازم تضغط عليها وتخوفها منك عشان تقول

سليم..هو نتو عاوزيني اعاملها وحش وخلاص

ايمن..يبني عشان نعرف بقا مهو دا مش موضوعها بس دا تار لعيله كامله 

سليم..تار ونا اللي هاخدو بايدي يبابا ....سيبكم بقا شويه كدا من الموضوع دا عشان بيعصبني وهي هتقولي براحتها 

علاء..انا هدخل الحمام ..ومشي...سرح شويه سليم وقلق تكون امها بتضايقها بالكلام لكن فاق علي صوت ابوه

ايمن..علي رايك سيبك بقا من موضوع ملك وخلينا في موضوع مهم كدا

سليم..موضوع اي 

ايمن..شوفنالك عروسه كويسه تتجوزها ومحترمه جدا وامك عارفاها

سليم بقلق..هو نا هتجوز علي ملك يبابا............

يتبع.........

سليم بقلق..هو نا هتجوز علي ملك يبابا....

ايمن..ومالك قلقت كدا لي ..ما احنا متفقين من اول يوم اتجوزتها علي كدا 

سليم بتردد..مش عارف بقا يبابا ....بس انا مش عاوز دلوقتي 

ايمن،.يبني لو خايف علي زعل عمك او كدا فاطمن هو عارف اللي بقولهولك دا وملك كمان عارفه وكلهم ..من اول يوم واحنا مفهمنهم 

كان لسه سليم هيرد فجأه  سمع صوت خارج من اوضه ملك وكان زعيق من امها وحاجه وقعت على الأرض..قام جري سليم وأيمن دخلو لقو امها ومرات عمها عمالين يزعقولها ولقوها وقعه علي الارض ومنهاره من العياط وعاملين يقولو..يا وس*خه ..مخبيه اي متنطقي مقدرش يستحمل كدا سليم ولقا امها راحه تمسكها عشان تكمل عليها ضرب محسش بنفسو وراح زق مرات عمو والكل استغرب ومسك ملك من ايديها قامت حضنته اوي ومنهاره من العياط .......

ايمن بعصبيه..اي اللي انت عملتو دا ..بتزق مرات عمك

سليم بزعيق..هي بتضربها لي ..هي ناقصه حرام عليكم

ايمن..وطي صوتك يسليم ونت بتتكلم 

حاول سليم انو يهدي ورجع لحالته الطبيعيه وكانت ملك ماسكه فيه جامد وجسمها بيترعش اوي..

سليم..لو سمحتم انتو عاقبتوها بما فيه الكفايه ..وجوزتهاللي امانه تحت ايدي يعني محدش ليه حق يعملها اي حاجه غيري انا وبس ...

علاء..يبني احنا لازم نعرف مين عمل فيها كدا عشان نجيب حقها وحقنا كلنا وهي مش راضيه تقول اسمه...

سليم..محدش هياخد بتار مراتي غيري انا وبس ....قفلو بقا عالموضوع دا عشان ابتديت اتعصب ...

وفضلت ملك ماسكه فيه وحاوطها هو بدراعه واستاذنو أهلهم ومشيو فقام شالها ونيمها علي السرير وقعد جنبها وفضل يملس علي شعرها الحرير وهي الدموع نازله منها جدا وقلبو يوجعو اكتر و....

سليم بحنيه..ملك...قومي اتعدلي ...قامت ملك قعدت وكمل هو..متزعليش يملك هما بس بيعملو كدا عشان خايفين عليكي ودمهم محروق بس وعاوزين ياخدولك حقك ....

ملك بدموع..ونت ...مش خايف عليا ومش عاوز تاخد حقي.....

بصلها سليم في عيونها الجميله لكنها للاسف اتحرمت من شوف النظرات الجميله دي وقالها..اكيد خايف عليكي 

ملك ..اومال لي مش بتعمل زيهم.......مقدرش يرد عليها ومش عارف يقولها اي اصلا ...

سليم..ممكن بس تمسحي دموعك وتقومي معايا 

ملك..اقوم فين...

سليم بيحاول يفكها..هنقوم ندخل المطبخ سوا نعمل اكل ..احنا ما اكلناش حاجه من الصبح ونا جعان بصراحه ..نتي مش جعانه

ضحكت ملك كدا ضحكه خفيفه ظهرت غمازاتها ..احنا في اي ولا اي يسليم

سليم بضحكه..يشيخه سيبك من الهم دا ..أنا مبحبش النكد..يلا تعالي معايا دا انتي هتشوفي الشيف سليم بقاا

ضحكت ملك اوي وسط دموعها فمد ايده مسحلها دموعها بايده براحه حست هي انها متطمنه اوي وساب ايده علي وشها شويه قامت رفعت ايديها ولمست ايده وفضلو ساكتين حوالي دقيقه وفاق سليم...تعالي يلا بقا ...وشالها لحد المطبخ ودخلو...

سليم..نعمل اي بقا .....

ملك..مش عارفه ..عاوزه نجرسكو....

سليم..عرفتي منين اني بحبها اوي .،يلا بينا نعملها ..وبداو يعملها سوا وهو كان بيساعدها وكانت هي بتقطع حاجه بالسكينه لكن معرفتش تكمل فجه هو وقف وراها وحاوط خصرها وماسك ايديها وبيقطعلها وهي كانت محروجه اوي بس مبسوطه انما هو كان في دنيا تانيه...وخلصو الاكل وقعدو ياكلو وقعد يهزر معاها وخرجها شويه من مود الاكتئاب وبعدين وجه معاد النوم و..

ملك..شكرا بجد يسليم..

سليم..شكرا علي اي بس يبت 

ملك..انت فعلا ارجل حد شوفته فحياتي..شكرا انك دافعت عني ووقفت جنبي ..شكرا

سليم..طب ممكن بس متقوليش شكرا دي تاني ...عاوزه تشكريني فعلا

خافت ملك انو يقولها قوليلي اسم الولد فقالت بقلق...اشكرك ازاي 

سليم..مشوفش دمعتك تاني ..ممكن...

ملك بابتسامه..هو في وسط كل اللي انا فيه دا ومش هعيط..بس عشانك هحاول 

سليم..ماشي يستي ..يلا ننام بقا عشان هروح بكرا المستشفي مش العياده وبيكون فيها حالات طارئه كتير 

ملك..ماشي تصبح علي خير 

سليم..ونتي مو اهلو ......ونامو هما الاتنين وكانت ملك فرحانه جدا انو مهتم بيها كدا وبدأت تحبو بس ديما بتخاف من موضوع محمد ..بعد ما نامو بساعتين صحيو علي صوت رن فون سليم...الو....اي...طيب حاضر نا جاي حالا..سلام 

ملك بقلق..في اي يسليم...حصل حاجه

سليم وقام يغير هدومه..في حاله طوارئ في المستشفى ولازم اروح دلوقتي...

ملك بخوف..ونا هقعد لوحدي ..نا بخاف....

سليم..هي شروق ممكن تجيلك دلوقتي 

ملك..لا طبعا..الساعه ٢ باليل مش هينفع

سليم..معلش يملك ..شغلي اي حاجه جنبك ونا ساعتين بالكتير وهاجي.....

كان خارج سليم من الباب ووراه ملك وكانت عماله تقولو..خلي بالك من نفسك متتاخرش عليا ..بخاف والله وكان رد سليم حاضر ..

سليم..خلاص خلصتي ....امشي بقا 

ملك بزعل..ماشي...باي

سليم..طب هو ممكن اعمل حاجه بس...

ملك..حاجه اي....

اتفاجات ببو*سه علي خدها وقال بعدها..سلام ومشي ...حطت ايديها علي خدها بفرحه وقفلت وراه الباب وفضلت فرحانه وقعدت لوحدها تقريبا نص ساعه وبعدين سمعت صوت رز*ع عالباب فخافت جدا 

ملك برعب..مين.............

يتبع..........

ملك برعب..مين......مفيش رد لكن زاد الخب*ط علي الباب وخافت اكتر يكون محمد وكانت عاوزه ترن علي سليم لكنها للاسف مش بتقدر تتحكم في الفون بسبب اللي هيا فيه وبعدين الخب*ط زاد اكتر فقالت بصوت مرعوب..مين ..ردت عليها شروق بصوت عالي ومرعوب..انا يملك..افتحي بسررعه...جريت ملك عالباب فتحته وقفلت شروق البيت وراها فثانيه 

ملك بقلق..مالك يبت..في اي

شروق وبتاخد نفسها بسرعه..انتي مبتفتحيش بسرعه لي ....كان في كلب بيجري ورايا كان هيموتني ....

ملك ..يالهوي ..طب تعالي هجيبلك ميه تشربي واهدي كدا ...نتي جيتي ازاي اصلا مين قالك

شروق..سليم ..سليم رن عليا وقالي اجي اقعد معاكي عشان نتي خايفه يختي 

ملك بفرحه..بجد...سليم قالك كدا ......قالك اي 

شروق بغمزه..ومالك فرحانه كدا لي ..تعالي نقعد تعالي.....وقعدو مع بعض شويه وشرحت لها ملك هي لي مقالتش لسليم علي محمد و..

شروق..يبنتي والله مش هيعملك حاجه ..صدقيني

ملك..كل لما باجي اقولو بخاف اوي يشروق مش عارفه اي بيحصلي ..قعدو يتكلمو شويه وعدي وقت كبير ولسه سليم مجاش فقلقت ملك

ملك..هي الساعه تجيلها كام دلوقتي...

شروق..6 ونص ..اي في حاجه

ملك بقلق..اه ..سليم قالي انو ساعتين بس وهيجي ..اتأخر اوي ...ورن جرس الباب فقامت ملك بسرعه تفتح الباب واتخضت شروق اوي وكان محمد.......

محمد..صباح العسل 

اتجمدت ملك واترعبت ومش عارفه تعمل اي... 

شروق بعصبيه..نت اي اللي جابك هنا يلا انت ...غو*ر بقااا .

محمد بهدوء..اسكتي يشروق انتي وملكيش دعوه ...نا بكلم روح قلبي ملوكه

ملك..ابعد عني بقا يمحمد عشان خاطري ..ابعد عني متبوظليش حياتي اكتر ماهي بايظه..

محمد..ونتي لما بوظتيلي حياتي مفكرتيش كدا لي ...خليتيني احبك اوي وسيبتيني ..انا عمري ما هبعد عنك....فاهمه 

ملك..يمحمد ونا مبحبكش واقسم بالله لو مبعدتش عني هقول لسليم واخلص بقا

محمد..انتي لو قولتي لسليم هيقتلك وهيتقلني..نتي متعرفيهوش هو يبان طيب لكنك متعرفيهوش....

راحت شروق جابت سكينه..اقسم بالله لو ممشيتش من هنا لاقت*لك ...غو*ر بقااا

محمد بخوف شويه..خلاص خلاص...همشي بس هاجيلك تاني يملك فاهمه ......ومشي محمد وفضلت ملك تعيط بردو وتدعي ربنا يبعدو عنها 

واخدتها شروق ودخلو الاوضه ونامت ملك في حضنها ..شويه ورن جرس الباب وراحت تفتح شروق وكان سليم

سليم بتعب..صباح الخير..هي ملك فين

شروق..ملك نامت بقالها ربع ساعه تقريبا...

سليم..ونتي منمتيش لي ..روحي نامي انتي كمان تعبتي وصحيناكي من النوم باليل

شروق..متقولش كدا دي ملك دي حبيبتي ...همشي انا بقا معلش عشان اختي الصغيرة مش بتعرف تقعد منغيري..وفي الاخر مشيت ودخل سليم الاوضه لقاها نايمه عالسرير ومحاوطه رجليها بين ايديها فراح غير هدومه وراح نام جنبها وهي نايمه اتقلبت كدا وحطت ايديها عليه فصحي هو من حركتها وبصلها كدا بضحكه لأنها زي الأطفال بالظبط فقربها منو اكتر وفضل يملس علي شعرها وبعدين نام وعدا وقت كبير وصحيت هي لقت نفسها في حضن حد افتكرتها شروق لكن لما حسست عرفت انها مش شروق فصحي هو من حركتها بردو وهو نومه خفيف اصلا

ملك بكسوف..سليم.....جيت امتا..

سليم بابتسامه..بقالي كتير مش فاكر

فقامت ملك..هي الساعه كام

سليم..تقريبا 3 العصر 

ملك..يالهوي ..مصلتش الظهر...هقوم اصلي ...وهي قايمه راحت واعه في الأرض فقام جري عليها وسندها 

سليم..خدي بالك ونتي ماشيه 

ملك..حاضر....وراحت تتوضي وبتصلي فرن فون سليم ورد..الو...اه في البيت...ماشي يعم مستنيك ....سلام

خلصت ملك وراحتله ..كنت بتكلم مين 

سليم..دا محمد صاحبي...هيجي باليل نلعب كام جيم بلايستيشن كدا 

ملك اترعبت لكن مظهرتش..اه ...انا مش بحب الواد دا ....

سليم باستغراب..لي..مالو

ملك..لا ...مفيش عادي .....

سليم..ماشي يستي ...الشمس وهي جايه علي عينك شكلها قمر اوي ..

ملك بكسوف..شكرا يسليم بجد

سليم..كنت عاوز اقولك حاجه كدا ...

ملك بلهفه..حاجه اي..

سليم بتوتر..ملك هو...هو نا لو اتجوزت عليكي ..تزعلي..........

يتبع...........

سليم بتوتر..ملك..هو..هو نا لو اتجوزت عليكي تزعلي ..انصدمت ملك واتقلب وشها من ابتسامة لزعل فثانيه لأنها كانت منتظره كلمه بحبك لكنها قالت لنفسها بقهره..انتي عبيطه يملك بقا هو عمرو هيحبك دا متجوزك غصب و..

ملك وزعلت وحاولت متبينش لكن ظهر عليها بردو..بص يسليم انت ليك الحق انك تعمل اي حاجه ..انا عارفه انك متجوزني غصب وكمان عاميه يعني..ودموعها نزلت وبعدين كملت..واول ما اتقفل علينا باب واحد قولتلي زيك زي الكنبه ..لكن معاملتك ليا مكانتش كدا أبدا ..وللأسف طمعت في حاجه كدا..بس انا مش هقدر اقولك اني هزعل انت محدش يقدر يلومك وبجد شكرا انك وقفت جنبي ..وبدأت تعيط بصوتها مجروح..عاوز تتجوز اتجوز يسليم ..وزاد العياط اوي..بس انا مش عاوزاك تتجوز....وعيطت اوي وحطت ايديها علي وشها 

قام سليم من علي الكرسي وقعد عالارض ادامها وشال ايديها من علي وشها بالراحه وحط ايده علي وشها ..و..

سليم بحنيه..طب هو مش انا قولتلك مش عاوز اشوف دموعك تاني...اهدي كدا يملك ...بصي انا عارف اللي انتي فيه كويس ونا بصراحه مش هقدر اجرح فيكي اكتر من كدا ونا اسف اني قولتلك حاجه زعلتك اول يوم اتقفل علينا باب واحد ..ومتقوليش علي نفسك عاميه تاني ..انتي مش عارفه اد اي عنيكي جميله ..وقرب منها اوي وباس*ها من عيونها الاتنين برقه ..واتكسفت هي اوي وظهر عليها ووشها احمر وكمل..متزعليش مني 

ملك ببراءه مع دموع خفيفه..يعني مش هتتجوز عليا صح....

ضحك سليم عليها..هو دا اللي همك...لا يستي مش هتجوز عليكي...وقام وقف .ومشي شويه وبصلها..بقولك اي ..اطمعي في اللي انتي عاوزه تطمعي فيه ..اطمعي براحتك 

ضحكت اوي ملك وانبسطت جدا وحبتو اكتر وبقت نفسها تفتح عيونها بس عشان تشوفو...وقطع تفكيرها صوت سليم 

سليم بصوت عالي من الحمام..ملك هاتيلي اللبس بتاعي انا حاطو عالسرير 

ملك..حاضر ..ووطت صوتها ..حاضر يروح قلبي ...وراحت جابتله اللبس وهي بتديلو اللبس قام مسك ايديها وقعد يفرك فيها برقه شويه فضحكت هي وسابته..انا هسخن اللبن..هو فين 

سليم ..بصي هتلاقيه ف التلاجه في حله كدا حطيه عالبتوجاز وحاولي تفتحيه ونا هاخد دش واجيلك...وراحت هي وجابت اللبن وحطتو عالبتوجاز وبعدين خرجت قعدت في الاوضه وعدي شويه وقت صغيرين و..

سليم..يملك تعالي اطفي عاللبن زمانه هيفور 

ملك ..حاضر...جايه اهو ..وراحت ملك وهي بتحسس عالحاجات وفي نفس الوقت كان خارج سليم من الحمام عري*ان من فوق وبينشف شعره ومش شايف فاصطدمت ملك في صدره واديها عليه وكان عندو عضلات جامده واتحرجت جدا اما هو كان مبسوط اوي وتايه في جمالها فقام حاطط ايده علي ضهرها ضمها ليه اكتر فاتوترت هي وشها احمر اوي

ملك بتوتر جدا..سليم......

سليم براحه..نعم.....راحت مزعقه بصوت طفولي..سيبني اللبن هيفور ..وجريت وهو فضل يضحك عليها وراحت طفت عاللبن وبعدين لبس هدومه وعدي وقت وهما بيتكلموا مع بعض ....

ملك..بس هو نت لي بتعمل معايا كدا لي مصدقني ومش عاوز تضغط عليا ...مع انك مش مجبر علي كدا أبدا

سليم..عوزه تعرفي....

ملك بابتسامه..اه عاوزه اعرف اوي...

سليم..طب بصي..انا بصراحه معنديش الشجاعه اقولك دلوقتي..لما اكون مطمن هبقا اقولك

ضحكت ملك اوي لانه كا بيقلدها..اي يسليم بقا بطل هزار 

سليم بضحكه.. مش هقولك غير لما تقوليلي اول ما تطمنيلي كدا ..هقولك عالطول

ملك..اوكي اتفقنا......انت عارف انا مشوفتكش من امتا

سليم..من امتا .....تقريبا من 3سنين اما كنت مسافر

ملك..شكلك اتغير بقا علي كدا....

سليم..والله مش عارف بس اكيد اه يعني لو حاجه بسيطه حته..انتي كمان اتغيرتي وبقيتي قمر 

ملك بابتسامه..طب يعني انت تشوفني ونا مشوفكش ...

سليم..وهنشوفيني ازاي بقا...

ملك..بص ...هحرك ايدي علي وشك وهقدر احفظ ملامحك وارسملك صوره فخيالي...ممكن

سليم بحب وفرحه..ممكن جدااااا....قربي ...وشدها من ايديها براحه وهي رفعت ايديها علي وشو وفضلت تحركها بحنيه علي وشو وهو كان مغمض عينو مستمتع بلمستها ليه وفضلت تحرك ايديها وكانت محروجه شويه بس مبسوطه وفضلت تقريبا 4 دقايق كدا وشالت ايديها

ملك بابتسامه..احلويت شويه.....

سليم بتوهان..اه ...عارف ونتي احلويتي اكتر ....وقطع تفكيرهم صوت جرس الباب...

سليم..دا اكيد محمد هروح افتح 

قلبت وشها ملك وبدأت تقلق وتتوتر..راح فتحلو سليم وقعدو شويه وجابتلهم العصير وقالت لسليم هدخل انام عشان مصدعه ودخلت فعلا وكانت سامعه صوت ضحكهم بره وبيلعبو وقالت لنفسها..ياترا لما تعرف يا سليم انو محمد هتعمل اي ...ونامت علي نفسها 

صحيت باليل وندهت علي سليم 

سليم بصوت موجوع ومقهور..نعم ..عاوزه اي ..اترعبت ملك وقامت من عالسرير و..

ملك بخوف.. مالك يسليم

سليم بعصبيه..خبيتي عليا لي يملك..ليييي

ملك ونزل من عيونها شلالات دموع وضربات قلبها زادت واترعبت..اهدي يسليم ونبي اهدي ونا هفهمك

سليم بزعيق..كنتي مقضياها معاه وبتقوليلي اهدي ..مع محمد ..مع محمد....سكتت ومش عارفه ترد تقول اي وبتعيط وبس 

سليم بوجع..ملك...انتي طالق..

يتبع..........

فضلت كلمه انتي طالق ترن في ودنها اوي احد ما صحيت من النوم وهي مفزوعه وبتصرخ وبتقول..لاا يسليييييم

كان سليم قاعد ع المكتب جنب السرير بيخلص ورق اول ما سمع صوتها جري عليها و...

سليم بقلق شديد..اي مالك يملك ..في اي 

ملك بانهيار شديد وعياط..سليم ..سليم ..انا مش قادره أخد نفسي 

سليم قرب عليها اوي..طب اهدي ..اهدي بس اي حصل..مسكت فيه ملك وحضنته اوي وقالت..متسيبنيش يسليم ونبي ..ونبي متطلقنيش ونبي

سليم بعدم فهم وقلق عليها..ونا هطلقك لي بس اهدي اهدي ...نتي حلمتي بحاجه

ملك بعياط..حلمت انك طلقتني متسبنيش يسليم ونبي خليك جنبي....ضمها سليم ليه اوي فحضنه 

سليم..متخافيش يملك ..متخافيش....مهما حصل هفضل جنبك مش هطلقك .......فضلت في حضنه بتعيط زي الأطفال بتعيط لحد ما نامت في حضنه فقام براحه منغير ما يقلقها وراح يقف في المكان المفضل ليه وهو البلكونه يستنشق هوا وفضل يفكر..يترا عملتي اي يملك مخوفك مني اوي كدا ..هو نتي ممكن تكوني عملتي حاجه تستاهل اني اطلقك...طب يسليم لو هي فعلا عملت حاجه غلط اوي وحاجه تستاهل الطلاق..هتقدر تطلقها...بدأت تحبها يسليم ...خليتك تحبها طبعا ..مش عارف بصراحه هقدر اطلقها ولا لا ...وتننهد وقال..ربنا يستر..شويه ودخل نام هو كمان والنهار جهه ....صحيت ملك من النوم سمعت صوت خروشه جنبها ...

ملك..سليم...صحيت 

سليم.. اه ..بجهز شويه ورق بس عشان احتمال اروح المستشفى انهارده 

ملك..طب لو خرجت ابقا اتصل علي شروق تجيلي

سليم..حاضر...المهم انتي عامله اي دلوقتي 

ملك..انا اسفه يسليم بجد ..قلقتك امبارح

سليم بهدوء ..ولا يهمك المهم انك تكوني كويسه...وقرب عليها..بس ونتي بتعيطي بيقبي شكلك كيوت اوي 

ملك بابتسامه ظهرت غمازاتها..والله..خلاص هعيطلق كل يوم

سليم بضحكه..لا منا قلبي بيوجعني عليكي ..مش عارف لي ..انتي عارفه

ملك بضحكه..ونا هعرف منين يعني ..انت لما تعرف ابقا قولي

سليم..هقولك..هقولك قريب اوي...بت انتي واخده الغمازات دي من مين..اكيد مش من عمو علاء يعني 

ضحكت ملك بصوت عالي..والله العظيم انت رايق..

سليم..ومبقاش رايق لي ..القمر قاعد ادامي ...مهو مش هسيبك انهارده غير لما تقوليلي واخده الغمازات دي منين 

ملك..تصدق بالله انا نفسي افتح عشان اشوفك وبس واعرف الرياكشن بتاعك ونت بتقول الكلام دا 

سليم..انتي لو مفتحه عمري ما هبصلك كدا....

ملك ..اي دا لي...

سليم..هبصلك اكتر من كدا......ورن الفون بتاعه...قال..يووووه دا وقت الفون يرن فيه ..الو ....طب تمام ..احسن بردو...سلام

ملك..خير مبرتاحش لمكالماتك 

سليم..لا دا بيقولولي اني مجيش انهارده مفيش حالات

ملك..احسن بردو ..بخاف اقعد لوحدي والله

سليم..بقولك يملك..هو نتي محاولتيش تعالجي عينك

ملك بزعل..لا محدش جابلي حتي دكتور ..هو يدوب عملولي الجرح اللي دماغي وخلاص 

سليم..طب بقولك اي...نتي مزهقتيش من القعده في البيت...متيجي نخرج

ملك بانكسار..مبلاش.. مش هتستمتع ونت معايا ...وكدا يعني

سليم..هو نتي هبله يملك...قومي يلا ..ونا اللي هختارلك اللبس كمان

ملك..انت متاكد...

سليم.. قومي يملك عشان متعصبش عليكي ..وشدها وطلعلها لبس جميل ولبسو هما الاتنين وجهزو وفضل هو سرحان في جمالها وكل شويه حبو ليها بيزيد اكتر وهي عماله تنادي عليه لكنو مش مركز لحد ما علت صوتها..سلييم

سليم بخضه..اي يملك خضيتيني ...

ملك..ونت سرحان في اي 

رد عليها بكل تلقائيا..فيكي

اتحرجت ملك ووشها احمر ولاحظ دا سليم وقالها..يلا بينا ..هاتي ايدك ...ومسك ايديها وخرجو وركبو العربيه وفسحها شويه وخرجو واكلو وبعدين وداها الملاهي وفضلو يضحكو مع بعض ويهزرو وكانت مبسوطه جدا ووصلت لمرحله انها متقدرش تبعد عنو وحبتو اوي ...

وبعدها اخدها وراحو لدكتور صاحبه دكتور عيون

ملك..طب احنا فين طيب ...

سليم..متسكتي شويه بقا يملك ..زمانه جاي 

اترعبت ملك وافتكرت انو محمد ..هو..هو مين دا يسليم اللي جاي 

سليم..شويه وتعرفي...فضلت ملك تفرك في ايديها وخايفه ...وخافت جدا وبدأت تمل من حياتها لأنها دينا خايفه ومرعوبه وقررت انها لازم تقوله

ملك...سليم انا ....عاوزه اقولك حاجه

سليم..قولي يلوكه..في اي ..لسه هنتكلم جهه الدكتور ...سلام عليكم

سليم..وعليكم السلام...اي يادكتور..اتاخرت لي

ملك باستغراب..دكتور..دكتور اي 

سليم..دكتور عيون ..عشان نعرف اي سبب اللي في عينيكي وتفتحي بقا انشاءالله 

فرحت ملك اوي وبان عليها فرحتها 

الدكتور..تعالي اتفضلي ...وبص في عيونها ...وقال..بص هنمشي علي علاج لمده اسبوع وبعدها انشاءالله هنحدد يوم نعمل عمليه 

سليم بفرحه..ودي نسبه نجاحها اد اي

الدكتور..من 70 ل75 في الميه وانشاءالله خير 

فرحت ملك جدا انها ممكن ترجع تفتح تاني وقررت انها انشاءالله اول لما تفتح هتقول لسليم علي كل حاجه ..خلصو وروحوا هما الاتنين ووصلوا البيت..سليم..بقولك يملك نسيت اجيب بودره الجيم هنزل اجيبها من السوبر ماركت اللي تحت البيت وهاجي 

ملك..ماشي يعم الجيم ..متتاخرش ....

سليم بضحكه..هجيلك فثااانيه اقولك حاجه كدا 

ملك..حاجه اي ..حاجه  اي 

سليم..اسكتي بقا لما اجي هقولك 

ملك..طب وحياتي عندك متتاخرش بقاا...ونزل سليم ورن فون ملك وهي عملت رنه مخصوصه لكل حد من عيلتها وكانت شروق حاولت تفتح وبعد كتير من المحاولات فتحت ..الو ...اي يشروق.....لسه مقولتش ....شروق انتي عاوزاني اقوله صاحبك محمد علطول كدا ...بصي اتفقنا مع دكتور هيعملي عمليه اول ما افتح هقوله ....مكملتش كلامها وسمعت صوته وراها 

سليم..شروق 

وقع من ايديها الفون وبصت وراها برعب ......

يتبع..........

سليم..شروق

لفت ملك ضهرها والفون وقع من ايديها اتخضت جدا و...

ملك..سليم انت....هنا من امتا

سليم بقلق..مالك يملك اتخضيتي اوي كدا لي 

ملك..لا لا مفيش حاجة.....نت لي بتقول شروق

سليم..اصلي سمعتك بتقولي حاجه كدا فقولت اكيد دي شروق 

ملك بتوتر..حاجة...حاجه ....انت سمعت اي

سليم..ملك هو اسم الولد اللي انتي هتقوليلي عليه..ممكن يصدمني 

هنا فقدت ملك السيطره علي اعصابها  ومكانتش قادره تقف فضلت تحسس لحد ما قعدت علي كرسي ..سليم انا ..مش عاوزه اتكلم دلوقتي 

سليم وبدأ يتنرفز..اومال امتا يملك ...امتا ...عاوز اخدلك حقك بقا عاوز ارتاح واريح قلب ابوكي وعمك وامك وامي ..بتعملي كدا لي يملك

ملك بدموع.. سليم ..انا مش قادره اقول ...خايفه

سليم بعصبيه..خايفه من اي ...اي هو اللي خايفه منو مش فاهم...قولتلك قوليلي ونا هاخدلك حقك يستي 

ملك بانهيار..خايفه تسيبني يسليم...خايفه لما تعرف حقيقتي كنت عامله اي ف الاول تسيبني ..خايفه متصدقش اني توبت ..حرام عليكم انا مضغوطه اوي بجد ...ونتو جايين تكملو عليا ....سيبوني فحالي ،..قولتلك هقولك وآلله العظيم هقولك...

سليم بزعيق..هتقولي امتااا بقا انا زهقت ..بعاملك احسن معامله ونتي بردو مش عاوزه تتكلمي ..قلبي بيوجعني عليكي لما بتزعلي..مش عارف اعملك اي تاني عشان تطمني ومتخافيش....مش عارف

ملك بعياط..سليم...انا ..انا مش قادره اتكلم دلوقتي....

سليم..هو دا اللي باخده منك.....وسابها وراح يقف ف البلكونه ومش قادر يستحمل يقف كدا جواه كميه غيظ مش قادر يطلعها ..راح لبس حجات البوكس وبدأ يلعب ويضرب بكل قوته وحاسس انو مش قادر يتنفس ومش قادر يسبها زعلانه منو ..بس خايف تكون عملت اللي فدماغه ...بدا تفكيره يروح لبعيد اوي ..بس مش عارف الكلام دا صح ولا لا ....فضل يضرب ويضرب وطلع كل غيظه منها وكانت هي سامعه صوت الضرب ومرعوبه وعماله تعيط وبس ...وبعد وقت طويل خرج هو لقاها قاعده محاوطه رجليها بايديها وعماله تعيط ...بدا يهدي شويه بس محابش يتكلم معاها انهارده ...وقالها..انا هنام ...تصبحي علي خير 

ملك بزعل ودموع..ونت من اهله ...وفضلت دماغها تفكر لما محمد قالها لو سليم عرف هيقتلني ويقتلك وتخاف منو اكتر لانو اتحول بسرعه من إنسان حنين لانسان قاسي وبيزعقلها ..ودي للاسف مشكله ملك انها مش بتثق في اي حد بسرعه وديما بتدور عالحنان اللي ملقتوش من أهلها فعشان كدا لما محمد حن عليها حبتو وكمان كل ما كان بيطلب منها حاجه كانت بتعملها حتي لو كانت غلط لحد ما ضيعت نفسها وكانت سبب في تعاستها وحزنها دلوقتي...هل ده غلط من الأهل ولا من ملك نفسها......فضلت تعيط لحد ما تعبت ونامت ع الكرسي أدام السرير....الصبح صحي سليم لقاها نايمه كدا صعبت عليه وبدأ يلوم نفسه لانو كان قاسي معاها امبارح وانو المفروض بيعمل كل حاجه عشان تثق فيه وتطمن لكن هو اكيد بوظ كل اللي بيعملو دا ...قام شالها بالراحه من ع الكرسي ونيمها ع السرير وهي صحيت من الحركه 

سليم بحنيه..صباح الخير يملوكه 

ملك بزعل..صباح النور...سليم انا...

سليم..اهدي يملك انا مش عاوز اسمع منك اي حاجه دلوقتي....مش هضغط عليكي عمري ..انتي متعرفيش غلاوتك عندي والله 

ملك..انا اسفه يسليم بجد ...قرب عليها وباس*ها من راسها ...نتي اعملي اللي انتي عاوزاه ...

ملك..سليم ...هات حضن ...

سليم...بس كدا ..تعالي ...وحضنها سليم اوي وفضلت ملك تشكر ربنا انو علي اد كل اللي هي فيه مديها حد يعوضها عن كل دا ..حضنته اوي وهو كان عاوز يدخلها بين ضلوعه من كتر حبه فيها ..وبعد شويه بعدو عن بعض 

سليم..انا هروح العياده دلوقتي 

ملك..طب اتصل علي شروق بقا

سليم..خلاص حفظنا بقا ....وقام لبس وجهز نفسو واتصل علي شروق وجات فعلا وسابهم هو ومشي 

عدي تقريبا وقت كبير وشروق وملك بيتكلمو ..سمعت شروق صوت فونها وكان محمد باعت لها رساله 

ملك برعب.. دة محمد....انا مش قادره بقا يارب

شروق..استني لما نسمع...."بصي يشروق لو ملك صاحبتك فكرت بس انها تقول لسليم حاجه وربنا هقوله حجات وهزود حاجات من عندي ونا كدا أبدا مش هرتاح غير لما اطلقها من بعض...خليها تعقل يشروق"

ملك بعياط..يارب انا تعبت بقا

شروق بعصبيه..مهو انتي السبب...انتي اللي حاطه نفسك وحطانا معاكي ف القرف دا...كان زمانك قولتيله وخلصنا

ملك بعصبيه ودموع.،عاوزاني اقوله اي ..صاحبك محمد دخ*ل عليا قبل ما انت تلمس*ني اصلا....مش هقدر

شروق بزعيق..خلاص خلي كل*ب زي دا يقرفنا ..خليكي مزلوله كدا 

وفي نفس الوقت كان داخل سليم من باب البيت وسمع كل كلامهم...

ملك..انا مقدرش اقوله ان محمد صاحبه ..هو السبب في كل اللي انا فيه 

دخل سليم الاوضه ولأول مره في دموع في عنيه وقال..محمد يملك 

انصدمت ملك وشروق وملك اترعبت وقلبها وجعها اوي 

سليم بزعيق شديد..مع محمد يمللللك........

يتبع..........

سليم بزعيق شديد..مع محمد يمللللك......

ملك فقدت السيطره علي نفسها ومقدرتش تنطق حرف واحد اما شروق فكانت مش عارفه تتصرف ازاي في موقف زي دا 

شروق بتوتر..اهدي ...اهدي يسليم بالله عليك...والله العظيم هي تابت فعلا ..وهو كان ضحك عليها

سليم..ونا المفروض اعمل معاها اي دلوقتي.....

شروق..اسمعها يسليم...ربنا عاقبها وأهلها وكلكم عاقبتوها...وهي فعلا ندمت وتابت والله 

سليم بتوهان وقهره..ششش اسكتي يشروق انا مش عاوز اسمع كلمه واحده .....اخرسو انتو الاتنين ..وسابهم ودخل يقف ف البلكونه...

شروق..اهدي يملك...ملك اي حصلك

ملك وكاتمه عياطها واديها بتترعش جداا..خلاص يشروق..هيطلقني 

شروق بقلق..طب اهدي ..اهدي يحبيبتي هتعملي حاجه في نفسك 

ملك وانفجرت من العياط..انا بحبو يشروق..بحبو اوي ....حضنتها شروق اوي وكان سليم سامع كلامها وهو جوه لكن قدر علي قلبو وفضل واقف متعصب وحاسس انو تايه مش عارف هل هو مكبر الموضوع ولا هو كبير اصلا...بس الحاجه اللي فكر فيها انو لازم ياخد بتار ملك ..لكن من مين ..اعز اصحابو ..لا مفيش اصحاب ولا حاجه لو كان صاحبي مكانش عمل في حد من عيلتي كدا ...لا اخد بتارها وبتاري انا كمان ..شويه وشروق مشيت وفضلت ملك قاعده لكنها مش طايقه تسيبو وهو زعلان كدا ..فضلت تقرب ع البلكونه بهدوء لحد ما دخلت

ملك بصوت مجروح..سليم...

سليم ببرود وقهره..امشي يملك...امشي دلوقتي 

ملك بعياط..سليم متظلمنيش ونبي ...

سليم..لو في حد مظلوم ف الحكايه دي كلها يبقي انا ...اتخدع في صاحب عمري وكمان بنت عمي 

ملك بعياط شديد..انا مراتك يسليم

سليم..لا انتي مش مراتي ...انا اول ما اخد حقك من محمد ....هطلقك 

ملك بصدمه وكان قلبها هيوقف..تطل...تلطلق مين يسليم....انا ...

سليم بقهره..اه يملك...هطلقك....امشي بقا دلوقتي انا مش عاوز اجرح فيكي اكتر من كدا ..انتي عشان حالتك بس مش همد ايدي عليكي ...لي يبنت عمي..تعملي كدا في اهلك لي ...ابوكي دا يستاهل منك كدا ...والله حرام عليكي بجد ......

.ملك بانهيار وعصبيه..عشان محدش فيهم سمعني قبل كدة...محدش فيهم عمره اهتم بيا او قرب مني..عمرهم ما قالولي عامله اي فدراستك او حتي سألو اي مدرس عليا ونا ف ثانويه او حتي سألوني بتعملي اي عالموبايل ...ولا سألوني صحابك مين....مشوفتش منهم الحنان يسليم ..شوفته منو قرب مني وحسيني بالاهتمام ..حبيتو وكل ما كان بيطلب مني طلب كنت بنفذه حتا لو كان اي ....لحد ما رجعت لربنا وعرفت ان دا حرام ..قولت هبعد عنو ..لازم ابعد عنو وكرهته لانو خلاني اعمل حاجه حرام......وبردو مسابنيش فحالي ......نا بجد تعبت يسليم..تعبت

سليم وتأثر بكلامه بس مبينش..طب يملك...روحي خدي المهدئ اللي سامي صاحبي كتبهولك ..ونامي ..مش عاوز اتكلم انهارده 

بعد كتير من المجدلات دخلت ملك اخدت المهدئ ونامت من كتر تعبها ...وفضل يفكر سليم طول الليل هيبدأ منين ولقا محمد بيرن عليه 

محمد..الو....اي يا ابو الصحاب ..وحشتني

سليم بعصبيه شديده..ولا...اقسم بالله لاق*تلك بقا انت اللي عملت في مراتي كدا ..يا أعز اصحابي ...وحيات امك يلا هنيمها زعلانه عليك

قفل محمد السكه وفضل سليم مشتعل غيظا ومش قادر يقعد قبل ما ي*قتله ..لكن بعد ما فكر عرف انو اللي عملو غلط وانو كدا حذرو....تعب ودخل ينام ع الكنبه...عدي الوقت وجه النهار وكان بيلبس ورايح لمحمد البيت ...صحيت ملك 

ملك بحزن..سليم....

سليم ببرود..عاوزه اي ...

ملك وقامت وقفت..انت رايح فين

سليم بعصبيه..بت انتي ..متكلميش معايا دلوقتي انا مش طايقك اصلا ...

ملك بعياط..سليم...انا بحبك..بالله عليك متعملش فيا كدا 

هدي سليم شويه ..ملك..ابعدي بس دلوقتي..عشان الحق ابن الك*لب دا قبل ما يهرب في حته 

ملك بعياط وزعل..هتطلقني يسليم

سليم بنفاذ صبر وزهق..اه هطلقك ..وزق*ها...وسعي كدا .......ومشي خطوتين..لكن مستحملتش ملك كلامه ووقعت في الأرض..سمع هو صوت وقعتها ورجع بسرعه جري عليها..ملللك

يتبع........