_الف مبروك ياحبيبي 

بص فارس لمراته بتوتر واتكلم بثبات مصطنع

_بتباركيلي على ايه ياحبيبتي

علياء بسخريه وألم

_بباركلك على خطوبتك ياجوزي ياحبيبي..اخص عليك مش كان المفروض تعزمني 

اتصدم فارس لما لقاها عارفه وابتسم بتوتر شديد وهو بيتكلم بكدب

_ايه الهبل ده..وانا هخطب ازاي وانا متجوزك يعني..مش معنى ان جوازي انا وانتِ في السر يبقى هتجوز عليكي..انا قولتلك اني مخبي جوازنا عن اهلي علشان عندي مشاكل كبيرة في البيت ومستني لما تتحل وساعتها هعلن جوازنا

ابتسمت علياء بسخريه ومسكت تليفونها وطلعت صوره هو وخطيبته الجديدة

_طب وبالنسبه للصور دي ايه يا روحي

بص فارس للصور وعرف انه خلاص اتكشف قدامها علشان كده حاول يبرر موقفه

_بصي اصل..بصراحه كده اه انا خطبت بنت عمي امبارح بس علشان الورث مش اكتر وكده كده الخطوبه دي مش هتطول ..اعتبريها محصلتش 

_اعتبرها محصلتش..امم طيب يافارس لما نشوف اخرتها معاك

بصلها فارس بتوتر وبادلته  علياء  نظراته بغموض

_انا..انا لازم اروح دلوقت وهجيلك بكره ياحبيبتي

مشى فارس من قدامها وعلياء بصتله بحزن وحسره وقررت انها هتنتقم من اللي عمله فيها بطريقتها 

_____________

تاني يوم صحى فارس  في بيت عيلته وطلع من الاوضه بنعاس

وراح ناحية عيلته اللي قاعدين بيفطروا

_صباح الخير يجماعه

_صباح الخير يافارس..كنت فين امبارح بليل

سأله والده بإستفسار

رد بثبات مصطنع

_كنت عند واحد صاحبي يابابا

_طب متروحش في حتة بليل علشان هنحدد جوازك على بنت عمك النهارده

افتكر فارس علياء وانها لو عرفت اكيد هتسيبه وهتطلق منه بس هو مش مستعد يخسرها..وكمان مينفعش يعرفها على عيلته لأنهم اكيد هيرفضوها لأنها مش مناسبة ليهم 

فاق من شروده على خبط على الباب

اخته راحت تفتح ودخلت و وراها بنت واتصدم لما شافها.....علياء!!!

_اهلا ياحبيبتي تعالي..اعرفكم يجماعه...علياء اللي هتساعدنا في تنضيف البيت مكان فتحيه علشان سافرت

فارس بصدمه....

_انتِ اكيد اتجننتي..عايزاني اسيب مراتي تشتغل خدامه في بيتي

قالها فارس بغضب وهو واقف وراها في المطبخ 

رديت علياء ببرود وهي بتغسل المواعين 

_والله انت اللي اضطرتني اعمل كده..طالما مش عايز تعلن جوازنا قدام الناس كلها ، يبقى سيبني ابقى جنبك بطريقتي بقا

_انتِ هتسيبي الجنان اللي بتعمليه ده وهتمشي من البيت وترجعي  على شقتنا انتِ فاهمة

سابت علياء اللي في ايديها وبصتله بقهر وغضب 

_لأ مش فاهمه يافارس وهفضل مكمله اللي بعمله ده لحد ما تعلن جوازنا يإما بقا تطلقني وكل واحد يروح لحاله

فارس خاف من فكرة انه يسيبها واتكلم بهدوء وهو بيقرب منها

_علياء حبيبتي افهمي..صدقيني انا هقول للعالم كله انك مراتي بس مش دلوقت..مشاكل الورث اللي في العيلة تتحل بس واقسم بالله هعملك فرح كبير محصلش في البلد ومش هيهمني حد

_ورث! يعني علشان الورث مستعد تتجوز واحده غيري !

للدرجادي انا قليلة في نظرك

_الموضوع مش كده اكيد ياعلياء..بس انا تعبت جدا في الثروة دي كلها ومش هتنازل عنها لعمي بالساهل كده 

انا بس هعمل خطه عليه وهاخد اللي انا عايزه وهسيب بنته

علياء بعناد

_لأ يافارس..برضه هفضل هنا لحد ما تخلص اللي بتعمله ده واشوفك هتتجوزها ولا لأ

اتوتر فارس جدا لأنه كان المفروض النهاردة هيحددوا ميعاد الفرح

سابها وطلع من المطبخ بغضب وعلياء كملت اللي بتعمله

_________________

كل العيلة اتجمعت في بيت والد فارس علشان يحددوا ميعاد جوازه هو ونور بنت عمه

علياء دخلت بصنية العصير وعنيها متعلقه على فارس والبنت الجميلة اللي جنبه  وبتبصله بعشق وخجل وعرفت ان هي العروسة

بصتلهم بغضب وغيرة 

_طب يجماعه زي ما اتفقنا....فرح نور وفارس الشهر الجاي

وقعت الصنية من ايديها بصدمه وكل الانظار اتوجهت نحوها و.........

وقعت الصنية من ايديها بصدمه ودموع وهي بتبص لجوزها وخطيبته واللي اتحدد ميعاد جوازهم دلوقت 

_ايه اللي انتِ عملتيه ده يا علياء شيلي القر.ف ده بسرعة 

فاقت علياء من صدمتها على صوت والدة فارس وهي بتتكلم بغضب

جريت من قدامهم بسرعه تحت استغرابهم واتكلم فارس بإرتباك

_معلش يجماعه ممكن تكون اتحرجت

نور خطيبته بإستفهام

_هي مين دي 

رديت حماتها بتكبر

_دي الشغالة بتاعتنا يا نور...خلينا يلا نكمل كلامنا سيبكم منها

فارس اتضايق جدا من المكانة اللي علياء حطيت نفسها فيها وكان عايز يسيب المكان كله ويمشي وحس انه مش قادر يكمل في التمثيلية دي

بس بعدها بص لعمه ونظراته الخبيثه الطماعه وافتكر انه لو فعلا مشي كل حاجه هتتهد وهتضيع من ايده

_______________

بليل بعد ما الكل نام

كانت قاعدة علياء في الاوضه اللي بتنام فيها بتعيط بقهر وصدمه...ازاي هيتجوز عليها بالسهولة دي وينسى كل اللي بينهم

حطيت ايديها على بطنها واتكلمت بندم

_انا اسفه..اسفه اني اختارته هو يكون ابوك..مكنتش اعرف اني رخيصه عنده اوي كده.. ياريتني ما ضحيت بكل حاجه علشانه..ياريتني ما اتنزلت عن حقوقي علشانه..انا لازم امشي من هنا

باب الاوضة اللي قاعده فيها خبطت

مسحت دموعها وقامت تفتح لقيته فارس اللي خدها في حضنه واتكلم بهمس واسف

_انا اسف..حقك عليا والله العظيم ما هتجوزها..هحقق اللي انا عايزه وهسيبها 

انتِ متعرفيش عمي ده حق.ر قد ايه وطماع 

بعدته عنها واتكلمت بغضب

_انا مليش دعوة بكل ده..انا خلاص مبقتش عايزة اكمل معاك

_حبيبتي اهدي..صدقيني الوضع ده هيبقى لمسأله وقت بس لحد ما ارجع حقي واقسم بالله وحياتك عندي هعلن جوازنا.. اهدي بقا

_اهدى!...تعرف انا مكنش لازم اوافق على جوازي منك في السر من اصلا من الاول

انا عارفه انت اتجوزتني ليه

انت اتجوزت علياء البنت البسيطه الغلبانه اللي اهلها على قد حالهم علشان تكس.رها بفلوسك وتتحكم فيها زي ما انت عايز وتقولك حاضر ونعم ياسي فارس وتحققلك رغباتك المريضه

لكن يوم ما تفكر تتجوز واحده في العلن 

هتتجوز بنت الذوات زيك اللي تليق بيك وبأسمك

مش كده يافارس

اتكلم بزهول ونفي وغضب

_ايه اللي انتِ بتقوليه ده يا علياء

انتِ عارفه ومتأكده اني بحبك من زمان 

من وانا لسه مراهق وبتشغل في محل من المحلات بتاعتنا اللي في شارعكم

ويوم ما اتجوزتك فهمتك ظروفي واني عندي مشاكل ف متجيش تلوميني دلوقت على حاجه انتِ كنتي موافقه عليها من الاول!

علياء اديني فرصه.. فرصه اخيرة وصدقيني مش هتندمي

 نفخت وهزيت دماغها بموافقه وهديت شوية..هي مش عايزة تنهي علاقتهم بسهولة علشان ابنهم اللي جاي واللي لسه فارس ميعرفش انها حامل فيه

طلع من عندها بعد فترة  ودخل اوضته ومأخدش باله من ريم اخته اللي شافته وهو طالع من اوضة علياء بصدمه وزهول

_الخدامه يافارس!

والله لأقول لأمك وتتصرف معاها 

يتبع..

_انا مراتي مش حرامية..مرات فارس المرشدي مش حرامية يا ماما

صدمة حليت عليهم كلهم وخاصة خطيبته... طلع متجوز!

وكمان من علياء الخدامه

_انت بتقول ايه يافارس!...يعني ايه متجوز 

قالتها ريم بصدمه

رد ببرود وهو بيمسك ايد علياء قدامهم كلهم

_يعني اللي سمعتوه ، علياء مش خدامه علياء مراتي بقالها سنة على سنة الله ورسوله

_انت ازاي تعمل حاجه زي كده من ورايا

رد على والده ببرود

_علشان كنت عارف انكم هترفضوا جوازنا بسبب المعتقدات السخيفة اللي في دماغكم 

_وكنت عايز تخلي بنتي مراتك التانيه يابيه

_والله ياعمي انا مكنتش هتجوز بنتك اصلا

انا كنت بحاول احافظ على املاكنا منك ومن جشعك..بس خلاص تغور كل حاجه طالما مراتي بتتأذى نفسياً حتى لو بنسبة واحد في المية من التمثيليه دي

ويص لعلياء بعشق

_سعادتها اهم عندي بفلوس الدنيا

ابتسمت علياء بسعاده كبيرة وعنيها دمعت وحسيت انها عايزه تحضنه..للدرجادي بيحبها وواقف قصاد عيلته وبيحاربهم علشانها

_ياوكستي فيك يا فارس..ياخيبتك ياميرفت في ابنك الحيلة

قالتها ميرفت بحسره وصدمه

_بس يا ام فارس مش عايز اسمع صوت

وبص لفارس

_خد مراتك واتكل على الله من هنا ولينا كلام تاني بعدين مش قدام الناس

قالها والده(شريف) بثبات وقوة

شد فارس ايد علياء ومشي من قدامهم وبصيت علياء وهي ماشيه لميرفت وريم وابتسمتلهم بكيد وخبث

برقوا عنيهم بغيظ منها وريم كانت هتتحرك علشان تضر.بها بس امها منعتها

_سبيها..ليها فوقه ووحياة امي ما هسيبها

_انت سيبت ابنك يمشي بمنتهى السهولة كده ياشريف..وبالنسبة لبنتي اللي قلبها اتكس.ر دي 

رد شريف ببرود

_اعمله ايه يعني ياعماد..الواد متجوز على سنة الله ورسالة ومراته خلاص يعتبر بقيت واحده من عيلة المرشدي..عايزني ارميها في الشارع يعني

شريف بغضب شديد

_لأ ياحنين يا ابو قلب طيب ياكبير العيلة مترمهاش في الشارع

بس متزعلش بقا لما ابنك مياخدش حاجه من املاكنا

_وانت مالك اصلا..انت ناسي ان ده تعبي انا وهو

_تعبك انت وهو فعلا محدش يقدر يتعرض.. لكن الكلام ده مش متوثق على ورق

لأن بالقانون انا ليا في كل ده زيي زيك ومبقاش عماد المرشدي لو شممت ابنك ريحة حاجه من الاملاك

_اعلى ما في خيلك اركبه ياعماد احنا مبنتهددش 

بصله عماد بغضب وطلع لبنته اللي كانت منهارة في العياط في حضن امها

حل شريف الحوار مع الظابط ونهى الموضوع بطريقته 

__________________

وصل فارس وعياء بيتهم واول ما دخلوا علياء رميت نفسها في حضنه بعنف وهي مبتسمه بسعادة

_شكرا.. بجد شكرا يافارس على كل حاجه عملتها النهاردة

باسها من دماغها واتكلم بجدية

_متشكرنيش على حقوقك يا علياء..انا غلطت من الاول اني خبيت جوازنا عليهم وصححت غلطتي النهاردة مش اكتر

وبعدها عنه ومسك وشها بإيده

_انتِ غالية عندي اوي ياعلياء..لو العالم كله في كفة وانتِ في كفة انا هختارك انتِ

فلوس الدنيا كلها متساويش حاجه قصاد دمعة من عينك

_بس انت كده خسرت عمك يافارس

_مش مهم، كده كده كل ده كان هيحصل 

انا معايا مبلغ كبير في البنك من شغلي وتعبي هبدأ بيه من الاول خالص وهكون ثروتي بعيد عن املاك عيلة المرشدي 

علياء بفخر وثقة

_وانا واثقه ومتأكده انك هتعرف وفي اسرع وقت كمان..كفاية ذكائك 

ابتسم فارس من كلامها واتكلم بهمس 

_طب على فكرة انتِ وحشتيني

ضحكت علياء لما فهمت مغزى كلامه واتكلمت بسرعه

_استنى..فيه حاجه انت لازم تعرفها

بصلها بعدم علم

_حاجة ايه

_هنبقى تلاته

برق عنيه بصدمه بعد ما استوعب جملتها

_ده بجد !

هزيت دماغها بتأكيد وابتسامه سعيدة

_تعرفي ان ده احلى خبر سمعته في حياتي كلها

حضنها واتكلم بسعادة شديدة

_ربنا يخليكوا ليا ياحبيبتي

_______________

عدى شهر وفارس بيشتغل ليل نهار وبدأ يبعد عن علياء شوية ويبقى مش مهتم بيها

بس هي قدرت ده وفهمت انه عليه ضغط شغل كبير

وفي يوم كانت واقفه في المطبخ بتطبخ وسمعت الباب بيخبط 

راحت تفتح لقيتها نور بنت عم فارس واللي كانت هتبقى مراته واقفه بتبصلها بإبتسامه خبيثة

_خير

زقتها ودخلت وكأنها صاحبة البيت

_كل خير ياحبيبتي..انا جايه اقولك كلمتين  بما اننا بنات زي بعض ومرضاش اشوفك بيتضحك عليكي وابقى واقفه ساكته

طلعت تليفونها ووريتلها صور ليها مع فارس وهي في حضنه 

_بصي كده جوزك بيحبني ازاي..انا خليت صاحبتي تصورنا واحنا مع بعض من غير ما فارس ياخد باله علشان اكشفه قدامك واعرفك انه مش بيحبك وبيتسلى بيكي

شافت علياء الصور والدموع اتجمعت في عنيها بقهر وصدمه 

_معلش ياعلياء..عارفه ان الحقيقة موجعه اوي بس كان لازم تعرفي..الحقي اهربي بعيد عنه وكفاية تغفيل لحد كده.. اكيد طبعا مفهمك انه في شغله وبيتأخر بالساعات بره البيت ومبقاش بهتم بيكي

بس الحقيقه بقا انه بيقضي وقت كبير معايا انا علشان كده بعيد عنك.. باي يالولو 

مشيت نور من قدامها وسابت علياء في صدمتها من الصور وكلام نور

_ضحك عليا للمره التانيه!

يعني كل اللي عمله ده تمثيل وطلع عايش قصة حب مع بنت عمه

قامت بغضب ودخلت اوضتها ومسكت شنطه حطيت فيها كل هدومها وقررت انها تسيبله البيت وتمشي

وصل فارس بعد شوية لقاها لابسه وماسكه شنطه كبيرة في ايديها بتحاول تشيلها

_ايه ده انتِ بتعملي ايه

_ملكش دعوة..ابعد عني

_استني يامجنونه انتِ بتشيلي ايه !

انتِ ناسية انك حامل

علياء بصراخ وبكاء وهي وبتفتح الباب

_ملكش دعوة وابعد عني

منعها فارس من انها تنزل واتكلم بحده وعدم فهم

_هو ايه اللي ابعد عني..انتِ رايحه فين اصلا

_سيبالك البيت وماشيه علشان تعرف تتجوز حبيبة القلب..ابعد بقا

_حبيبة القلب!

ادخلي يا علياء ربنا بهديكي اكيد دي هرمونات حمل

شديت اديها من ايده بعنف لدرجه ان رجليها اتزحلقت من على السلالم

_قولتلك ابعد عن...ااااه

وقعت قدامه بعنف وملحقش يمسكها وبرق عنيه بصدمه وخوف واتكلم بصراخ

_علياء

يتبع.....

فارس شاف مراته وهي بتقع من على سلالم البيت بصدمه ورعب وصرخ بإسمها وجرى عليها يلحقها

_علياء

سند دماغها على رجليه 

علياء بعدم وعي وألم

_ابني..ابني هيموت

آخر كلمات قالتها وهي بتفقد الوعي وبتنزف

___________________

بعد ساعتين في المستشفى

فارس واختها الوحيده كانوا واقفين قصاد أوضة العمليات بقلق وتوتر

وطلع الدكتور بعد فترة وملامحه كلها أسف 

فارس بقلق

_ايه الاخبار يادكتور.. مراتي كويسه

_مرات حضرتك بخير بس..للأسف فقدنا الجنين

قعد عالكرسي بصدمه ودموعه نزلت

هو كان مستنيه بلهفة..كان بيشتغل الفترة اللي فاتت ليل نهار علشان يعرف يأمنله حياة كويسه ومستوى عالي يعيش فيه وفي الآخر خسره بالطريقه دي!

استغفر ربه وقام يغسل وشه ودخل تاني للأوضة اللي علياء انتقلت فيه و كانت لسه فاقدة الوعي وجنبها مريم اختها اخر فرد بقيلها من عيلتها

قعد عالكنبة اللي في آخر الاوضة وبصلها بأحاسيس كتير

حزين عليها وفي نفس الوقت مخنوق منها جدا بسبب استهتارها واندفاعها اللي خلوها تفقد ابنهم قبل ما يتولد

نفخ بعنف وحاول يطرد الافكار دي من دماغه واتكلم بهمس في سره

_اهدى يافارس...هي اكيد ملهاش ذنب في اللي حصل ده وابنك مكنش مقدر انه يعيش

بعد ساعه فاقت علياء وبصيت حواليها بعدم فهم وبعدها افتكرت كل حاجه ودموعها نزلت

_حمدلله على سلامتك ياعلياء

بصيت لأختها مريم واتكلم بتعب ودموع

_مات صح

مريم بزعل عليها

_حبيبتي استعوضي ربنا فيه هو مكنش مكتوبله انه ييجي على وش الدنيا...ان شاء الله ربنا يعوضكم انتِ وفارس 

_هو فين فارس

سألت عليه بنبرة غامضه ومريم رديت بحزن

_قاعد بره..شكله مجروح جدا وحزين ربنا يعوضه يارب

هزيت دماغها بشرود 

_خليه يدخل 

طلعت مريم وناديت على فارس اللي دخل الاوضه بهدوء واتكلم بنبرة حاول تبان طبيعية

_عامله ايه دلوقت ياعلياء

تجاهلت سؤاله ووجهت كلامها لمريم 

_سبينا لوحدنا يامريم شويه

_حاضر.. لو احتاجتي حاجه انا واقفه بره

طلعت مريم وسابت فارس وعلياء لوحدهم

_ممكن افهم فيه ايه بقا واللي وصلنا للحاله دي

سكتت شوية واتكلمت بنبرة قاسيه وجامده

_فيه اني مش عايزة اكمل معاك..انا كنت طول السنين دي عايشه معاك علشان فلوسك وبما انك خسرتها..طلقني

اتصدم فارس من كلامها واتكلم بعدم تصديق

_لأ انتِ اكيد بتهزري صح، ايه الكلام اللي بتقوليه ده من امتى وانتِ مادية

_الموضوع مش مستحمل هزار...انا بتكلم بجد وفعلا مبقتش قادرة اعيش معاك

بلعت ريقها بألم وحاولت تتكلم بقسوة لما افتكرت صوره وهو في حضن نور 

_والحمدلله ان ابننا نزل لأني مكنتش حابه اني اخلف منك بعد ما فلست

هنا ملامحه كلها اتغيرت وبصلها بغصب و...

يتبع..

_والحمدلله ان ابننا نزل لأني مكنتش حابه اني اخلف منك بعد ما فلست

هنا ملامحه كلها اتغيرت وبصلها بغضب وحده

_اخرسي.. علياء اخرسي علشان اقسم بالله انا ماسك نفسي عنك بالعافيه ومراعي الحاله اللي انتِ فيها وانك لسه مسقطه

بس كلمه كمان ومتلومنيش على اي حاجه اعملها

ابتسمت بألم وسخرية

_ايه هتض.ربني..اصل انت خونتني ف ممكن اتوقع منك اي حاجه عادي 

انتبه لكلمتها واتكلم بعدم فهم

_خونتك!..ده اللي هو امتى بقا علشان انا مبلحقش انام ساعتين على بعض اصلا من الشغل

ايه خونتك في احلامي وبعدين الكلام اللي قولتيه على اني فلست ومش عايزة تكملي معايا مانتي عارفه اني بعمل مشروع كبير وكلها مسألة وقت وهرجع احسن من الاول وكنتي بتدعميني طول الفترة اللي فاتت..انا مش مصدق كلامك ده اكيد فيه حاجه 

شديت ابرة المحلول من ايديها لدرجه ان ايديها نزفت جامد وقامت وقفت بالعافيه ووقفت قصاده بغضب

_نور جاتلي ووريتني صوركم .. شوفتك انت وهي وانتوا حاضنين بعض

ها ايه تفسيرك يا فارس بيه عن الموضوع ده

فارس فهم هي ليه عملت كل ده وابتسم بسخرية

_وانتِ بقا من مجرد صور صدقتي اني خونتك صح

ياه عالثقة والعلاقة القوية اللي مش ممكن تتهد ابدا..بجد ابهرتيني يالولو..طب مفكرتيش انه ممكن يكون ملعوب علينا ونور عملت كده علشان توقع مبينا ولا مستوى تفكيرك موصلش لحد هنا ووقف

اتكلمت بغضب وصوت عالي

_الكلام ده لو هي بس اللي حضناك وانت ايدك جنبك... لكن انت كنت بتبادلها الحضن ده ، وبعدين متتكلمش عن الثقه لو سمحت

انا وثقت فيك بدل المره اتنين

اول مره لما رضيت اني اتجوزك في السر وراعيت الظروف اللي كنت محطوط فيها 

تاني مره لما شوفت بعنيا صورك مع خطيبتك وقولتلي الورث ومش الورث وعديت الموضوع

لكن المرادي شايفاك في حضنها..حضن واحده كان فيه مبينكم مشروع جواز واكيد بتكنلك مشاعر

ايه بقا المفروض اعمل ايه علشان ابقى زوجه واثقه في جوزها وعظيمه 

اسيبك لغاية ما تتجوزها وداخل عليا بعيالكم

_خلصتي

سأل ببرود وهو بيبص في عنيها بقوة

_اه خلصت

طلع من الاوضة ورجع بعدها بشاش وقطن ومطهر وسحبها من ايديها وقعدها عالسرير تاني واتكلم بهدوء وهو بيطهرلها جرح ايديها وبيلف عليها الشاش 

_هبررلك انا ليه كنت حاضن نور للمرة الاولى والاخيرة وعايزة تصدقي براحتك مش عايزة أقسم بالله ما هتفرق براحتك برضو

اولا انا كنت مطحون في الشغل كالعاده وجالي اتصال من نور وهي بتعيط وبتقولي اقابلها في كافيه

Flash back

_فيه ايه يانور مالك طيب

نور ببكاء

_تعالى يافارس ولما تيجي هتفهم

قفل معاها وركب عربيته وراح للمكان اللي قالت عليه واول ما وصل استقبلته بعياط وانهيار واترميت في حضنه 

استغرب رد فعلها ووبعدها برفق عنه وهو بيتكلم بهدوء

_ياماما فيه اي اهدي..مالك!

_انت ليه اتجوزت يافارس..انت مش عارف ان انا بحبك

اتنهد فارس وقعد عالكرسي وهي قعدت قدامه واتكلم بأسف

_نور انا اسف اني جرحتك..بس انا عمري ما وعدتك بحاجه ودايما بشوفك زي ريم اختي...انا فعلا بحب علياء ومش هقدر اتجوز واحده غيرها واتمنى تفهمي الحقيقة وتتقبليها وتبدأي حياتك مع شخص بيحبك ويستاهلك

نور مسحت دموعها واتكلمت بإبتسامه حزينه

_تمام يافارس..بس على الاقل نرجع صحاب تاني..متبعدنيش عنك بالشكل ده

_انتِ ك بنت تقبلي ان خطيبك او جوزك يبقى ليه صاحبه بنت

او انا حتى اقبل ان مراتي يبقى ليها صاحب ولد

اكيد لأ صح

ف اللي منقبلهوش على نفسنا منقبلهوش على غيرنا وحتة صحوبيتنا زي زمان دي ترجع مينفعش لأن مراتي مش هتبقى مرتاحه وبالتالي أنا كمان مش هبقى مبسوط وانا شايفها كده

لكن لو عايزاني كأخ ف عنيا ليكي ودايما هتلاقيني في ضهرك وقت ما تحتاجيني

جزيت على سنانها بعنف واتكلمت بإبتسامه مصطنعه

_تمام يافارس

قام وقف وهي وقفت ورجعت حضنته تاني 

اتنهد بضيق وطبطب عليها بحنان اخوي وبعدها عنه للمره التانيه

_لازم امشي دلوقت علشان عندي شغل

Back

_ده اللي حصل..لو كنتي استنيتي شوية لحد ما ارجع من الشغل وسألتيني على حوار الصور ده كنت رديت عليكي وفهمتك كل حاجه ومكناش هنوصل للمرحله دي

عارف اني غلطت قبل كده وخطبت نور من وراكي بس صححت غلطتي دي ورديت اعتبارك وكرامتك قدام الناس كلها وخسرت عيلتي واملاكي علشانك ومهنش عليا زعلك او اني اشوف دمعه من عينك

قسما بالله ياعليا انا محبتش حد في الدنيا دي قدك

ليه بتعملي فينا كده..ليه بتوجعيني بالشكل ده 

انتِ السبب انك خسرتي...

كان هيقولها ان هي السبب في موت ابنهم بس سكت ومكملش كلامه لما شاف حالتها وافتكر انها لسه تعبانه وممكن حالتها تدهور لو ضغط عليها اكتر من كده 

اتكلمت بهدوء ونبرة حزينه

_سكت ليه..كمل...انا السبب في موته صح..فعلا انا السبب..انا السبب

فضلت تردد الكلمتين دول بشرود وبعدها قالتهم بإنهيار وهي بتبكي وبتضرب وشها بالقلم

_ايوه انا السبب..انا اللي غبيه ومتهورة وضيعته...انا لازم اموت زيه..لازم اتعاقب على اللي عملته

منعها بصعوبه واتكلم بغضب وخوف عليها

_علياء اهدي..علياء بس قولتلك اهدي ده قدره وعمره كده انا مش قصدي

فضلت تعيط لحد ما فقدت الوعي 

راح فارس لبيت عمه واللي فتحتله مرات عمه 

_نور فين

_وانت بتسأل عليها لي مش خلاص اتجوزت

_نور فين ومش هكرر سؤالي تاني

طلعت مور وهي بتخفي ابتسامتها ومتوقعه طلاقهم

_خير يا فارس فيه حاجه

ابتسم فارس ببرود واتكلم بمكر

_لأ مفيش يانور..كنت حابب اشكرك بس على اللي انتِ عملتيه معايا انا وعلياء وخلتيها تغير عليا وتدلعني الدلع ده كله

اصلك لما ورتيها الصور مصدقتش طبعا اني بخونها لأنها بتثق فيا اكتر من نفسها

بس غارت عليا لما لقيت واحده غيرها حضناني..لكن انا فهمتها اللي حصل واتصالحنا وقعدنا نضحك انا وهي عليكي وعلى اللي عملتيه

عيب والله يانور اخلاقك اللي بقيت في الارض دي

بس يلا جت بمصلحه وقربت اكتر من مراتي

باي يا بنت عمي نردهالك في الافراح ان شاء الله 

وضحك بسخرية وسابها ومشي بإنتصار 

اتحولت ملامحها للغضب وبدأت تكسر في البيت كله ووالدتها بتحاول تهديها

عدى شهرين على الاحداث دي وفارس كان بيتجنب علياء تماماً وبينام في اوضة تانية وهي بقيت مش بتخرج من اوضتها ومنعزلة عن الناس كلها ومحمله نفسها موت ابنهم وندمت على شكها في فارس لما عرفت الحقيقة منه 

_____________

رجع من شغله في وقت متأخر كالعاده

دور بعنيه عن علياء في البيت كله وملقهاش 

استغرب جدا وتوقع انها تكون راحت لأختها

لكن لمح البلكونة مفتوحه ف عرف انها جواها

اتحرك بهدوء ودخل البلكونه لقاها قاعدة على الارضيه وسانده دماغها على البلكونه وبتبص للسما اللي بتمطر بحزن ودموعها نازله مع المطر 

نفخ بإنزعاج وقرب ناحيتها واتكلم بحده

_انتِ قاعدة في الجو ده ازاي وباللبس الخفيف ده..ناوية تنت.حري يعني

ملقاش رد منها ولسه على حالتها دي

اتكلم بحده اكبر

_علياء لما اكلمك تبصيلي..ادخلي جوه هتبردي

_سيبني يافارس..لو سمحت سيبني انا مش قادرة اتكلم 

رجع شعره بإيده لورا بتوتر من منظرها وانحنى علشان يشيلها ومقاومتهوش بالعكس سندت دماغها على صدره وهو شايلها ومتجه ناحية اوضتهم

وحطها عالسرير بهدوء وكان لسه هيبعد لكن علياء مسكته من ايده منعته

_خليك جنبي يافارس النهاردة..انا بجد محتجالك

بص لملامحها بتوهان واللي كانت لتناديه ليها واتكلم بهمس 

_انتِ جميله اوي..وشك كله برائة وجاذبية وعيونك بتشع حنان وحب...بس ورا كل ده فيه واحده قاسيه..مستعده تعمل اي حاجه علشان توجع اللي قدامها لو حسيت انه بيأذيها

مستعده تدوس على قلب حبها علشان بس تحقق انتقامها

_انا اسفه..عارفه ان الكلمه ملهاش لازمه بالنسبالك بس خلاص كفاية كده..انت عاقبتني ببعدك عني وتجاهلك ليا وده اسوء عقاب بالنسبالي

انا كان لما حاجه بتزعلني كنت بجري عليك وبحضنك واشتكيلك وكنت بتنسيني كل حاجه

حاليا انا ضعيفه ومقهورة ومحتجاك جنبي بس مش لقياك..عارفه اني السبب في كده بس خلاص كفاية يافارس

_مش بالسهولة دي ياعلياء..ياريته كان بالسهولة دي 

_يعني خلاص كده !

_سيبي الوقت يداوي اللي حصل

_فارس انا في بعدك بموت بالبطيئ

كلمتها وجعته جدا وبعد عينه من عليها واتكلم من ورا قلبه

_معلش ياعلياء..انا محتاج شوية وقت علشان انسى اللي حصل.. تصبحي على خير

قام من جنبها وهي وطيت راسها بإستسلام وحزن ودموعها نزلت بصمت

عديت ثواني ولقيته لف تاني ورجع اخدها في حضنه بعنف وهي دموعها نزلت اكتر واتكلمت بأسف وهمس

_اسفه..بجد اسفه

_ششش خلاص..اللي حصل حصل واحنا مش ملايكه احنا جايين الحياة نغلط ونتعلم من اخطائنا

كفاية عياط وبعد لحد كده واهدي 

_يعني هتسامحني

_هحاول..مش هكدب عليكي واقولك مية في المية مسامحك بس صدقيني هحاول

هزيت دماغها بأمل وفارس نام جنبها واخدها في حضنه وعدى اليوم على خير

________________

فاق فارس من نومه على صوت موبايله بيرن

بص جنبه لقى علياء نايمه

فتح المكالمه واتكلم بنعاس

_ايه يابابا 

_فارس...الحقني يا ابني عمك هيسجني

يتبع....

_فارس...الحقني يا ابني عمك هيسجني

آخر حاجه سمعها فارس قبل ما يلبس ويقرر انه يروح لأبوه علشان يفهم منه الموضوع 

صحيت علياء من النوم وبصيت لفارس اللي واقف قدام المرايه بيسرح شعره واتكلمت بنعاس

_رايح فين.. مش قولتلي امبارح انك هتريح من الشغل كام يوم 

اتكلم بتوتر وهو بيلبس الساعه بتاعته

_فيه حوار كده في البيت عندنا رايح اشوفه

علياء بقلق

_فيه اي..حد حصله حاجه 

_مش عارف ياعلياء والله.. هبقى افهمك كل حاجه لما اجيلك

هزيت دماغها بموافقه وبصتله بقلق هو لاحظه 

قرب منها وباس دماغها واتكلم بهدوء وهو حاطط ايده على خدها وباصص في عنيها

_متقلقيش..اي حاجه جوزك قادر يحلها بإذن الله ثقي فيا

مسكت ايده اللي على وشها واتكلمت بفخر

_واثقه فيك..وعارفه انت ايه بالظبط...بس خايفه..خايفه حاجه تبعدنا عن بعض والظروف تنتصر علينا وتعرف تفرقنا

بقالي فترة بحلم بأحلام بتدمرني..وحاسه بإحساس بشع اوي مش عارفه ليه

عرفت توصل ليه احساسها وخوفها 

اخدها في حضنه وحاول يطمنها بهدوء

_مفيش حاجه هتقدر تبعدني عنك غير موتي..وحتى لو مت هتلاقي روحي بطاردك في كل حته 

ضربته في صدره بغضب

_بعد الشر عليك متقولش كده

_لأ دي حقيقه على فكرة

واتكلم بهزار

_يابت ده انتِ العشق..ده انتِ قلب فارس من جوه يابطل انتِ..طب عليا النعمه لأثبتلك دلوقت انا بحبك قد ايه ومقدرش استغنى عنك

بعدته عنها بضحك وخجل

_خلاص مصدقاك..روح يلا شوف فيه اي ومتتأخرش عليا

_هثبتلك طيب حبي ليكي بسرعه وامشي 

_يبني أمشي بقا

_ماشي..حضري شنطة صغيرة كده وحطي فيها حاجات خفيفة لينا علشان هنروح شاليه الساحل نغير جو شوية علشان النفسية تحت الصفر

برقت عنيها بفرحه

_ده بجد

_يلا ياستي اتبسطي.. بوشكاش محفوظ بيضحي النهاردة

باسته من خده بسعاده وقامت تجري على الدولاب بفرحه علشان تحضر الشنطه

ابتسم عليها ونزل من البيت وبعد شوية وصل لبيت العيلة ولقى والده ووالدته واخته قاعدين وعلى ملامحهم الحزن والغضب

_ايه يجماعه مالكم..ايه الكلام اللي قولتهولي في التليفون ده يابابا

رديت ميرفت ببكاء

_عمك اللي منه لله ممضي ابوك على ورق وشيكات وصفقات مشبوهة من غير ما ياخد باله

حسبي الله ونعم الوكيل فيه الواط.ي الندل

اتصدم فارس واتكلم بعصبية

_ده اللي هو ازاي يعني ياحاج.. ازاي يقدر يعمل معاك كده ده انت اخوه الكبير

شريف بحزن وأسى

_عمك اتجن خالص يا ابني والفلوس والطمع لحس نفوخه وبقا شغله كله شما.ل في شما.ل

_طب والحل ايه دلوقت يعني يابابا

_مش عارف والله يبني

_مش لو كنت متجوز نور دلوقت مكنش حصل كل ده

قالتها ميرفت بلوم وزعل

رد فارس بغضب وعدم تصديق

_يعني اتجوز واحده مبحبهاش علشان اكسب رضى عمي العزيز..ما يتحر.ق هو وبنته وانا اعمل في نفسي كده ليه

قررت ميرفت انها تضغط عليه علشان تنقذ جوزها وقربت منه ببكاء وحنان امومي

_يبني ياحبيبي..ياسندي ياللي مليش غيرك

يرضيك ابوك بعد العمر ده كله يترمي في السجن!

يرضيك شريف المرشدي اكبر تاجر دهب في البلد يتحبس بسبب عمك المريض

يرضيك يضنايا سيرتنا تبقى على كل لسان

بص فارس لأبوه بحزن وقلبه وجعه عليه جدا وعلى كسرته

افتكر لما كان بيشقى علشانه وعلشان يكبر ويتعلم هو واخته..وانه كان مش بيحرمه من حاجه ومغرقه بحنانه رغم قسوته في بعض الاوقات

عنيه دمعت بحزن عليه وقرب منه وباس دماغه واتكلم بقوة

_ما عاش ولا كان اللي يكسر.ك يابابا.. وعزة وجلالة الله ما هسيبه يفلت بعملته دي وهرجعلك حقك منه 

طبطب شريف عليه بحنان ووطى راسه بحزن وقهر من افعال اخوه

_قرب من نور يافارس...هو ده الحل علشان تضغط على ابوها ويقط.ع الورق اللي معاه ده

قالتها ريم وبصلها فارس بإنزعاج

_هشوف حل تاني..مش عايز الجأ للألاعيب دي تاني واجرح مراتي وابعدها عني

ميرفت اتجننت لما سمعت الكلام ده واتكلمت بصراخ

_يعني مراتك اللي ممكن تطلقها وتتجوز اربعه غيرها ولا ابوك..ابوك اللي مش هتعرف تعوضه بكنوز التاني

_اخرسي ياميرفت..متخربيش على ابنك ومراته ابعدي عنهم

قالها شريف بصرامه وغضب

_ابويا على عيني وعلى راسي..بس انا مش عايز نور تدخل حياتي من تاني انتوا متعرفوش حصل ايه بسببها

_براحتك يا ابن بطني...بس يكون في علمك ان جوازك من نور هو اللي هيوقف شر عمك وهيرجعه تاني لصفنا وهيبقى خاتم في صباعنا طالما بنته الحيلة ودلوعته معانا وتحت ايدينا

مشى فارس من قدامهم بإنزعاج وحس ان الدنيا كلها اسودت في وشه من تاني ورجع لنقطه الصفر

وصل بعد شوية البيت وملامحه متغيرة خالص وحاول يداري ده علشان مراته متلاحظش

اول ما فتح الباب لقى علياء جاهزة ومستنياه بأجمل ابتسامه عندها

ابتسامه نسيته حزنه وهمه ومحسش بنفسه غير وهو بيبادلها الابتسامه دي

_ها يلا

_يلا ايه

اختفت ابتسامتها واتكلمت بإنزعاج

_انت نسيت يافارس...مش قولتلي اننا رايحين الساحل

افتكر فارس وعده بالسفر ليها ومحبش يكسر فرحتها وهز دماغه بموافقه

_اه افتكرت..جهزتي الشنطه

_من بدري...اهيه جنبك

شال الشنطه ونزل بيها وعلياء وراه وكانت سعيدة جدا بالسفرية دي

بعد شوية في العربية

فارس كان ساكت على عكس العادة وعلياء ملاحظه ده واتكلمت بإهتمام وهي بتمسك ايده اللي سندها جنبه

_مالك ياحبيبي...ايه اللي حصل في البيت

_عادي متشغليش بالك ياقلبي..شوية مشاكل في الشغل وان شاء الله هتتحل...لازم تتحل

قال الجمله الاخيره بهمس وشرود ومحبتش تضغط عليه تاني وبصيت للطريق 

______________________

وصلوا بعد فترة للشاليه واللي كان نضيف جدا لأن فارس بلغ اللي شغالين هناك ينضفوه قبل ما يسافر حط الشنط في الاوض ونزل تاني وراح ناحية البحر ومعاه علياء بعد ما غيروا هدومهم لهدوم صيفيه خفيفه

_استنى يامجنون سحبني ورايح فين 

قالتها علياء بضحك

_تعالي نعوم شوية وحشني البحر

_طب مش هتاكل

_لأ مش جعان..لو عايزة تاكلي ارجعي الشاليه تاني

_لأ مش جعانه هفضل معاك 

فضلوا شويه في الماية وقضوا وقت جميل وسط هزار فارس وضحك علياء عليه وخجلها منه اللي عمره ما بيختفي

طلعوا من المايه بعد شويه وقعدوا عالرملة وفارس كان حاضنها وبيبصوا للبحر بشرود

_تيجي نفضل هنا العمر كله

قالها فارس بشرود وضحكت علياء بشدة عليه

_يسلام..ده اللي هو ازاي بقا

_مش عارف...عارف انها حاجه مستحيله بس انا فعلا عايش اعيش انا وانتِ لوحدينا بعيد عن العالم ده كله 

تيجي اخطف.ك

_انت كده كده خاطفني..لسه بتستأذن

حمحم واتكلم بهدوء وهو بيبعدها عن حضنه

_علياء..فيه حاجه عايز احكيهالك شعلاني من بدري

_فيه ايه يافارس...انا ملاحظه شرودك من ساعة ما رجعت من عند اهلك ومش عايزة اضغط عليك

اتنهد واتكلم بجدية

يتبع....

_فيه ايه يافارس...انا ملاحظه شرودك من ساعة ما رجعت من عند اهلك ومش عايزة اضغط عليك

اتنهد واتكلم بجديةوعيون حزينة

_عمي...عمي لعب لعبة حقي.رة على بابا ومضاه على ورق يوديه ورا الشمس علشان ينتقم منه ومني على اني متجوزتش بنته وجر.حتها

بصتله شوية بصدمة وبعدها انفجرت في الضحك لدرجة ان عيونها دمعت

استغرب جدا  رد فعلها ده واتكلم بقلق

_ايه ياعلياء انتِ اتجننتي

علياء وهي ماسكه بطنها وبتضحك جامد

_اسفه..اسفه والله العظيم مش قصدي اضحك على مشاكلك..بس انتوا بجد عيلة غريبة اوي

يعني مامتك واختك اتهموني بالسرقه وكانوا هيسجنوني ومش فاهمه لي لحد دلوقتي

زائد ان عمك عايز يسجن اخوك 

و بنت عمك حاولت توقع مبينا وكنا هنطلق بسببها

فيه ايه!!!

بصلها شويه وبعدها انفجر في الضحك معاها ورد بسخرية

_عيلة كلها سوية نفسية ماشاء الله..لو فكرت في يوم اعزمهم هعزمهم عند دكتور نفساني

فضلوا يضحكوا لحد ما علياء وقفت ضحك واتكلمت بجدية

_اوكي...عارفه ان احنا دلوقت في مشكله بتهدد علاقتنا ولازم نحلها مع بعض بهدوء علشان محدش فينا يطلع خسران

دلوقتي عمك علشان يقطع الورق اللي معاه ده واللي اكيد فيه بينهم ورق مزور..يإما نلجأ للقانون وساعتها مش هتعرفوا تثبتوا حاجه..يإما نلجأ للحيلة ونستخدم نفس الاساليب اللي عمك استخدمها ونرجع حق ابوك 

_فكرت في كده برضه..بس المشكله في ان الحاجه الوحيدة اللي تهم عماد المرشدي نور بنته..وانا مبقتش بطيق ابص في وشها حتى

علياء فكرت شوية وبصتله بقوة رغم غيرتها 

_مفيش قدامك حل غير الطريقه دي..اللي انا واثقه منه ان نور وابوها متفقين على كل الحكاية دي علشان تتجوزها..ف انت مثل عليهم انك استسلمت وهترضى لطلباتهم لحد ما تعرف توقعه في شر اعماله

بصلها بإستغراب شديد 

_انتِ عايزاني اقرب من نور ياعلياء !

_للأسف مفيش قدامك حل تاني يافارس..وبعدين ده هيبقى تمثيل..انا عارفه انك بتحبني وزعلي مهم عندك جدا..بس كمان انا مش هقدر اكون انانية معاك وامنعك من انك تنقذ والدك علشان غيرتي..انا اتعلمت من غلطي وبقيت واثقه فيك اكتر من الاول بكتير وعارفه انك مش عايز تعمل حاجه تجرحني

_مش هقدر...حاسس اني لو شوفتها هي او ابوها هق.تلهم

_مش ده الحل..صباع والدك تحت ضرسهم..واي غلطه هيتحبس

وكملت بكره شديد ليهم

_احنا هنلعب معاهم نفس لعبتهم الق.ذرة..وهنتغلب عليهم

واول خطوه انك ترجع تعيش معاهم في بيت العيلة علشان عينك تبقى عليهم الاتنين

فارس بصلها برفض شديد

_ده اللي هو ازاي يعني...وانتِ !

علياء حاولت تداري حزنها من بعده عنها واتكلمت بإبتسامه مصطنعه

_ياحبيبي منا هبقى في بيتنا وتبقى عدي عليا على طول عادي

_لأ طبعا..مش هسيبك بعيدة عن حضني..بصي تعالي عيشي معايا في بيت العيلة عقبال ما نحل الموضوع ده

_قدام نور!

_ما تتح.رق نور..انا مش هسيبك بعيدة عني

اتنهدت وهزيت راسها بموافقه

_طيب هاجي معاك..احنا المفروض نرجع القاهرة تاني علشان نبدأ في تنفيذ الخطه

_خلينا يومين..انا نفسياً مش قادر على اي حاجه دلوقت

هزيت دماغها بموافقه لأنها هي كمان مش مستعدة تشوف فارس مع نور..الموضوع هيبقى صعب عليها بس مش عايزة تبقى انانية معاه وتدمر عيلته وفكرت المرادي بعقلها..وكده كده واثقه في حب فارس ليها وعارفه انها مسألة وقت مش اكتر وهتتخلص من نور وشرها

عدى يومين وفارس وعلياء رجعوا على بيت العيلة واللي استقبلوهم بترحاب على عكس ما توقعت معادا ريم اللي متجهلاها تماماً 

ميرفت بأسف ودموع

_انا اسفه يبنتي..فارس حكالي عن اللي قولتيهوله وانك بتحاولي تنقذي شريف معاه وبجد انتِ عليتي من نظري اوي..مكنتش متوقعه انك هتبقي بنت اصول كده

علياء بإبتسامه مصطنعه لأنها لسه مسمحتهاش على اللي عملته معاها

_مفيش داعي للشكر ياطنط..والد فارس زي والدي بالظبط ومستعده اعمل اي حاجه علشان انقذه 

______________

فارس وعلياء كانوا قاعدين في اوضتهم وفارس ماسك التليفون بتردد وعلياء بتحاول تشجعه رغم غضبها وغيرتها

_يلا يافارس كلمها...ده هي مكالمه واحده

_مش قادر...بجد بقيت بكرهم خدي كلميها انتِ

_فارس متعصبنيش..انجز 

نفخ بضيق ورن على نور اللي رديت بسرعه بسعادة وخبث

_كنت عارفه وواثقه انك هتتصل بيا وترجعلي تاني... وحشتني

مسكت علياء ايده وعضتها بعنف

كتم تأوهه وبصلها بغضب وهمس وهو بيبعد التليفون

_وانا مالي..مش انتِ اللي قولتيلي اعمل كده

علياء بغضب وهمس

_كمل يخويا كلامك

بصلها بمكر وحب غيرتها دي جدا ورجع كمل كلام

_باين اني وحشك..بدليل انك نستيني ومبقتيش تتصلي عليا خالص

نور بحزن 

_وهو انت يعني اللي بتسأل...لولا موضوع بابا وعمي مكنتش هترجعلي تاني..بس مش مشكله..المهم انك رجعت وهسامحك 

_انا رجعتلك بس بشروط.. الورق اللي مع عمي ده يتقطع 

نور بخبث

_مش بالسهولة دي يافارس متستقلش بيا...الورق هيتقطع بمقابل انك تطلق علياء وتطلعها من حياتك نهائيا

يتبع...

الورق هيتقطع بمقابل انك تطلق علياء وتطلعها من حياتك نهائيا

قالتها نور بخبث شديد لفارس اللي بص لعلياء وابتسم بسخرية من كلام نور واتكلم بكدب

_كده كده انا هطلقها..فيه مشاكل كبيرة اصلا بينا ومش بقولك كده علشان اخليكي تثقي فيا..انا فعلا مبقتش احب علياء وندمت جدا اني اتجوزتها

نور بمكرها المعتاد

_هنشوف

وكملت بقسوة 

_انا مش عارفه انت اتجوزتها ازاي الشحاتة دي..انا سألت عليها وعرفت انها حتة بت يتيمه محيلتهاش حاجه معندهاش غير اخت واحده ومفيش ولا حسب ولا نسب ولا أي حاجه

عاجبك فيها ايه دي..دي حتى متطولش تشتغل عندنا خدامه واقل خدامه عندنا مستواها أعلى منها 

بجد زوقك مق.رف يافارس

سمعت علياء الكلمات القاسية دي وحسيت بنغزات مؤلمه في قلبها و طيت راسها بحزن 

شاف فارس حالتها لعن نور في سره وقفل في وشها السكه ورمى التليفون بعيد وشد علياء ناحيته ورفع وشها بإيده وهو بيتكلم بكره

_متاخديش على كلامها..دي بني آدمة **** معندهاش قلب ولا احساس ..متتأثريش بكلامها

علياء بإبتسامه حزينة وعيون مدمعة

_عادي يافارس..كده كده انا عارفه ان كلامها صح 

بس انا مخترتش مستوايا بمزاجي..وعلى فكرة اهلي الله يرحمهم اه كانوا فقرا بس صرفوا على تعليمي انا واختي كل اللي حيلتهم وعلمونا تعليم عالي

_الفقر مش فقر فلوس ياعلياء..الفقر فقر نفوس

ما عندك نور اهي عيلتها معاها ملايين واملاك وبلاوي سودا..لكن هي عبارة عن بني آدمه تافهة وسطحية وعديمة الانسانية والكرامه

عمر ما الفلوس ما هتعرف تعمل واحده شريفه ونضيفة زيك ياعلياء

وكمل بهزار

_وبعدين يستي ده انتِ عندك شغلك الاونلاين في الاكسسوارات والحاجات التافهة بتاعة البنات دي وبتكسبي قد كده..ده انتِ بقيتي اغنى مني شخصيا يالولو

ضحكت علياء وهي بتمسح دموعها

وفارس قرب منها وباس عنيها اللي كانت بتعيط واتكلم بنبرة دافية مليانه حب

_مش عايز ضحكتك دي تروح من وشك ابدا.. عايزك تفضلي تضحكي كده ومش اي كلمة من شوية ناس ز.بالة تأثر فيكي..اتفقنا

_حاضر

_تعالي اصالحك بقا

ضحكت بخجل وهي بتبصله بعشق وبتحمد ربنا على وجوده جنبها

_________________

تاني يوم علياء صحيت بدري جدا او ممكن تكون منامتش اصلا بسبب كلام نور وجرحها ليها

ساعات ممكن نقول كلام في حق حد ميعرفش ينام بسببه ونجرحه

دخلت المطبخ عملت كوباية قهوة وقعدت في الصالون تشربها وهي بتحاول تفوق

شوية ولقيت ريم طالعه من اوضتها وبتبصلها بنظرات غامضه 

قربت منها واتكلمت بإستفزاز

_امشي  اجري اعمليلي فطار يلا انتِ هتقعديلنا

بصتلها علياء بعدم فهم

_نعم!

الكلام ده ليا انا

ريم بتأكيد 

_اه انتِ..يلا روحي اعمليلي فطار وبعدها روحي نضفيلي اوضتي 

قامت علياء وقفت بغضب

_وانا مالي ياعسل ما تروحي تعملي انتِ شايفاني شغالة عندك ولا ايه

_وانتِ تطولي اصلا تشتغلي عندي

_تصدقي انك حتة بت قليلة ادب متربتش

ريم بشر وابتسامه غامضه

_بقا كده!

مسكت كوباية القهوة اللي علياء كانت بتشرب بيها وكسر.تها على دماغها بعنف وارتفع صوت صراخها في البيت كله 

_اه..الحقوني المجنونه دي فت.حتلي دماغي..الحقووني

طلع فارس من اوضته بخضه من صوت الصراخ وبعدها والده ووالدته و....

يتبع

_اه..الحقوني المجنونه دي فت.حتلي دماغي..الحقووني

طلع فارس من اوضته بخضه من صوت الصراخ وبعدها والده ووالدته 

_ايه الصويت ده على الصبح فيه اي

ريم ببكاء ودماغها بتنزف

_الحقني يافارس..بص مراتك عملت فيا اي

منك لله ياشيخه 

علياء بغضب

_انتِ واحدة مجنونة وكدابه وانتِ اللي عملتي في نفسك كده علشان تلبسيها فيا

ميرفت جريت على بنتها بلهفة وخوف امومي وحاولت توقفلها ال.دم وبصيت لعلياء بغضب

_ليه كده ياعلياء.. افرض كانت راحت فيها يعني

علياء بزهول وغضب

_انتوا بتقولوا ايه..انا مستحيل اصلا اعمل كده

فارس بحدة

_بس انتِ وهي

وبص لريم

_ايه اللي حصل

ريم بسرعة ببكاء مصطنع

_صحيت من النوم لقيت الهانم مرات بتقولي روحي اعمليلي اكل وروقي اوضتنا  ولما موافقتش طبعا لقيتها قالتلي ان هي بقيت مراتك وصاحبة البيت وكلنا خدامين عندها ولازم ننفذ كلامها ولما قولتلها مفيش الكلام ده وفارس مش هيرضى بحاجه زي كده اتعصبت وعملت فيا كده

بص فارس لعلياء واتكلم بإستفهام

_ايه اللي حصل ياعلياء

علياء بصدمه من شرها 

_البني آدمه دي كدابة..اللي حصل عكس كل اللي قالته طبعا وهي اللي قالتلي كده مش انا اللي قولتلها

فارس بص لريم بغضب وحدة

_وانا مصدق كلام مراتي طبعا وواثق انها مستحيل تعمل كده

واكبر دليل على كلامي ده انك اتبليتي عليها قبل كده واتهمتيها بالسرقه انتِ وامك 

ف مش هستغرب انك ممكن تعملي كده في نفسك عادي

شريف بص لريم بتفحص واتكلم بحدة

_انتِ اللي عملتي كده في نفسك ياريم؟

ريم بتوتر وبكاء مصطنع

_وهو..وهو انا مجنونة يعني علشان اعمل في نفسي كده

ولا انت يافارس علشان بتحب مراتك ف هتشوفها ملاك بجناحين وهتصدق اي حاحه تقولها

فارس بحدة

_انا مراتي مش ملاك طبعا واكيد بتغلط..بس مهما كانت غلطاتها مستحيل تفكر تأذي بني آدم

لكن انتِ بعد عملتك السودا واتهمها بالسرقه نتوقع منك تعملي اي حاجه

اتوترت نظراتها اكتر وميرفت بصتلها بشك وعرفت ان بنتها هي اللي عامله الحوار ده كله

اتدخلت بسرعه وهي بتسحبها لأوضتها

_خلاص يبنات ده انتوا اخوات والشيطان دخل بينكم اكيد..تعالي ياريم اوقفلك ال.دم اللي بينزل منك ده 

شريف بصلهم الاتنين بنفاذ صبر واتأكد ان ده ملعوب من ريم وخاصة بعد رد فعل ميرفت الهادي ده

 بص لعلياء بأسف على وقوعها مع العيلة دي ودخل اوضته يكمل لبس

فارس بص لعلياء واتكلم بإعتذار

_انا بجد مش عارف اقولك ايه...انا اسف جدا ياعلياء على اللي عملته ريم

علياء بهدوء

_وانت ذنبك ايه يعني يفارس

السؤال هنا هي ليه عملت كده ومصلحتها ايه

فارس بحيرة

_مش عارف...تفتكري عايزاني ابقى مع نور

_مظنش...بس انا حاسه ان ريم وراها سر كبير علشان كده بتتصرف بالطريقه دي 

_علياء انا مبقتش مآمن عليكي هنا..انتِ كان معاكي حق تعالي ارجعلك بيتنا تاني وفكك من الموضوع ده

_لأ يافارس..انا عايزة ابقى هنا واعرف ريم وراها ايه

_ملكيش دعوة انتِ بالحوارات دي ياعلياء وانا هتصرف معاهم..ابعدي عنهم علشان متتأذيش اكتر من كده

علياء برفض

_فارس علشان خاطري خليني هنا معاك..انا مش عايزة ابعد عنك..وبعدبن محدش هيقدر يأذيني طول ما انت معايا..صح

فارس بصلها بإستسلام

_طيب يا علياء براحتك

علياء ابتسمت وحضنته بحب

_شكرا انك صدقتني

فارس بضحك

_لأ هو المفروض انا اللي اشكرك علشان مفتح.تيش دماغها بجد ومسكتي اعصابك

_____________________

_ها طمنيني رد فعله كان ايه..ضر.بها صح

سألت السؤال ده نور وهي بتكلم ريم في التليفون

رديت ريم بتردد شديد

_بصي هو..هو اه ضر.بها وكان هيطلقها بس بابا اتدخل ومنعه

نور بشك

_ريم..قولي الحقيقة احسنلك علشان منفذش اللي قولتلك عليه

ريم بخوف

_صدقيني ده اللي حصل...انا عملت اهو اللي قولتيلي عليه امسحي بقا الفيديوهات بتاعتي مع شادي علشان خاطري يانور...بابا وفارس لو شافوها هيق.تلوني

نور بكدب

_حاضر..همسحها بس تقوليلي الحقيقه

_صدقيني ده اللي حصل..فارس وعلياء حصل بينهم مشكله كبيرة بعد ما عملت اللي قولتيلي عليه

_طيب..اقفلي دلوقت

_هتمسحي الفيديوهات

_اه سلام

بعد ما قفلت معاها ابتسمت بخبث وشر

_قال امسح الفيديوهات قال

ده الكرت الذهبي اللي هلعب بيه على فارس 

بس الاول اتأكد اذا كان فعلا كره علياء ولا لسه

__________________

آخر اليوم فارس كان طالع بيتهم ولقى شقة عمه بتتفتح ونور بتسحبه لجوا وبتقفل الباب وهي بتبتسم بدلع

_وحشتني

يتبع.....

_علياء انا... انا شايف ان احنا نبعد عن بعض شوية وننفصل

علياء بصدمة وزهول

_ايه..لأ معلش قول اللي انت قولته ده تاني يمكن سمعت غلط ولا حاجه

اتنهد فارس بحزن واتكلم من غير ما يبص في عنيها

_عارف ان الموضوع صعب عليكي زي ما صعب عليا فوق ما تتخيلي

بس صدقيني ده حل مؤقت واقسم بالله هعوضك عن كل لحظه خليتك حزينه فيها

علياء اتعصبت جدا واتكلم بدموع

_وهو انت مفكرني لعبة في ايدك بتتحكم فيها براحتك..علياء تعالي ننفصل شوية..علياء تعالي نرجع.. علياء انا هخطب نور تمثيل.. شوية وهتقولي علياء انا هتجوز نور وهخلف منها تمثيل برضو!

_انتِ متعرفيش انا بمر بأيه دلوقت ف مش من حقك تحكمي عليا 

_بتمر بأيه...اعتقد ان من حقي اعرف لأني شريكتك في الحياة واللي يخصك يخصني زي ما اللي يخصني يخصك

بصلها واتكلم بألم

_مش كل حاجه ينفع تتقال ياعلياء..اقولك ايه اقولك ان اخ..

قطع كلامه بسرعه ونفخ بضيق وخبى وشه بإيده الاتنين ووطى راسه

نزلت علياء لمستواه وقعدت قدامه واتكلمت بحنان

_احكيلي يافارس..هتخبي عليا انا يعني!

مش دايما بتقولي اني نصك التاني وانك مبتعرفش تخبي حاجه عليا

ايه اللي حصل دلوقت

بصلها فارس فارس بدموع وعيون حمرا 

_انا اسف يعلياء.. بجد اسف بس مش هقدر اقولك

اعتبريني مكسوف..محروج..قرفان اقول اللي حصل

اي حاجه بس اعذريني لأني بجد مش هقدر

انتفضت بغضب وسألت بحده وشك

_ليه يعني ايه اللي حصل بالظبط..لأ بقا مهو متسبنيش لدماغي

انت لمست نور!!

قام وقف بغضب واتكلم بعصبية

_هو انتِ مبتفهميش!

قولتلك ابعدي عني مش عايز اتكلم 

امشي من قدامي مش طايق اشوف حد وخصوصاً انتِ

رجعت لورا بخوف وصدمه من غضبه وبصتله بدموع وبكاء لأنها كانت اول مره في حياته يكلمها بالطريقه دي

علياء بهمس وحزن

_حاضر يافارس..انا هريحك مني خالص ومش هتشوفني تاني لحد آخر يوم في عمرك

طلعت تجري بعياط من قدامه وفتحت باب الشقه ونزلت

فارس لعن نفسه بغضب ونزل وراها بلهفة وخوف عليها 

اتفتح باب الشقه وطلعت نور وشافت علياء وهي نازله والدموع في عنيها

ناديت عليها بخبث

_علياء..لولو

بصتلها علياء بحده وكره شديد

_عايزة اي مني

مديت نور إيديها لعلياء بسلسله واتكلم بدلع

_اديها لفيرو..اصله كان معايا من شوية ونساها عندي 

يتبع

مديت نور إيديها لعلياء بسلسله واتكلمت بدلع

_اديها لفيرو..اصله كان معايا من شوية ونساها عندي 

_كان ايه يختي!

نور بنفس النبرة

_كان عندي..اصل بابا وماما مش هنا وناديته يقضي شوية وقت علشان كنت خايفه وانا لوحدي.. كلنا وشربنا وهزرنا و..

قطعت كلامها بضحكه مستفزة وهي بتقول

_انتِ فاهمه الباقي بقا يالولو

_علياء.. علياء استني متمشيش

بصيت وراها لقيت فارس

بصتله بغضب ونفور وكملت نزولها ودموعها نازلة  وفارس وراها بينادي عليها

مسك ايديها واتكلم بحدة

_اقفي بقا.. مش هفضل اجري وراكي طول الطريق يعني

شديت ايديها واتكلمت بعياط وعصبية

_عايز مني اي تاني ها..ابعد عني وملكش دعوة بيا وانا هنفذ اللي قولتلي عليه ومش هتشوف وشي تاني 

فارس بأسف وهو بيقرب منها

_علياء انا اسف..والله العظيم مقصدش ولا كلمه من اللي قولتهم من شوية علشان خاطري سامحيني 

اطلعي مش هينفع تمشي لوحدك دلوقت

زقته بعنف

_ابعد عني قولتلك

طول ما انت مش راضي تحكيلي ايه اللي حصل وكنت عند البني آدمه دي ليه مش هرجعلك

نفخ بعنف واتكلم بنفاذ صبر

_حاضر ياعلياء هقولك..بس مش دلوقت..فيه حاجه في دماغي ومش هرتاح غير لو عملتها ومينفعش اقولك عليها لأن ممكن بغلطه منك كل حاجه تبوظ

اديني بس فرصه..فرصه واحده زي ما انا عطيتك قبل كده

علياء برفض

_لأ يافارس..انا مبقتش قادرة استحمل اكتر من كده وكل اللي بيحصل فوق طاقتي

سابته وركبت تاكسي واختفت من قدامه

اتنهد بحزن وتعب وقرر يسيبها يومين لحد ما يرتب اموره ويعرف خطوته الجايه

_دوري في اللعبة جيه يانور..وانا اللي هنهيها 

استعاد قوته ورجع تاني البيت ودخل اوضة نور اللي كانت نايمه في حضن ميرفت وبتعيط ومش راضيه تقول لميرفت على حاجه 

فارس بهدوء

_ماما اطلعي وسبينا لوحدنا شوية

ميرفت بعياط وغضب

_علشان ارجع الاقيك مموتها.لي زي ما كنت هتعمل من شوية 

فارس اتكلم بنفاذ صبر وحاول يمسك اعصابه

_ماما لو سمحتي اطلعي

_مش طالعه قبل ما افهم في اي

_طب معلش ياحبيبتي اطلعي وانا هاجي افهمك كل حاجه

بصيت لريم اللي ساكته بحزن وكسره وطلعت من الاوضه بقلة حيلة

قعد فارس عالكرسي اللي جنب سرير ريم واتكلم بحزن 

_ليه عملتي كده..عملنا فيكي ايه علشان تك.سرينا بالشكل ده

ريم ببكاء وندم

_عارفه اني غلطانه واستحق الد.بح..بس سامحني يافارس..علشان خاطري حاول تسامحني وتساعدني انت اخويا الوحيد ومليش حد غيرك 

فارس بسخرية

_اسامحك!

احمدي ربنا اني سايبك لسه عايشه اصلا

المهم

قوليلي مين القذ.ر ده ومتكدبيش في كلمه علشان الحق اصلح اللي هببتيه

_شادي سلطان..كان معايا في الكلية واتجوزنا عرفي 

_والورق معاه طبعا

هزيت دماغها بكسرة واتكلمت بقهر

_ومن ساعتها وهو مختفي ومعرفش عنه حاجه..ومن شهر بعتلي فيديوهات وقالي احوله فلوس يإما ينشرها في كل حته

_ونور عرفت منين

_انا اللي استنجدت بيها تساعدني..اخدت مني تليفوني وقالتلي هتحل الموضوع

فارس بسخرية

_هتحل الموضوع اه ومالو

الهانم بتهددن.ي بيهم هي كمان

قوليلي اي زفت مكان كان بيروحه او كنتي بتقابليه فيه

ريم عطيته العنواين اللي تعرفها وفارس سابها ومشي من قدامها قبل ما يتجنن عليها تاني

عديت فترة وفارس مشغول جدا في محاولة انه هو يلاقي شادي بمساعدة ظابط صاحبه

وفي يوم علياء كانت قاعده في بيتهم القديم

لقيت الباب بيخبط وشافت آخر حد توقعت انها تشوفه

_ريم !

ريم وهي بتمد ايديها لعلياء بكارت وبتتكلم بحزن

_نور بعتالك ده..كارت دعوة على فرحها هي وفارس

يتبع..

_نور بعتالك ده..كارت دعوة على فرحها هي وفارس

اخدت علياء منها الكارت بإبتسامه ساخره وحزينه 

_هي وصلت بيهم البجاحه للدرجادي!

ريم بنبرة حزينه

_صدقيني فارس بيعمل كده علشان ينقذني من شرها..فارس ملوش ذنب في اي حاجه

علياء بعدم اهتمام مصطنع

_صدقيني مبقاش يفرق معايا..ربنا يهنيهم وكده كده انا هطلق من اخوكي برضاه او غضب عنه وكفاية قلة قيمة لحد كده

_هتتنازلي عنه وعن حبكم بالسهولة دي

_عايزاني اعمل ايه يعني..اروح اقوله متتجوزش ابوس ايدك!

هو اللي اتخلى عني وطلعني من حياته ومرضاش يحكيلي ايه اللي بيحصل معاه وسابني عايشه في حيرتي وشكوكي

وانا خلاص مبقتش قادرة استحمل اكتر من كده واحسن حل لينا الطلاق

_روحي اتكلمي معاه لآخر مره.. هو بيعمل كده علش..

قاطعتها علياء بحده

_مش عايزة اعرف حاجه يا ريم لو سمحتي

ايا كان السبب مش من حقه يتجوز عليا

بعد اذنك

قفلت الباب في وشها ومشيت ريم وهي حاسه بالندم وبتأنيب الضمير لأنها السبب في تدمير علاقتهم

وقعدت علياء عالأرض بإنهيار وبكاء وهي مش مصدقه انه قدر يعمل فيها كده ويتجوز عليها

_هدفعك تمن كل ده يافارس...هدفعك تمن حرقة قلبي ودموعي اللي مبقتش تنشف بسببك

___________________

قبل الفرح بيوم فارس كان واقف في مول مع نور اللي مشغوله في اختيار لبس ليها

_الشقه دلوقت فاضيه اطلع بسرعه

_يابني آدم عايز تحولني من ظابط محترم لهجام

_سراج متعصبنيش..انجز واخلص انا عاصر على نفسي شوال لمون ومستحمل اني اخرج معاها ف انجز

_طيب يافارس لما نشوف اخرتها معاك

_اطلع وانا معاك عالتليفون اهو 

_بس على فكرة عماد المرشدي مش بالغباء اللي يخلي ورق زي ده في بيته 

_ياسيدي حاول انت بس تتصرف وتجيب اللاب توب بتاعها وتمسح من عليه كل حاجه الاول لأن ده الاهم

_ماشي..اقفل طيب دلوقت وهتصل بيك تاني علشان اعرف ادور براحتي

طلع سراج البيت وفتحه بسهوله بأداة معاه

ودخل وفضل يدور على اللاب لحد ما لقاه ومسح كل البيانات اللي عليه 

ودور على ورق يخص عماد في كل حته وملاقاش

نفخ بضيق وقرر انه يطلع من البيت لكن لفت انتباهه برواز متعلق على الحيطه بطريقة غريبه 

قرب من عليه وشاله لقى وراه خزنه...ابتسم بخبث 

_يا ابن القديمه يا عماد يامرشدي

حاول يفتح الخزنة لحد ما اخيرا فتحها ولقى فيها الورق اللي عايزه فارس ومعاه ورق تاني خلاه يبرق عنيه بصدمة وزهول

_________________________

يوم الفرح 

كان معظم رجال الاعمال واكبر تجار في البلد موجودين 

وفارس كان واقف مستني نور تنزل هي وابوها 

وواقف جنبه سراج وكانوا بيبتسموا بمكر وخبث لبعض

_هياخدوا اكبر خازوق في حياتهم دلوقت

_يستاهلوا.. الاتنين طلعوا اقذر من بعض وفضيحتهم هتبقى بجلاجل 

_ولاد حلال ويستاهلوا كل خير

بس انت متأكد يافارس من الخطوه دي

بصلوا واتكلم بقسوة

_طبعا..اللي عملوه مش شوية وده اقل عقاب ليهم..انا عايزها تيجي علشان ننفذ اللي اتفقنا عليه واخلص بقا من الحوار ده واروح لمراتي اصال....علياء!

قالها فارس  بصدمه وهو شايف علياء واقفه وبتراقبه من بعيد بكره ودموع 

قرب ناحيتها بسرعه وسحب ايديها وطلع من القاعه واتكلم بسعادة

_كويس انك جيتي علشان تشوفي اللي هيحصل فيهم دلوقت

_طلقني

قالتها علياء بكره وقسوة

رد فارس بهدوء

_علياء اهدي وافهمي انا عملت كل ده ليه الاول..انا كنت عامل خطه عليهم علشان اخلص منهم والنهاردة هفضحهم قدام ال..

_بقولك طلقني مش عايزة اسمع منك حاجه..انت كداب..انت لسه بتبرر!

لابس بدلة فرحكم وكمان بتبرر ده غير صوركم على الانستجرام امبارح وانتوا خارجين مع بعض.. لسه هتكدب عليا وتغفلني برضو..فيه حد بيكره حد يخرج معاه ويتصور كمان

_اوكي..انا عارف اني غلطت اني محكتلكيش حاجه عن اللي بعمله لكن صدقيني انا كنت بحميكي وبخليكي بعيدة عنهم وعن شرهم

انتِ متعرفيش هما طلعوا ايه دول..

قاطعته وهي بتطلع سكي.نة من شنطتها وبتحطها على رقبتها بإنهيار وبكاء وبتتكلم بصراخ

_طلقني يافارس...قسما بالله لو ما طلقتني همو.ت نفسي...طلقنيي

_انتِ طالق

قالها بصراخ وخوف وهو شايفها بدأت تعو.ر نفسها

يتبع...

_انتِ طالق

قالها بصراخ وخوف وهو شايفها بدأت تعو.ر نفسها بالسك.ينة اللي في ايديها

نزلتها وبدأت تتكلم بدموع وحزن

_انا بكرهك..بقيت بكرهك من كل قلبي بسبب كل اللي حسيت بيه الفترة اللي فاتت بسببك

واوعدك اني هكس.رك زي ما كسرتني يافارس

وهخليك تحس بكل اللي انا حسيته ده

_برافو عليكي..تاني مره بتأدي دور الضحية المظلومه وتطلعيني شيطان ابن كل.ب بإحترافية

_اه وانت انت المظلوم بقا..يا اخي ده انت بجح بجاحه..انت مش شايف انت فين وبتعمل ايه

انت بتتجوز!

فارس كان هيصرخ ويقولها ان كل ده تمثيل وهيخلص دلوقت

كان هيقولها بطلي تظلميني..كان هيقولها انه بيعشقها ومستحيل يقدر يلمس ست غيرها في حياته

لكن لقى نفسه لسانه اتربط وكره شعور الظلم للمرة التانية

عارف انه غلطان بس كان هيقولها ايه!

يقولها حاجه تمس اخته وممكن في يوم من الايام تعايرها بيها وتعايره هو شخصياً

_فارس...تعالى بسرعة 

بص فارس لسراج وهز راسه بموافقه

_ماشي ياسراج ثواني

ورجع بص لعلياء واتكلم بوجع 

_مش خلاص اتطلقتي وحققتي اللي جايه علشانه ومسمعتيش مني حاجه

مع السلامه ياعلياء

_روح اكتب كتابك عليها يلا

فارس بقسوة اكتسبها منها

_والله بقا حاجه متخصكيش..مش خلاص حكمتي عليا وطلعتيني خاي.ن وزباله..باي يالولو

سابها ومشي من قدامها ونزلت دموعها بعنف ومشيت من المكان كله

مش هتستحمل تدخل وتشوف اللي بيحصل وهو في حضن واحده تانيه

بيتهمها انها ظلماه!

واقف في فرحه على اكتر انسانه بتكرها في الدنيا ومش ناقص غير يكتبوا كتابهم وتبقى مراته وبيقول انها ظلماه!

_____________________

نور كانت واقفه في ايد ابوها وبتبص لفارس وبتبتسم بغرور وانتصار

لكن اختفت ابتسامتها دي تدريجيًا لما لمحت ريم واقفه وجنبها شادي وايدهم في ايد بعض

رجعت بصيت لفارس تاني اللي ابتسم بمكر رغم وجعه من علياء وعدم صبرها عليه

قرب منهم وهو ماسك مايك في ايده واتكلم بشماته

_قبل ما الفرح يبدأ حابب اعرف اللي موجودين هنا بحقيقة عماد المرشدي وبنته واسيبكم تحكموا..هل دول ينفع اناسبهم..ولا مكانهم في السجن 

مبدأيا كده استاذ عماد المرشدي رجل الاعمال المعروف من اكبر تجار المخد.رات في البلد 

وبنته دراعه اليمين في كل حاجه 

ومش بس كده..ده بجاحتهم وصلت ليهم انهم يهددوني بأبويا وانهم هيسجنوه لو متجوزتش نور هانم

وبص لصحاب نور اللي من نفس طبقتها ونوعها واتكلم بسخرية

_يرضيكم يبنات تهددني علشان اتجوزها

تؤ تؤ تؤ 

طب فين كرامتك 

هو للدرجادي مش لاقيه حد يعبرك يانور هانم علشان تجبري واحد يتجوزك!

كل النظرات اتوجهت لنور وعماد بإشمئزاز وسخرية وشماته

_وكانت بتكدب علينا وتفهمنا انه بيعشقها وخاتم في صباعها

_احسن تستاها الفض.يحه دي..بجد بني آدمه مغرورة اوي وكانت عايشه الدور علينا

سمعت نور صحابها وهما بيتكلمو

بصيت لفارس بكره وحقد

_هدمر.ك هد.مرك يافارس 

قرب منها واتكلم بإبتسامه وبرود وهمس 

_كل الفيديوهات اللي معاكي لنور انا مسحتها

واتكتب كتابها على شادي وبقيت مراته وسترت اختي

والورق اللي مع ابوكي مسكته وول.عت فيه 

ومش بس كده.. لقيت ورق يوديكم في ستين داهية

هتدمر.يني ازاي بقا..هتحاربيني بالروچ..ولا هترمي عليا ايلاينر يجيب اجلي

مهما عملتي ومهما مكرك وخبثك وصل

هتفضلي برضه صرصار قدام فارس المرشدي..وهفعص.ك برجلي انتِ والقر.ني اللي جنبك

شاور فارس لسراج اللي دخل بالعساكر واخد عماد اللي مقدرش يتكلم من الصدمه ونور اللي بتبصلهم كلهم بحقد وكره وبتتوعدلهم 

بعد ما مشوا كلهم اتكلم فارس بإبتسامه

_اعتبروا اللي حصل ده محصلش وهقولكم خبر حلو

نور اختي اتجوزت من حب عمرها اخيرا والفرح كان عائلي

باركولها

بدأت المباركات تنهال على ريم وشادي اللي أثار الض.رب على وشه واكيد طبعاً عارفين مين اللي عمل كده

وبعد ما المعازيم مشيت فارس مسك شادي من رقبته واتكلم بكره

_طلقها..طلق اختي يا *** وقسما بالله لو لمحتك في المحيط بتاعها من تاني هد.مرك

____________________

عدى اسبوع وفارس مش عارف يتخطى اللي حصل وانه علاقته انتهت بعلياء

بيحاول يبان قاسي ومش هامه حاجه لكن من جواه حاسس بضياع كبير

باب بيته خبط بعنف راح فتح 

لقى مريم اختها واقفه وبتعيط وبتبصله بلوم

_في اي يامريم

_علياء فين...اختي فين بقالها اسبوع مرجعتش البيت وانت السبب

يتبع...

_علياء فين...اختي فين بقالها اسبوع مرجعتش البيت وانت السبب

قالتها مريم ببكاء شديد لفارس اللي اتصدم لما عرف واتكلم بملامح شاحبه

_ده اللي هو ازاي يعني!

راحت فين

_بتسألني انا !

المفروض مين يسأل التاني هي مراتك ولا مراتي

_اختك اتطلقت مني 

مريم بصدمه 

_اتطلقت !

طلقتها يافارس!

ازاي قدرت تعمل كده دي روحها فيك 

اكيد عملت حاجه في نفسها

اكيد جرالها حاجه

لما سمع فارس الكلام اللي مريم بتقوله اترعب وحس ان روحه بتتسحب منه واتكلم بتوتر وقلق

_لأ ان شاء الله كويسه ومحصلهاش حاجه 

انا هروح ادور عليها في كل حته متقلقيش يامريم

مريم بحده وهي بتمسح دموعها

_بما انك طلقتها يبقى ملكش دخل بيها..انا هدور على اختي وهرجعها 

سابته ومشيت واتنهد بضيق وقلق واخد محفظته ومفاتيح عربيته ونزل يدور على علياء في كل حته لحد ما تعب وركن عربيته جنب كورنيش 

ونزل من العربية وقعد على الكرسي وهو بيبص للنيل بشرود

لمح بنت وولد شكلهم صغير في سن المراهقه ماشيين وهما ماسكين ايد بعض وبيتكلموا بهمس ونظراتهم مليانه حب

ابتسم بحزن وسرح في ذكرياته مع علياء من عشر سنين

Flash back

_علياء..يبنتي اقفي بقا تعبتيني بجري وراكي من حارتكم لحد هنا

بصيتله علياء بضيق طفولي واتكلمت بحده

_لو سمحت يافارس قولتلك ميت الف مره ملكش دعوة بيا

انت عايز الناس لما تشوفني بكلمك يقولوا عليا قليلة الادب يعني

فارس بغضب

_طب خلي حد يقول عليكي نص كلمه واقسم بالله اقطع.له لسانه ده انتِ اكتر بنت محترمه في المنطقه

وكمل بغزل وابتسامه 

_واجمل بنت في المنطقة..وارق بنت في المنطقه..وأكتر بنت كيوت في المنطقه..واجمد

قاطعته علياء بخجل 

_خلاص خلاص اسكت..قولي عايز ايه وبسرعه يافارس بالله عليك علشان مريم بتاخد درس هنا ولو شافتنا هتقول لبابا

عطاها شنطة هدايا كان ماسكها واتكلم بإبتسامة

_خدي ياستي هدية نجاحك في تانيه اعدادي

اتمنى انها تعجبك 

بصيت للهدية بتردد واتكلم فارس بتشجيع

_علشان خاطري خديها ياعلياء..دي اول هدية اجبهالك ومتكسفنيش

_بس هقولهم ايه في البيت

_قوليلهم صاحبتك جبتهالك

خدتها علياء وشكرته بهدوء

اتكلم فارس بحب

_مفيش داعي للشكر..افتحيها وقوليلي رأيك

طلعتها علياء ولقيت دبدوب أبيض صغير وجنبه سلسله وساعة شكلهم رقيق وجميل ومعاهم انواع كتير من الشيكولاتات

ابتسمت بفرحه طفولية وفارس فرح جدا انها عجبتها واتكلم بلهفة

_ممكن اطلب منك حاجه تاني

بصيتله بإستفهام

اتكلم بترجي

_ممكن نقعد مع بعض شويه عالكورنيش هنا

واعزمك على ايس كريم بتحبيه

علياء وافقت بتردد وفارس فرح جدا وجبلها ايس كريم ودرة وحمص الشام وحاجات كتير وفضلوا قاعدين مع بعض بيتكلموا وبيحكيلها عن نفسه ومن هنا ابتدى عشقهم وحكايتهم 

Back

فاق فارس من شروده وهو باصص على صورتهم سوا على تليفونه وهو حاضنها وبيبوسها من خدها ووراهم البحر 

انتبه للأغنية اللي شغاله قريب منه وركز في كلامها وابتسم بسخرية..حس ان كل العالم متفق ضده علشان يزود جرحه

"بسلم عليك علشان لقيتك مرة واحدة وحشتني

بسلم عليك دانت اللي كان حضنك زمان بيضمني

بسلم عليك علشان لقيتك مرة واحدة وحشتني

بسلم عليك دانت اللي كان حضنك زمان بيضمني

صعب عليا أداري حنين عاش جوايا بقالو سنين

نفسي أطمن بيك يا حبيبي و لو مش جاي أجيلك فين

ليل و نهار أنا هستناك قلبي ف نار و الجنة معاك

شوق هيجيني و شوق هياخدني و مش هرتاح غير و نا وياك

بسلم عليييك

بقالك كتير غايب وسايب روحي ليك متشوقة

بقالك كتير و لا انت مش عايز تشوفني خلاص بقي

بقالك كتير غايب وسايب روحي ليك متشوقة

بقالك كتير و لا انت مش عايز تشوفني خلاص بقي

صعب عليا أداري حنين عاش جوايا بقالو سنين

نفسي اتطمن بيك يا حبيبي و لو مش جاي أجيلك فين

___________________________

بعد مرور سنة

قاعد في مكتبه في الشركه اللي عملها بمجهوده وتعبه وقدر ينجحها نجاح باهر

الباب خبط ودخل المساعد بتاعه 

_فارس بيه..بفكر حضرتك بميعاد حفلة وليد متولي النهاردة 

بصله فارس واتكلم بهدوء

_اوكي يا عز...كويس انك فكرتني يدوبك امشي علشان الحق اروحله

عز بتردد

_فيه حاجه كنت عايز اقول لحضرتك عليها

بصله بإستفهام

_لورا حصل عندها مشاكل ومش هتقدر تيجي السيشن بتاع عرض آخر مجوهرات عملناها وكده محتاجين عارضه غيرها

نفخ بضيق واتكلم بعصبية

_وهو مش فيه عقد وزفت يعني.. استغفر الله العظيم يارب.....ماشي انا هتصرف

____________

 بعد شوية دخل فارس فيلا كبيرة مالكها وليد متولي رجل اعمال معروف

اللي اول ما شافه رحب بيه جدا وفضلوا يتكلموا في الشغل

_انا سمعت ان لورا هتنهي العقد معاكم الخبر قالب السوشيال ميديا

فارس برسميه

_عادي مش مشكله..فيه مليون واحده غيرها ينفعوا للعرض مفيش مشكله

وليد بحماس

_انا عندي حتة عارضه زي القمر هتجنن الدنيا بجمالها اول ما تظهر لأنها وجه جديد 

بصله بفضول وكمل وليد بنفس الحماس

_هناديلك عليها وشوف هتنفع ولا لأ

هز دماغه بعدم اهتمام

_علياء...علياء تعالي ثواني 

قلبه دق جدا من الاسم وغمض عنيه بعنف.. مستحيل تكون هي..هي اختفت من حياته خلاص

_نعم ياوليد بيه محتاج حاجه

رفع دماغه وبص بصدمه ليها لما سمع صوتها وشافها قدامه بعد غياب سنه 

اتكلم بصدمه وزهول وهو بيبص لهيئتها الجديده والتغير اللي حصل فيها 

_علياء !!

يتبع

اتكلم بصدمه وزهول وهو بيبص لهيئتها الجديده والتغير اللي حصل فيها 

_علياء !!

ابتسمت علياء ببرود مصطنع رغم شوقها ليه اللي بان في عيونها بس حاولت تداريه

اتكلم وليد بإبتسامه واستغراب

_انت تعرفها يافارس بيه

علياء بتدخل

_كان فيه بينا شغل....وانتهى

فارس بذهول وسخرية

_شغل!

كل اللي بينا كان شغل

_ايه يجماعة بتبصوا لبعض كده ليه..لأ فهموني

_ولا حاجه يا وليد بيه..زي ما قالتلك المدام

وبصلها واتكلم بتريقه

_ولا انسه

_مدام..اصلي مطلقه 

_اممم لأ ربنا يعوضك ويرزقك بالأحسن ياعلياء هانم

ابتسمت ببرود واتكلمت بثقه

_هيعوضني..وقريب اوي يافارس بيه..بعد اذنكم

مشيت من قدامهم وفارس بيبصلها بغضب وبيحاول يمنع نفسه من انه يروح يعاقبها على بعدها عنه وفي نفس الوقت ميطلعهاش من حضنه

مش هيقدر ينكر انه فرح لما شافها بخير..لكن في نفس الوقت مصدوم منها ومن افعالها دي 

حاسس ان مش دي حبيبته البريئه الخجوله واتحولت وبقيت واحده تانيه

فاق من شروده على صوت وليد وهو بيقول

_ايه رأيك فيها

بصله بحده

_رأيي من ناحية اي يعني

_يعني..تنفع ولا لأ للعرض بتاعك

_هي اشتغلت قبل كده في المجال ده

_لأ..دي اول مره ليها..علياء المساعده بتاعتي وانا اللي عرضت عليها تشتغل موديل 

اتنهد براحه وقرر انه يوقفها وميخلهاش تعمل كده 

بس افتكر انها بقيت مش على ذمته وملوش كلمه عليها

الفكرة دي ضايقته جدا ولعن الحظ اللي عمل فيهم كده وبعدهم عن بعض

عنيها جت في عنيه

بصلها بلوم وعشق وغضب

ابتسمت بسخرية من نظراته وبصيتله ببرود وقسوة ولفيت وشها بعيد عنه وكملت كلامها مع زميلتها

_جماعه..طبعا كلكم بتسألوا انا عامل الحفلة دي ليه

اول حاجه بمناسبة ان شركتي اتعاقدت مع شركه من اكبر الشركات في مصر

وهي شركة المرشدي اللي مالكها فارس بيه

كلهم ابتسموا وباركلهم

وكمل وليد كلامه واتكلم بإبتسامة 

_والمناسبه التانيه اني اخيرا لقيت حب حياتي وهتقدملها قدامكم كلكم دلوقت

طلع خاتم من جيبه وقرب ناحية علياء وركع قدامها وهو بيفتح العلبه وبيتكلم بحب

_علياء..تتجوزيني

طلع خاتم من جيبه وقرب ناحية علياء وركع قدامها وهو بيفتح العلبه وبيتكلم بحب

_علياء..تتجوزيني

اتصدمت علياء من طلبه واتوترت جداً وهي بتبص لفارس 

اللي حس انه هيرتكب جري.مة دلوقت وبيبصلهم بغيرة ونظرات نارية 

_احم..وليد بيه..انت..انت فاجئتني بصراحه

وليد بإبتسامه وهو لسه على وضعه:

اقبلي يعلياء..اقبلي وهعيشك اسعد واحده في الدنيا

فارس مقدرش يستحمل اكتر من كده وابتسم  بألم وسخرية وساب المكان كله ومشى وهو حاسس بخيانة وغدر من علياء

حس انه خلاص كده قصتهم انتهت مع بعض واستبدلته بواحد غيره

علياء لاحظته وهو خارج من المكان 

عنيها دمعت ولقيت نفسها بترفض وليد ويتجري من المكان كله بإحراج وحزن 

ووراها ندى صاحبتها

_علياء..استني يبنتي..موافقتيش ليه واخدتي حقك من فارس

علياء ببكاء

_مقدرتش..مقدرتش ياندى ابقى لحد غيره

انا لسه بحبه وعمري ما نسيته ولا هقدر اعمل كده

ندى بحدة

_بس ده خانك ياعلياء..ده اتجوز عليكي وجرحك وكان المفروض ترديله ده النهاردة

مسحت دموعها واتكلمت بهدوء

_النظرة اللي شوفتها منه النهاردة رجعتلي حقي تالت ومتلت

كفاية عليا انه يحس باللي حسيت بيه 

ويعرف هو عمل معايا ايه كويس 

ندى بإستسلام

_ماشي ياعلياء لما نشوف اخرتها معاكي

حاولت تبتسم واتكلمت بحب

_شكرا ياندى..شكرا انك بتدعميني ووقفتي جنبي لما جيتلك من سنه وساعدتيني اني اختفي من حياتهم واشتغل في شركة وليد

_بتشكريني على اي يبنتي..ده انتي صاحبتي من واحنا لسه في ثانوي...المهم دلوقت خطوتك الجايه ايه

علياء بعدم معرفه

_مش عارفه..مبقتش عارفه ياندى

بس كل اللي عرفاه ان حكاية فارس خلاص انتهت خصوصا بعد اللي حصل النهاردة

ومش هركز غير في شغلي وحياتي وهحاول انسى اللي فات

________________

رجعت علياء بيتها اللي عايشه في لوحدها 

وقعدت عالكنبة بتعب وحزن

لما شافته النهاردة كانت هتهرب وتجري من المكان لكن منعت نفسها في آخر لاحظه وسلمت عليه بكل برود 

مستحيل تنسى اللي عمله معاها

مستحيل تنسى خيانته ليها

لكن قلبها الغبي لسه بيحبه ومستني قربه

اتكلمت بهمس ودموع

_انت السبب..انت اللي وصلتنا لكده

الباب خبط 

فتحت  لقيت نفسها بتتزق بعنف للحيطه وفارس محاصرها وبيتكلم بهمس وغضب

_هو ده انتقامك ياعلياء..انك تروحي لغيري

يتبع..

طلع خاتم من جيبه وقرب ناحية علياء وركع قدامها وهو بيفتح العلبه وبيتكلم بحب

_علياء..تتجوزيني

اتصدمت علياء من طلبه واتوترت جداً وهي بتبص لفارس 

اللي حس انه هيرتكب جري.مة دلوقت وبيبصلهم بغيرة ونظرات نارية 

_احم..وليد بيه..انت..انت فاجئتني بصراحه

وليد بإبتسامه وهو لسه على وضعه:

اقبلي يعلياء..اقبلي وهعيشك اسعد واحده في الدنيا

فارس مقدرش يستحمل اكتر من كده وابتسم  بألم وسخرية وساب المكان كله ومشى وهو حاسس بخيانة وغدر من علياء

حس انه خلاص كده قصتهم انتهت مع بعض واستبدلته بواحد غيره

علياء لاحظته وهو خارج من المكان 

عنيها دمعت ولقيت نفسها بترفض وليد ويتجري من المكان كله بإحراج وحزن 

ووراها ندى صاحبتها

_علياء..استني يبنتي..موافقتيش ليه واخدتي حقك من فارس

علياء ببكاء

_مقدرتش..مقدرتش ياندى ابقى لحد غيره

انا لسه بحبه وعمري ما نسيته ولا هقدر اعمل كده

ندى بحدة

_بس ده خانك ياعلياء..ده اتجوز عليكي وجرحك وكان المفروض ترديله ده النهاردة

مسحت دموعها واتكلمت بهدوء

_النظرة اللي شوفتها منه النهاردة رجعتلي حقي تالت ومتلت

كفاية عليا انه يحس باللي حسيت بيه 

ويعرف هو عمل معايا ايه كويس 

ندى بإستسلام

_ماشي ياعلياء لما نشوف اخرتها معاكي

حاولت تبتسم واتكلمت بحب

_شكرا ياندى..شكرا انك بتدعميني ووقفتي جنبي لما جيتلك من سنه وساعدتيني اني اختفي من حياتهم واشتغل في شركة وليد

_بتشكريني على اي يبنتي..ده انتي صاحبتي من واحنا لسه في ثانوي...المهم دلوقت خطوتك الجايه ايه

علياء بعدم معرفه

_مش عارفه..مبقتش عارفه ياندى

بس كل اللي عرفاه ان حكاية فارس خلاص انتهت خصوصا بعد اللي حصل النهاردة

ومش هركز غير في شغلي وحياتي وهحاول انسى اللي فات

________________

رجعت علياء بيتها اللي عايشه في لوحدها 

وقعدت عالكنبة بتعب وحزن

لما شافته النهاردة كانت هتهرب وتجري من المكان لكن منعت نفسها في آخر لاحظه وسلمت عليه بكل برود 

مستحيل تنسى اللي عمله معاها

مستحيل تنسى خيانته ليها

لكن قلبها الغبي لسه بيحبه ومستني قربه

اتكلمت بهمس ودموع

_انت السبب..انت اللي وصلتنا لكده

الباب خبط 

فتحت  لقيت نفسها بتتزق بعنف للحيطه وفارس محاصرها وبيتكلم بهمس وغضب

_هو ده انتقامك ياعلياء..انك تروحي لغيري

يتبع..

فتحت  لقيت نفسها بتتزق بعنف للحيطه وفارس محاصرها وبيتكلم بهمس وغضب

_هو ده انتقامك ياعلياء..انك تروحي لغيري

بعدته عنها لتوتر واتكلمت بحدة

_انت..انت عرفت مكاني منين

فارس ببرود

_راقبتك

_وعايز ايه مني..انت مفكر نفسك انك لسه في دماغي وبعمل كده علشان انتقم منك!

انت ولا حاجه بالنسبالي يافارس

رغم انه كلامها وجعه اوي بس دارى ده واتكلم ببرود وقسوة

_وانتِ مفكره انا جايلك دلوقت علشان اخدك في حضني ونطلع على اقرب مأذون ارجعك واقولك تعالي ياحبيبتي ننسى اللي فات ونبدأ صفحة جديدة

انا بقيت بكرهك ياعلياء وبكره نفسي لأني حبيتك في يوم

ابتسمت بألم واتكلمت بدموع

_طبعا.. اكيد مراتك اخدت مكاني في قلبك 

بصلها بإستغراب واتكلم بعدم فهم

_مراتي مين

علياء بغيرة وحقد

_نور هانم..اللي طلقتني علشانها

سند على الترابيزة اللي وراه وربع ايده وبصلها واتكلم بسخرية

_اللي طلقتك علشانها..يعني مش علشان رفعتي السكي.ة على رقبتك زي المتخلفين عقليا تؤ تؤ علشان نور 

انتِ مريضه ياعلياء وخيالك مريض اكتر منك

علياء بحدة

_احترم نفسك لو سمحت

_ولا احترم ولا محترمش..انا كده كده جاي اقولك كلمتين وامشي ومش عايز اشوف وشك في حياتي تاني

مبدأيا كده انتِ لو كنتي كلفتي نفسك وقريتي اي جرنال من الشارع او حتى فتحتي أي ابلكيشن كنتي هتلاقي خبر ان نور وعماد اتسجنوا وان انا اصلا متجوزتش نور وفضحتها قدامهم كلهم 

لو كنتي صبرتي خمس دقايق بس كنتي هتشوفي ده بعنيكي 

بس انتِ كنتي بايعه وعايزة تسبيني بأي طريقة

متنكرش علياء صدمتها من اللي قاله بس اتكلمت برضه بحزن ولوم

_كنت بايعه!

انا كنت كل اللي طالباه تفهمني فيه اي

تحكيلي الحقيقه وتقولي لي قربتلها تاني

كنت مستني مني ايه وانت بتقولي محروج ومكسوف انك تحكيلي حقيقة الحصل وفي نفس الوقت نور تقولي خدي السلسلة بتاعة جوزك اصله كان عندي من شوية وكنا لوحدنا وقضينا وقت مع بعض!

وبعدها بكام اسبوع الاقي فرحكم اتعمل !

بذمتك ياشيخ لو مكاني هتفهم ايه

_اني خونتك صح..اني غلطت مع نور وعلشان كده بصلح غلطتي بأني اتجوزها

ده اللي عقلك وصله

_كان ممكن بكلمه منك شكوكي دي كلها تروح

انك تقولي حقيقة اللي حصل

_ميخصنيش..الموضوع مكنش يخصني ياعلياء علشان اقدر احكيهولك

ابتسمت بسخرية

_يبقى متتكلمش عن الثقه بقا طالما مش واثق فيا

اتنهد بتعب وقام وقف واتكلم بجدية

_طيب..انا عرفتك اللي حصل وكده انا عملت اللي عليا..مبروك يا علياء هانم على خطوبتك..سلام

كان هيمشي بس منعته بغضب ودموع

_استنى..متلومنيش بقا على رد فعلي لما سيبتك واتهمتك انك بعدتني عنك  علشان تتجوز نور وانت بتعمل نفس اللي انا عملته 

_قصدك ايه..انتِ رفضتي وليد 

_حاجه متخصكش بقا

هز دماغه بتأكيد على كلامها واتكلم بإبتسامه وألم

_فعلا..حاحه متخصنيش

المفروض يبقى عندي دم وابعد عنك وكفاية جرح وقلة كرامة

كل اللي خدته منك قلة ثقة وتشكيك فيا طول الوقت وتهور وغبا.ء

وانا كل اللي قدمتهولك حب ودعم وكنت مستعد ابيع العالم كله علشانك ومكنتش مستني منك مقابل

انتِ متعرفيش انا كنت بتعذب ازاي كل يوم وانا مش عارف انتِ حية ولا ميتة ولا عارف مكانك

كنت بموت من تأنيب الضمير 

واتاريكي عايشه ومبسوطه وبتشتغلي كمان ومطلعاني من دماغك وانا الوحيد اللي بتعذب

انا الوحيد اللي كنت بحاول انجح علاقتنا وانتِ كنتي بتهدميها بمنتهى البساطه

بس كفاية لحد هنا

سلام

مشى فارس من قدامها وحزن الدنيا كله فيه لأن اتجددت جروحه منها 

قعدت عالكنبة ونزلت دموعها في صمت

ومبقتش عارفه مين فيهم اللي غلطان

ومين السبب في ان العلاقه دي تنتهي

الباب خبط تاني بس بعنف 

فتحت بخضه لقيت وليد واقف قدامها وشكله مش طبيعي وحسيت انه شارب حاجه

اتكلمت بخوف

_و..وليد بيه..في حاجه

وليد بغضب وعدم وعي

_فارس المرشدي كان نازل من عندك ليه ياعلياء

وكمل بوقاحه

_مش تقولي طيب انك ليكي في الش.مال 

علياء بغضب

_انت بني آدم مش محترم واتفضل من هنا

كانت لسه هتقفل الباب في وشه بس منعها ودخل الشقه وقفل الباب وشدها من شعرها بقوة 

_انا هوريكي اللي مش محترم هيعمل ايه

وهاخد منك اللي انا عايزه من اول ما شوفتك يالولو

_انا هوريكي اللي مش محترم هيعمل ايه

وهاخد منك اللي انا عايزه من اول ما شوفتك يالولو

خافت علياء منه جدا وجريت من قدامه بسرعه على اوضتها وقفلت الباب 

ضحك وليد بسخرية عليها وراح ناحيتها واتكلم من ورا الباب

_بقا كده يا علياء..بتهربي مني

هو فارس دفع كتير علشان كده مش عايزة تخونيه ولا ايه

علياء ببكاء وصراخ

_اخرس ياحقي.ر ده كان جوزي..اطلع بره..اطلع بره ياوليد

وليد بحدة

_مش طالع غير لما انفذ اللي في دماغي

علياء مبقتش عارفه تعمل ايه وحطيت كرسي ورا الباب 

و مسكت تليفونها بسرعه وفكرت انها تبلغ البوليس بس هياخد مده عقبال ما ييجي

افتكرت ان فارس لسه نازل واكيد مبعدش عن البيت

كتبت رقمه بسرعه ودعت ربنا انه يكون مغيرهوش

_____________

فارس كان راكب عربيته ولقى اتصال من علياء

نفخ بضيق وفكر ميردش 

بس بعدها فتح المكالمة بتردد

_عايزة اي

_فارس الحقني.. وليد... وليد بيته.جم عليا وبيحاول يكسر الباب

وقف العربيه بعنف واتكلم بخوف وقلق عليها

_ده نهار امه اسود..متقلقيش انا جايلك 

واهبديه بأي حاجه على نفوخه عقبال ما اجي 

ساق بسرعة البرق وعلياء معاه على التليفون بيحاول يهديها لحد ما صرخت جامد والمكالمه قطعت

اتوتر اكتر وزاد السرعه لدرجة انه حس ان العربية طايرة على الاسفلت

_هقتل.ك ياوليد..وحياة امي ما هسيبك

_____________

عند علياء وليد قدر انه يكسر الباب وصرخت بخوف وخضه ووقع التليفون من ايديها

اتكلم بإبتسامه ووقاحه

_خضيتك ياروحي...معلش انا هنسيكي كل حاجه دلوقت

_ابعد عني ياحيو.ان يامريض

اتعصب جدا وقرب منها وهو بيشدها من شعرها

_بقولك اي يابت بطلي تعيشي عليا دور المحترمه انتِ خلاص اتكشفتي قدامي

انا كنت جاي زي الحمار احاول افهم رفضتيني ليه واقنعك تتجوزيني

لكن لقيتك ش.مال ومقضياها 

ضربته بالقلم بعنف وغل 

_ابعد عني 

حط ايده على خده بغل وحقد وقرب منها وردلها القلم بعنف اكبر لدرجة انها وقعت على الارض وفقدت الوعي 

ابتسم بخبث وبدأ يفتح زراير القميص بتاعه 

سمع صوت تكسير باب الشقة وبعدها دخل فارس الاوضة وبص لعلياء اللي فاقدة الوعي برعب وبعد كده بصله بغضب جحيمي

_انت عملت ايه يا ابن ال*** 

قرب منه ولك.مه بغضب ردله وليد الضر.بة

_ايه زعلت اوي عليها..ما هي عشيقتك بقا 

مسح فارس الد.م من على شفايفه واتكلم بإبتسامه مجنونه

_طب تعالالي بقا ياروح امك

بعد ما فارس ط.حن وليد اخد علياء بسرعه المستشفى 

وبعد فترة فاقت وبصتله برعب وبكاء واترميت في حضنه

اتكلم فارس بحنان وهمس

_ششش اهدي..ملحقش يعملك حاجه

علياء ببكاء

_كان...كان

قاطعها بهدوء

_خلاص ياعلياء اهدي انتِ كويسة

دخلت الممرضه ووجهت كلامها لفارس

_الدكتورة عايزة حضرتك

بصلها بإستغراب وهز فارس دماغه بموافقه

وطلع معاها

ودخل مكتب الدكتورة وقعد قدامها واتكلم بقلق

_خير يادكتور

الدكتورة بعمليه

_خير ان شاء الله...طبعا انت عارف ان المدام فقدت الوعي علشان وقعت على دماغها

علشان كده احنا عملنالها اشاعه علشان نتطمن عليها ، وللأسف لقيت حاجه غريبه في الاشاعه

انا شاكه يكون عندها ورم في المخ 

يتبع..

_انا شاكه يكون عندها ورم في المخ 

حس ان جردل مايه اتكب عليه في عز التلج وهو بيسمع اللي الدكتورة قالته

اتكلم بصعوبة وصدمة

_ورم في المخ!

_للأسف..واحتمال كبير جدا كمان

بس مش عايزة حضرتك تقلق خالص لأن الطب اتطور وان شاء الله هنحاول نحل الموضوع

فارس بص قدامه بصدمه وحزن وحس انه مش قادر يقوم من مكانه

تقريباً ده اكتر خبر مُفجع وصادم اخده في حياته

رجع بص للدكتورة تاني واتكلم بثبات مصطنع

_مش عايز حضرتك تقولي حاجه لعلياء..انا..انا هقولها بطريقتي

الدكتورة بموافقه

_يبقى احسن علشان صحتها النفسيه

جبلها الموضوع واحده واحده وقبل ما تمشوا من هنا اعملوا الاشاعه ونتيجتها هتظهر كمان كام يوم

هز دماغه بموافقه وطلع من مكتبها وهو مخنوق ومش قادر يتنفس

دخل تاني الاوضه اللي فيها علياء وبصلها بنظرات غامضة بالنسبالها

سألته بإستغراب وقلق

_مالك يافارس..الدكتورة قالتلك ايه

فارس بكدب

_احم..مقالتش حاجه ياعلياء كانت بتسألني شوية اسأله عن اللي حصل ووقعتي ازاي وكده يعني..يلا نمشي من هنا ولا لسه تعبانه

علياء بنفي وهي بتقوم من على السرير

_لأ تمام..بقيت كوي..

قطعت كلامها وهي بتمسك دماغها وحاسه بصداع عنيف ودوخه بسيطه وكانت هتقع بس فارس لحقها

وبصوا في عيون بعض ونظراتهم  اللي اتكلمت

فارس كان بيبصلها بعتاب عن بعدها عنه

وهي بتبصله بخجل انه رغم كل اللي عملته ساعدها للمره اللي متعرفش عددها

فاق وبعد عنها واتكلم بهدوء

_انا بقول تفضلي هنا شويه كمان..شكلك مرهق جدا

هزيت دماغها برفض

_لأ..انا كويسه.

الصداع والدوخه دول عندي بقالهم فترة وباخد مسكنات وبهدى..خلينا نمشي احسن انا بتخنق من المستشفيات

هز دماغه بموافقه

_اوكي..تعالي اوصلك بس قبل ما نمشي هنعمل اشاعه مهمه

بصتله علياء باستغراب وكمل كلامه بتبرير

_يعني علشان نشوف لو الوقعه اثرت على حاجه فيكي

_بس انا عملت اول ماجيت

_معلش ياعلياء زيادة اطمئنان

عملت علياء الاشاعه ونزلت هي وفارس من المستشفى وركبوا عربيته

بعد فترة وقف فارس جنب الكورنيش

بصتله علياء واتكلمت بإستفهام

_وقفت ليه

بصلها واتكلم بإبتسامه

_انا زهقان..تعالي نقعد هنا شوية ونتكلم

بصتله بتردد بس حسيت نفسها هي كمان محتاجه ده 

نزلوا من العربية وقعدوا على السور

 واتكلم فارس بحنين للماضي

_فاكرة المكان ده ياعلياء

ابتسمت بتذكر واتنهدت بشوق

_بداية قصتنا...كنا ساعتها صغيرين وشايفين الحياة وردي وان حبنا هيقدر يتغلب على كل حاجه

وكملت بحزن:

_مكناش عارفين ان الحياة مخبية لينا كوارث وصدمات كفيلة تفرقنا عن بعض

وبصتله بوجع

_وبالفعل ده اللي حصل

بصلها واتكلم بعتاب

_علشان احنا اللي سمحنا ان ده يحصل ياعلياء

سكتت وهو سكت وبصوا قدامهم بشرود

اتكلمت بخجل واحراج

_شكرا يافارس

بصلها بإنتباه وكملت كلامها

_شكرا انك انقذتني من ايدين وليد..انا مش عارفه ازاي اتجرئ وعمل كده

_مفيش داعي تشكريني..وانا لسه حسابي معاه منتهاش 

افتكر مرضها واتنهد بحزن وبصلها بتساؤل

_علياء هو انتِ حاسه نفسك فيكي حاجه

_مش فاهمه..حاجه زي ايه يعني

_يعني..بتحسي بأعراض غريبه بتحصلك

فكرت شويه واتكلمت

_اه..بحس بصداع كل شوية..واول ما اصحى ببقى حاسه بغثيان..بس حاجات طبيعيه يعني من ضغط الشغل 

سكت وغمض عنيه بقهر وحزن واتأكد ان فعلا تعبانه بس مرضاش يقولها غير لما تطلع الاشاعه ويتأكد الاول

_فارس انا اسفه..اسفه عن كل حاجه وعن اني مصبرتش عليك وموثقتش فيك

عارفه ان اسفي ده مش مهم بالنسبالك ومش هيفرق في حاجه بس حاسه اني كنت محتاجه اعتذرلك

انا غبي.ه ومتهورة ومتسرعه ومبفكرش غير بمشاعري وبحط نفسي في مشاكل ومفيش غيرك اللي بتخرجني منها 

 بصلها  واتكلم بجدية وهو مقرر انه ينهي الخلاف اللي بينهم دلوقت حالا ومش هيفكر في اي حاجه غير انه عايزها جنبه وتتعالج وهي في حضنه 

_هو احنا ليه لسه بُعاد عن بعض 

بصتله بإستغراب من كلامه وهي بتمسح دموعها

_هو انت مش لسه قايل من كام ساعه ان خلاص اللي بينا انتهى ومش عايز تشوف وشي تاني وسلام ياعلياء وكل الكلام ده

فارس بزهول مصطنع

_لأ طبعاً محصلش..طب اللهي نور ووليد  يولع.وا في نار جهنم لو قولت كده

ضحكت وسرح فارس في ضحكتها دي ومسك ايديها واتكلم بعشق الزمن مقدرش يمحيه

_انسي كل اللي قولته ياعلياء ، انا عايزك معايا

عايزك في حضني من تاني

ومش مهم اي حاجه 

اللي حصل مكنش غلطك لوحدك..كان غلطي انا كمان 

تعالي نعوض بعض عن الوقت اللي كنا بُعاد فيه عن بعض

تعالي نرجع لبعض ونخلف و...

قاطعته علياء بدموع

_انت تستاهل حد احسن مني...انا خذلتك بدل المره الف

_انا مش عايز غيرك..ومش شايف غيرك اصلا

انا بحبك من ١١ سنة

يعني عمر بحاله

ومهما حصل مبينا هنرجع واحسن من الاول

مسك وشها بإيده واتكلم بحنان

_موافقه ياعلياء..موافقه نرجع وننسى اللي حصل ونداوي جروح بعض

محسيتش بنفسها غير وهي بتترمي في حضنه وبتتكلم بسعاده وفرحه ودموع

_طبعا موافقه..ابقى عبيطه لو رفضت

_وحشتيني اوي ياعلياء..حاسس ان اخيرا روحي رجعتلي تاني

_يبختك يسطا والله ، اوعدنا يارب

بعد عنها وبص للي بيتكلم لقاه طفل متعداش ال١٥ سنه واقف قريب منهم وبيتكلم بإبتسامه سمجه

اتكلم بحده 

_عايز اي يالا امشي من هنا

_مش ماشي..هات رقم اختها الصغيرة الاول ومتبقاش اناني 

نط فارس من عالسور وقرب منه بغضب والولد طلع يجري بضحك 

رجع تاني لعلياء اللي كانت ماسكه ضحكتها بالعافيه وبعدها انفجرت في الضحك

فارس بغيظ

_اضحكي يختي..عجبك اوي اللي حصل يعني

_شكله كيوت اوي 

_كيوت اه..ده عيل سرسجي مشافش بربع جنيه تربيه وعنده جفاف عاطفي من صغره

المهم

تعالي نطلع على اقرب مأذون ارجعك

علياء بإستغراب

_دلوقت!

الوقت اتأخر

فارس بنفي

_متأخرش ولا حاجه انا هتصرف..تعالي بقا

علياء بضحك وهي شايفاه بيسحبها

_استنى يبني..يافارس

_ششش ولا كلمه هنرجع يعني هنرجع

وبالفعل رجع فارس وعلياء لبعض وبقيت على ذمته ورجعوا لبيتهم القديم اللي كان واحش علياء جداً وقضوا مع بعض اسبوع من اجمل ايام حياتهم 

وفي يوم فارس كان في الحمام وعلياء لابسه قميصه وبدور على الحلق بتاعها في كل مكان في الاوضه

لمحت ورق شكله غريب في الدرج

طلعته وفتحته وقريت اللي فيه ودموعها نزلت بصدمه وقهر

وقعدت عالسرير بضعف

طلع فارس من الحمام وهو بيدندن اغنيته المفضله شافها قاعده رمى الفوطه اللي كان بينشف بيها شعره وقرب منها بإبتسامه

_ايه يابيبي اتأخرت عليكي ، مالك مدمعه ليه فيه حاجه..انتِ تعبانه

بصتله واتكلمت بهمس وحزن وهي بتمد ايديها بورق الاشعة ليه

_علشان كده رجعتلي صح...رجعتلي شفقة عليا علشان تعبانه مش كده

يتبع..

_علشان كده رجعتلي صح...رجعتلي شفقة عليا علشان تعبانه مش كده

بصلها بإستغراب من تفكيرها وكملت بدموع وسخرية

_انا برضه استغربت ازاي الدنيا سايباني في حالي كده ومنكدتش عليا..اتاريها محضره مفجأه ليا واني هموت

قرب منها وخدها في حضنه واتكلم بتوتر 

_حبيبتي متقوليش كده.. مش هيحصلك حاجه ياعلياء

هتعملي عملية وهتبقي كويسه

و بعد عنها واتكلم بعتاب

_وبعدين مفكراني رجعتك على ذمتي تاني شفقه!

هو انتِ ليه شايفاني وحش اوي كده

ليه مهما عملتلك مصممه تطلعيني شرير روايتك

مقدرش أنكر ان مرضك ليه دور في ان ارجعلك بس مش شفقه اكيد

كل الموضوع اني خفت عليكي 

خفت تتعبي وانتِ بعيدة عني وملحقكيش

وحبيت اخليكي قريبه مني واعرف اخلي بالي عليكي

وابتسم بمشاكسه

_وبعدين كده كده كنا هنرجع حتى لو متعبتيش

انتِ ملكي ياعلياء..ومش مجرد مراتي بس

انتِ بنتي وصاحبتي وحبيبتي وكل حاجه ليا في الدنيا

ومهما حصل علياء لفارس وفارس لعلياء

صح

هزيت راسها بتأكيد واتكلمت بندم

_انا مش قصدي..انا خوفت لتكون مش عايزني ومش قادر تسامحني واني تقيله عليك

عارفه ومتأكده من جوايا ان ده مش صح وانك بتحبني زي ما بحبك

بس..بس انا عندي تراست ايشوز (مشاكل في الثقة)

ومش ببقى كده معاك بس

انا كده مع اي حد في الدنيا

مش بعرف اثق بسرعه في الشخص اللي قدامي غير بعد معاناة

دايما بتوقع ان الشخص اللي قدامي هيأذي.ني بأي طريقه وببقى مقلقه منه

عارفه ان ده عيب كبير اوي فيا بس صدقني بحاول اتحكم في ده معاك

هز دماغه بتأكيد وضحك

_عارف ياعلياء.. عارف انك عندك تراست ايشوز

ده انا اتبهدلت من الموضوع ده منك

بس محدش فينا كامل

كلنا عندنا عيوب 

وانا اكيد مش هسيبك علشان عيب في شخصيتك...طالما حبيتك يبقى هتقبلك بعيوبك 

انتِ طيبه اوي..وحنينه..وشخصيتك قوية على فكرة

فيكي صفات كتير اوي حلوه ومش علشان عيب فيكي هسيبك

قام وقف واتكلم بإبتسامه

_روحي اغسلي وشك وتعالي 

هزبت دماغها بموافقه ودخلت الحمام وهنا فارس اختفت ابتسامته واتنهد بضيق

مش هيقدر ينكر انه تعب من سوء ظنونها فيه بس في نفس الوقت مش هيقدر يقسى عليها بسبب ده ويعاقبها لأنه عارف حالتها وان تصرفاتها مش هتبقى موزونه الفتره دي بسبب مرضها

كل اللي عليه انه يحتويها ويحسسها بالأمان لحد ما الفترة دي تعدي وترجع احسن من الاول

____________________

عدى شهر وجيه اخيرا ميعاد عمليتها وكانوا في مستشفى كبيرة في البلد 

فارس كان بيحاول يبان قوي قدام علياء اللي مرعوبه ومتوترة جدا وقاعده في اوضه علشان تجهز للعمليات

قرب منها واتكلم بإبتسامه مصطنعه

_يبنتي مالك مرعوبه كده

بصتله واتكلمت بتوتر

_خايفه اوي...حاسه اني مش هكمل وهمو

قاطعها وهو بيحط ايده على بقها وبيتكلم بقلق اكبر

_علياء ابوس ايدك ياشيخه اسكتي انا ماسك نفسي بالعافيه اصلا

تفائلي بالخير هتلاقيه ان شاء الله

وكمل بأمل

_هتقومي منها ياعلياء.. في حاجات كتير معشنهاش لسه مع بعض..انا عايز اكبر معاكي

عايز يبقى عندنا ولاد واحفاد وعيلة كبيره منك

عايز نتخانق تاني ونتعاتب وبعدها نصالح بعض وننسى كل حاجه

حضنته وابتسمت بأمل بسبب كلامه ومسحت دموعها

_ان شاء الله ياحبيبي

متزعلش مني يافارس لو ضايقتك في اي حاجه قبل كده

_مقدرش ازعل منك ياعلياء

ودعته بإبتسامه جميله ومشيت من قدامه مع الممرضه 

قعد قدام اوضة العمليات وكان معاه ميرفت وشريف وريم وسراج اللي مخطوبين من شهر ومريم اخت علياء وجوزها 

مكنش شايف ولا سامع اي حد حواليه

كل اللي كان بيفكر فيه علياء وان العملية تنجح وترجعله

كان حاسس بشعور وحش بس بيحاول يكذب نفسه وبيدعيلها

دموعه نزلت وردد بهمس وامل

_هتبقي كويسه ياعلياء..ان شاء الله هتبقي كويسه ياحبيبتي

بعد كام ساعه طلعوا الدكاترة من اوضة العمليات وفارس قرب منهم واتكلم بقلق كبير

_خير يدكتور..العملية نجحت صح

بصوا لبعض كلهم بنظرات غامضه ورد عليه الدكتور وهو بيقول:

_خير يدكتور..العملية نجحت صح

بصوا لبعض كلهم بنظرات غامضه بالنسباله ورد عليه الدكتور وهو بيقول بإبتسامه:

_العملية نجحت نجاح باهر رغم ان كانت نسبة نجاحها ضعيفة

واضح ان دعواتكم جابت نتيجة الف مبروك

اتنهد براحه وابتسم بسعادة وهو بيشكر ربنا واتلمت عليه كل العيلة وهما مبسوطين ليه ولعلياء

________________________

بعد مرور عشر سنين

فارس كان واقف في المطبخ وحواليه اربع اطفال بنت وتلت ولاد

بص لواحد فيهم واتكلم بغضب

_يا ريان ارحم امي..انت مش واقف تساعدنا في عمايل التورته انت بتاكل مكوناتها من قبل ما تتعمل ياحبيبي

_يابابا مكلتش غير نص الشيكولاته بس وسيبتلكم الباقي

فارس بسخرية

_لا ياحبيبي كتر خيرك..قد ايه انت كريم وبتفكر في غيرك

بصله بتذمر واخد العلبة كلها وطلع من المطبخ

_يبني...يبني تعالى امك زمانها جايه خلينا نخلص

رجع تاني وساعده 

_بابي بص القلب اللي عملته

بص لتمارا بنته الوحيدة وابتسم بحب

_جميل زيك يا قلب بابي

خلص اللي في ايده وبص لأبنه الكبير اللي كان ماسك تليفونه وقاعد عالكرسي

_لؤي سيب اللي في ايدك وتعالى ساعدني

بصله واتكلم بعدم اهتمام

_بابا اقسم بالله انا عاصر على نفسي شوال لمون اصلا وقاعد معاكوا علشان متزعلش

لكن شغل المفاجآت والاحاسيس ده والمشاعر والرومانسيه والكلام ده مبياكلش معايا

لو عايز مقالب اشطا انا معاك 

بصله واتكلم بحسره

_منكوا لله..انت والبقرة اللي مخلفها ريان

والتالت فين بقا

تمارا وهي بتشاور على طفل نايم على ارضية المطبخ

_احمد اهو يابابي

بص فارس وشهق بعنف

_يخربيتك

اطلع يالا انت وهو من هنا مش عايز منكم مساعده..بره

طلع لؤي وهو بيجر احمد اللي لسه نايم رغم كل اللي بيحصل فيه

واخيرا خلص فارس اللي بيعمله واخد التورته وحطها على الترابيزة وبص للمكان برضا

النهارده عيد ميلاد علياء وقرر يعملها مفاجأه مع ولادها 

بعد شوية علياء وصلت من عند اختها وطلعت مفاتيحها وفتحت الباب

لقيت البيت كله ضلمه 

بصيت بإستغراب حواليها وفجأه لفيت النور بيتفتح والمكان كله متزين بطريقه حلوه وتورته كبيره وحلويات محطوطه في النص

وولادها جروا عليها حضنوها بفرحه

_كل سنه وانتِ طيبه يامامي

علياء بسعاده

_وانتوا طيبين ياحبايب قلبي..ايه المفجأة الحلوه دي

لؤي 

_انا اللي زينت المكان

احمد بإبتسامه

_وانا ساعدت بابا في عمايل التورته

ريان بإبتسامه 

_وانا اللي هاكلها معاكي

تمارا بصتلهم بحده

_ياكدابين..والله ما حصل ياماما  انا وبابا اللي عملنا كل ده

بصتلهم كلهم بإبتسامه وحضنتهم

_ربنا يخليكم ليا ياحبايبي..بجد انا اتبسطت اوي انا افتكرتكم نسيته

قرب فارس منهم وبصلها بزعل مصطنع

_طب وبالنسبه ليا مليش حضن زيهم

لؤي بهمس لأخواته

_طب يلا يارجاله احنا دلوقت علشان شكل في خناقه هتحصل 

كلهم جروا بضحك واتبقى فارس وعلياء اللي ابتسمتله بمكر انوثي واتعلقت في رقبته

_انت ليك شكرا تانيه غيرهم

فارس بخبث

_مليش فيه انا عايزها دلوقت زيهم

_طب مش لما ناكل التورته الاول

فارس بثقه مصطنعه

_كده كده هتعجبك..ده كفايه انا اللي عملها

علياء بضحك

_ربنا يستر

_طب انا غلطان

ضحكت بشده وحضنته بحب

_شكرا يافارس..شكرا على كل حاجه بتعملها علشاني

انت مفيش منك اتنين في العالم ده كله

بادلها الحضن واتكلم بإبتسامه

_دي حاجه بسيطه ياعلياء

وبعد عنها وطلع تذاكر من جيبه

_هديتك اهي.. رحلة لفرنسا لكام يوم كده انا وانتِ والجيش اللي خلفناه

علشان عارف انك مش هتبقي مرتاحه وانتِ بعيد عنهم

شهقت بفيحه واتكلمت بسعاده

_ده بجد!

_يلا ياستي اي خدمه

جريت من قدامه لأولادها وهي بتصرخ بسعاده وبتقولهم انهم هيسافروا وشاركوها الفرحه 

فارس وهو بيبصلها بصدمه

_قد ايه انتِ وا.طيه ياعلياء سبتيني وجريتي لعيالك!

استنوا طب اعمل نفسي متفاجئ وافرح معاكم

انضملهم فارس وبدأوا يحضروا شنطهم معادا احمد اللي نام تاني 

وقضوا اليوم في جو اسري سعيد 

تمت