اول رمضان اصومه انا و انت 

= هوا مين ده الى هيصوم من امته وانا بصوم

- وحيات امي لو فطرت لانكد عليك ده اول يوم!!

= وانتي مالك يا سهر ! 

- يبنال!! يا مدب يا قليل الزوق.. خد ياض رايح فين

= وسعي من خلقتي يابت بتعملي اي في بيتنا اصلا

- بساعد طنط فالمحشي 

لف لي بسرعه: اللعب ورق عنب ؟ 

- و بتنجان يا يويو

اتكلم وهو بيسحب مفاتيح عربيتة: ده انا هاجي بدري على كدا بس يارب ميحصلش بلوه فالشغل

- طب وحيااااات امي تاني لو فطرت ما هتدوق منه صباع يا يوسف 

ظهرت ماما قدامي من العدم: هي صح لو فطرت لا انت ابني ولا اعرفك

= انتوا متفقين على امي بقي طب سلام 

طلعت وراه لحد باب الشقه: لو فطرت هعرف يا يوسف

- خشي جوه يابت بأيدك المشمره دي داخله خناقه! 

ادركت ايدي الى كنت بغسل بيها البتنجان وحطتها ورا ضهري

قبل ما ينزل رجع بصلي بتركيز: والكام شعرايه الى طالعين دول لسه متحجبوش؟؟

ضحكت على طريقته جامد فا ركز معايا شوية وبعدين دخلني وقفل الباب و نزل 

- اهااا قد اية ابنك ده جميل وانا بحبه مع انه جحش.

= ايوا مهو يتحب 

- قد اية انتي بتطبلي لأبنك الجحش

= يوسف غلبان اوي وقلبه طيب بس موضوع السجاير وانوه بيفطر ده معرفش ماسكه ليه.

- صحابه الظباط كلهم بيصلوا و بيصوموا محدش بياخد بأيده ليه ده انا فكرت اوصي عليه حد يا ست هدي عشان ياخده لطريق ربنا

= اوعي تعملي كدا يا سهر ، يوسف لو حس اننا بنغصبه هيعاند اكتر انا متأكده ان ربنا هيهديه في يوم وانتي كمان انتي خير لي وهتخدي بأيده

- بس هو يحس على دمه بس

= قال يقولك مش هتجوز ناوي يترهبن الواد

ضحكت: هوقعه بس انتي اصبري 

- تربيتي حببتي 

__________________________

"صلي على النبي 🩷🦋"

- اية يا يوسف باشا 

= خير يا محمد 

- شايفك حاطط السجاير جمبك يعني انت مش صايم ولا اية

حرك عينه بزهق وقال فسره: بدأنا بقي 

= اهو لحد دلوقتي صايم

- وبعد كدا؟ 

= لا مش ضامن لو حد نرفزني السجاير جمبي 

- طيب المياه قاطعه فالمدريه فا..

لاقيته بيطلع مياه و بيفتحها شدتها منه بعصبيه

= مياة؟؟ هتفطر ولا اية انت عبيط يا محمد

بصلي بأستغراب: هو مكنتش هفطر بس مالك اديقت ليه يا يوسف و..

يوسف كمل وابتسم - وانا بفطر صح.. سيبك مني بس انت عمرك ما فطرت و دايما فالسليم وبتقرأ قرآن وتصلي بتعمل اية بالمياه يا نجم

ضحك: كنت هديهالك تساعدني اتوضي بس

- اها اذا كان كدا ماشي 

صبتله مياه و بعد ما خلص كان فيها كتير لسه مسكها وبصلي 

= حظك بقي شوية المياة دول تتوضي بيهم ونصلي كلنا 

ارتبكت: انا ؟ بس..

= بس اية؟ يأخي دي فرصه يمكن تبقي بدايتك الجديده و كمان ادعي ربنا يسترها ف شغلنا. 

هزيت راسي ولكن جوايا سؤال هو ربنا اصلا هيسمعني لما ادعي ولو سمعني! هيستجاب ليا؟! 

خلصنا صلاة وحسيت بسلام نفسي رهيب لفيت لمحمد وطلبت منه نتكلم شوية..

- ها قولي في اية

= انت عارف اني مش بصلي 

- اها يا يوسف ربنا يهديك

= انا بصلي بس كل فين وفين يعني 

- ليه مش منتظم

= مش عارف! بنسي اصلي بحس الموضوع صعب وبحس انوه مش عارف برضو! 

- والله يصاحبي شيطان مش اكتر! 

= هو ربنا ممكن في يوم يسمعني و يسامحني

- اكيد ربنا غفور و رحيم وبعدين ربنا الوحيد الى مستنيك ف اي وقت تروحله صدقني 

قعد شوية مع نفسي اتخنقت وحسيت اني عايز افطر فا فتحت السجاير وشربت منها علطول بدون تفكير وحتي مندمتش! اصل يعني ربنا هيسيب كل الناس ويسمعني انا وهيغفرلي كل الذنوب دي ازاي اصلا! 

روحت البيت بعد الشغل وكان فاضل دقايق والمغرب يأذن دخلت بالسجارة قاصد قدام سهر و ماما 

سهر بصدمه: انت فطرت !!!!!

يوسف رد ببرود: وسعي عشان جعان 

سهر بغيظ بصت لهدي وهي هزت راسها بمعني سيبيه ولكن الاتنين قلبوا وشهم عليه

وبعد الاكل خرج البلاكونه يشرب سجاير تاني فا سهر بصت عليه بغل و راحت ناحيه هدي غمزتلها..

- انا هنزل اجيب السحور 

= بأيدك كده؟ وشعرك ده قولتلك اي عليه

- معلش بقي ربنا يهدي

= لا يحببتي مفيش نزول كدا

- انت فاهم غلط انا بعرفك عشان لو عايز زبادي انا كدا كدا هنزل اصلا 

ضحك بصوتة كله: طب اشطا انزلي 

اتفاجئت من ردة فعله وحاولت تداري:  عايز زبادي؟ 

- لاء. 

امال الغيره بتاعت الروايات فين ؟ قبل ما اخرج من الباب بصيت على شكلي يلهوي رجاصه؟ 

عدلت ايدي و دخلت شعري جوا ونزلت لكن سمعته بيضحك!!! بقي الموضوع كده؟؟ كشفني يعني وعارف اني بضايقه بس؟؟ 

طب وحياااااااات امي لوري امك يا يوسف 

نزلت لعمو الى تحت البيت جبت الفول و الزبادي وطلعت علطول بس قبل ما افتح بالمفتاح سمعت صوت يوسف بيزعق: هوا اية الى مش هتعرفي تقوللها امشي! انتي مش بتطرديها هي عندها بيت تقعد فيه

غمض عيوني بصعوبة اكيد مش بيتكلم عني لاء! 

- ماما سهر مش عيله ونبي ماشي ؟؟ وانا مش عايز اكلمها انا ياريت تتصرفي

مسكت دموعي بالعافيه وبعدين الباب اتفتح فجأه..

يتبع..

- انا هنزل اجيب السحور يا يوسف

= بأيدك كده؟ وشعرك ده قولتلك اي عليه

- معلش بقي ربنا يهدي

= لا يحببتي مفيش نزول كدا

- انت فاهم غلط انا بعرفك عشان لو عايز زبادي انا كدا كدا هنزل اصلا 

ضحك بصوتة كله: طب اشطا انزلي 

اتفاجئت من ردة فعله وحاولت تداري:  عايز زبادي؟ 

- لاء. 

قالت في سرها وهي بتتحرك: امال الغيره بتاعت الروايات فين ؟ قبل ما اخرج من الباب بصيت على شكلي يلهوي رجاصه؟ 

عدلت ايدي و دخلت شعري جوا بسرعه ونزلت لكن سمعته بيضحك وانا بقفل الباب!!! بقي الموضوع كده؟؟ كشفني يعني وعارف اني بضايقه بس؟؟ 

طب وحياااااااات امي تاني لوري امك يا يوسف 

نزلت لعمو الى تحت البيت جبت الفول و الزبادي وطلعت علطول بس قبل ما افتح بالمفتاح سمعت صوت يوسف

 بيزعق

: هوا اية الى مش هتعرفي تقوللها امشي! انتي مش بتطرديها هي عندها بيت تقعد فيه

غمضت عيوني بصعوبة اكيد مش بيتكلم عني لاء! 

- ماما سهر مش عيله ونبي ماشي ؟؟ وانا مش عايز اكلمها انا ياريت تتصرفي

مسكت دموعي بالعافيه وبعدين الباب اتفتح فجأه وكان يوسف قدامي ضحكت بسرعه: وسع كدا وانت زي البغل الفول سخن على ايدي 

اتنهد كأنه بيتأكد اني مسمعتوش اما انا بلعت ريقي وعيوني بتلمع بالدموع وبتلاشي النظرات لطنط هدي 

- انت رايح فين مش هتتسحر؟ 

= وانتى مالك 

- هتصوم ازاي

= انتي بتنسي بسرعه شكلك انا مش هصوم اصلا باي سلام يا ماما 

هدي قربت و طبطبت عليا: متزعليش منه 

- اية الجديد عادي يا طنط 

اتسحرنا و رجعت على الشقة الى فوشهم عشان انام انا فعلا عندي شقتي بروح عندهم كتير ليه؟ 

بدأت افتكر كل تصرفات يوسف وحتي لما قالي بتعملي اية في بيتنا وحسيت اني كنت غلط و ادلقت اوي! 

" تاني يوم رمضان "

"صلي على النبي." 🦋🩷

- طنط هدي يوسف هنا؟ 

= لاء مش هنا خشي واقفه ليه 

- عايزه اقولك على حاجه.

= قولي 

- انتي عارفه اني بحب يوسف بس هو مش بيحبني 

= عشان ابن موكوسه اهبل 

- ما علينا بصي مهما حصل انتي هتفضلي امي التانيه مش مجرد خالتي اخت امي و يوسف بقي هيبقي زي اخويا مش ابن خالتي الى كنت بحبه 

= يعني اية يا سهر ؟ انتي ناويه على اية

- ارجع اسافر دبي انا بس جيت عشان بعد موت ماما ملقتش حد اقرب ليا منكوا

= انتي سمعتي ابن الجزمة امبارح وهوا بيزعق صح

ضحكت على طريقتها: اهدي بس هو معاه حق

- تبقي غبيه لو مشيتي ده ابني وانا عرفاه انتي عارفه مش عاوزك ليه

= بصراحه معرفش بس فهمت انوه مضايق من وجودي

- عشان بيحبك و هو مش عايز يحب ولا يميل لحد و عشان بتضغطي عليه وعايزه تغيري حتت انوه يصوم ميفطرش وهو عنيد مش عايز يستسلم ليكي عايز يبعدك

= انتي متأكده من كلامك ده! بيحبني انا؟؟ 

- اقطع دراعي ده كلب وانا مربياه وعرفاه كويس

= اسيب كرامتي وامري لله هنعمل اية؟ 

- ...............

فضلت قاعده ويوسف دخل عالفطار علطول واتفاجئ بيا كتمت ضحكي بالعافيه وهوا بيبص بعصبيه لطنط هدي

- ادخل كل واقف ليه هتصورنا؟ 

= انتي يابت بتتكلمي كدا ليه؟ 

ابتسمت بسماجه: معلش 

بصلي وهوا قاصد يعلي صوته:  انا كدا كدا فاطر وكلت بره 

وضحك لي ضحكه صفرا

ساب موبايله ودخل الحمام وانا سمعت صوت رسايل كتير مسكت الفون وقعدت احاول افتحه معرفتش 

سبته بعد ما يخرج و استخبيت وراه الستارة عشان اشوف الباسورد وفعلا خرج وشوفته بيفتحه كان بتاريخ ميلادي!!؟؟ 

كان ماشي فا خبط فيا واتخض

- اعوذ بالله!!! 

= اية يأخي مش تحاسب طور ماشي

- انتي بتعملي اية وراه الستارة!!! 

حاولت ابلع صدمة ان الباسورد بتاريخ عيد ميلادي: انا؟؟؟ اصل... اصل.. كنت بشوف 

نفخ بضيق: اوف انتي هتقعدي تهتهي يا سهر وسعي كدا 

-  يوسف انت عامل الباسورد عيد ميلادي ليه؟؟ 

يتبع..

- اعوذ بالله!!! 

= اية يأخي مش تحاسب طور ماشي 

- انتي بتعملي اية وراه الستارة بتاعتنا!!! 

حاولت ابلع صدمة ان الباسورد بتاعه بتاريخ عيد ميلادي و رديت: انا؟؟؟ اصل... اصل.. كنت بشوف 

نفخ بضيق: اوف انتي هتقعدي تهتهي يا سهر وسعي كدا 

-  يوسف هو انت عامل الباسورد عيد ميلادي ليه؟؟ 

لف لي وبص بنص عين: هوا انتي ازاي عرفتي انا عامل اية اصلا؟؟ 

= شوفتك بتعمله عادي 

- ده رقم عادي معرفش انه تاريخ عيد ميلادك اصلا

= بجد والله ما تبطل بقي!!

- ابطل اية؟؟ 

= تعمل مش واخد بالك مني كدا

- وانتي شيفاني واخد بالي يعني؟؟ 

= معرفش 

- حببتي انتي زي اختي الصغيرة لو حتي واخد بالي فا عشان زي اختي خليكي عارفه كدا 

عيوني كانت هتدمع فا مشي من قدامي بسرعه وانا دموعي نزلت فعلا بس مسحتها 

خرجت البلاكونة وحدفت مشبك على البلاكونه الى جمبي فا خرجت ملك 

- حبيب قلبي اية دا انتي بتعيطي؟ 

= يوسف 

- قصدك الحلو*ف هبب اي؟؟

= كرامتي بتنقح عليا وبفكر اسافر وخلاص ده بجد عامل باسورد بتاريخ عيد ميلادي ولما قولتله بيقولي معرفش انه تاريخ عيد ميلاك اصلا 

- ده بيستعبط 

=  لا بيتكلم جد هو فعلا هيعرف عيد ميلادي بتاع اية ده عارف اسمي بالعافيه يا ملك وقالي انتي زي اختي

- طب وبعدين 

= مش عارفه انا تعبت بقولك اية تعالي ننزل بعد الفطار بكره نخرج 

- اها شكلك مش هتعرفيه بقي وناوياها

= ما يتفلق اصلا! 

اتسحرنا انا وطنط هدي بس وهوا مجاش برضو كنت انا وطنط هدي بس وكانت زعلانه 

- متزعليش ربنا يهديه 

= يارب يابنتي 

- كنت عايزه اقولك اني هخرج بكره بعد الفطار مع ملك 

- بنت سوسن الى جمبنا 

= اها 

- ماشي وابقي خلي امها تيجي تقعد معايا 

= عيوني يا هدهد

" تالت يوم رمضان "

- ابنك مجاش؟ 

= كلمته قالي هيجي الساعه 9 وهيفطر فالشغل و قولتله انك هتخرجي

بصدمه: اية!! وهو ماله بقا يخالتو!

- خايف عليكي وقالي لاء! 

= مفيش الكلام ده انا هخرج 

- طيب ارجعي قبل ما يجيي أنا كدا كدا عارفه انك مش هتبعدي و واثقه فيكي

بوستها بحب وجهزنا الفطار وبعده علطول الباب خبط ودخلت المزعجه

- هدهد حبيبت قلبي اني بتلبس وجيالك و انا بقي هاخد سهر شوية 

= ماشي متتأخروش 

_________________________

" صلي على النبي" 🩷🦋

و نزلنا فعلا انا وهي لكن لقيت موبايلي بيرن وكان يوسف

- الو؟ 

= اية  صوت الدوشة ده؟ نزلتي صح

- اها انت مالك ؟

= انا كنت عارف وحيات امي لأجيبك من شعرك 

- هتقدر ؟

= طب بصي وراكي 

بصيت بخضه وقلبي وقف و ملك فضلت تسألني في اية سمعت صوت ضحكته فالفون 

- ايه يا بطه اتخضيتي ولا اية؟؟ عمتا كلها ربع ساعه لو مروحتيش انتي والى محرضاكي عليا انتي حره 

وقفل في وشي الى كان احمر من  كتر الغيظ 

ملك بضحك: هو عصبك كالعاده

- طب وحياة امك يا يوسف لاوريك 

= اهدي بس هتفرقعي والله

- انا مش مروحه انهارده انا رجاصه وهبات فالشارع

= الرجاصه بتبات في فندق

- انا رجاصه فقيرة 

"قعدنا نضحك انا وهي وعشان انا محدش بيلوي دراعي ولا بيمشي كلمته عليا روحت بعد ربع ساعه لأنى واحده معنديش كرامه بربع جنيه.."

( معلش نقف ناخد شوية حسنات سوا..🤏❤️👀)

(بِسْمِ اللَّهِ الرَّحْمَنِ الرَّحِيمِ)

"قُلْ هُوَ اللَّهُ أَحَدٌ (1) اللَّهُ الصَّمَدُ (2) لَمْ يَلِدْ وَلَمْ يُولَدْ (3) وَلَمْ يَكُنْ لَهُ كُفُوًا أَحَدٌ (4)"

خبطت على الباب يوسف فتحلي 

- اتأخرتي تلت دقايق 

= اها كنت بطلع السلم فيهم

- فين ملك هربت؟

= اها اصلها بتخاف منك

- لازم تخاف كانت عيله بشخه وبغيرلها البامبرز

= اها زي كدا معلش اخواتك بقا

ابتسم بسماجه: طبعا اخواتي 

زقيته ودخلت خت شنطتي فا مسك زعبوط التي شيرت

- خدي رايحه فين؟ 

= رايحه شقتي 

- وهتسيبي خالتك؟ 

اتكلمت من غير ما ابصله: معلش عشان تاخد راحتك

مشيت بسرعه مدتوش فرصه يتكلم 

مكملتش تلت دقايق فالشقة ولسه هقعد لقيت الباب بيخبط قومت بسرعه وفتحت 

- خالتو حبيبتي 

فتحت لاقيته هو

- يوسف ينفع؟؟ 

رفعت حاجبي: انا مش لسه سيباك؟  

 دخل ولا كأني واقفه قعد وحط المسدس عالترابيزة

- جاي تخلص عليا يا ابن خالتي؟ لو عشان علبه النوتيلا الى اخدت منها هجبلك غيرها

= هو انتي الى بتكلي منها زي الفيران بقي؟ 

ضحكت جامد لاني فعلا بنقر فيها وهوا كان باصصلي بعدين هرب بعيونه: جاي ليه قول 

- انتي قلبك ابيض اوي يابت 

= اشمعنا

- عشان سمعتيني وانا بزعق مع ماما انك متقعديش هناك ومع ذالك معاملتك متغيرتش 

= مسمعتش حاجه بتتكلم عن اية؟ 

- سهر انا مش غبي وجتلك سكه من غير لف و دوران

اتنهدت: طيب سمعتكوا بس عشان كان معاك حق مزعلتش عادي يعني احنا اخوات 

= اخوات اها ، المهم اني اوضحلك مش حابب تبقي هناك فترة كبيره عشان محدش يتكلم عليكي لأنه مش هسيب حد يتكلم وهضطر استخدم العنف مع الى هيقول كلمه  صغيرة عليكي 

" قلبي كان بيرقص حرفيا هو ازاي كدا!!! " 

- انا بقعد مع خالتو مش معاك 

= مهو انا جاي عشان كدا

- عشان اية؟ 

= انا هبات هنا وانتي تباتي هناك مع ماما 

- قول كدا بقي عايز تضرب على شقتي طمعان فيها.؟ 

ضحك: خفه دمك لو تبطليها ياه..

= مقدرش يبني دي جزء من شخصيتي

ابتسم: عمتاً برضو احنا هنبدل حفاظا عليكي مش اكتر ولو كنت قولت ده بطريقه مش لطيفه متزعليش 

" حد يلحقني بميه بسكر ولا كيس تمر هيغم عليا ده بيصالحني تقريبا وعنده دم زينا!!! "

- لا مش زعلانه لو ده كان بدافع خوفك عليا خلاص انت صح انا بس مكنتش بفكر ان الناس نيتها وحشه

يوسف قال في نفسه: محدش قلبه ابيض غيرك والله.

= اهو بقي الناس مش بترحم يلا اتفضلي على هناك يا ستي لما تحضروا السحور نادوني واه جبت فول عشان متقوليش نازله اشتري الساعه 2 بليل هاه

ضحكت " هي دي غيره الروايات بقي " 

- طيب باي 

" صلي على النبي "🦋🩷

" معرفش علاقتنا رايحه لحد فين لكن بحبه حبي لي بيزيد كل دقيقه و كل ثانيه عمري ما فكرت هيحصل اية لو واحده غيري خدت قلبه يمكن امو..ت " 

- هدهد انااااا فرحانهههعععععع

حكيت لها الى حصل 

= بجد؟؟ ربنا يهديه يابت يا سهر ويبقي من نصيبك

- يارب ادعي وانا هدعي مش هرحمه الخمس فروض هدعي فكل سجده وفالفجر كتير وفي قيام الليل انا ههريه دعااا يا هدي 

ضحكت: واقعه يخربيتك مش كدا 

فات ساعتين واحنا بنتسحر الساعه 3 عشان الفجر بيأذن 4 ونص وكانت الساعه 2 بليل 

- هدي فاضل ساعه ونحضر السحور صح؟؟ 

= اها

- هطلع عالسطح شوية ابص عالنجوم يمكن اللقي نجمتي واطلب منها تجوزني يوسف

= انتي مش ممكن 

ضحكت وبعدين طلعت السطح بالراحه وانا بجهز كلام كتير هقوله للنجوم عن يوسف واطلب من ربنا طلبي المعتاد..

شوفت خيال حد عالسطح ولما قربت لاقيته هو

- يويو!!! بتعمل اية هنا ؟؟ 

حط ايده على وشه بسرعه اوي ومسح عينه قربت وبصتله بصدمه: هو انت بتعيط!!؟؟؟

______________________

بتبع...

شوفت خيال حد عالسطح ولما قربت لاقيته هو!

- يويو!!! بتعمل اية هنا ؟؟ 

حط ايده على وشه بسرعه اوي ومسح عينه قربت وبصتله بصدمه: يوسف هو انت بتعيط!!؟؟؟

حاول يمسك نفسه قدامي وانا كنت مصدومه هو ده يوسف الظابط الى بيهب فيا ويزعق وعمره ما زعل حتي من حاجه هو بجد دموعه نزلت!! 

قربت منه ولأول مره كنت اقرب كده ورفعت وشه ليا: يوسف في اية بتعيط ليه؟ 

- يوسف كلمني

= انزلي يا سهر وسبيني 

- مش هنزل يا يوسف! انت مش قولتلي احنا اخوات؟؟ من حقي اكون جمبك واعرف مالك ومش هقول لحد احكيلي مالك ؟ 

اتنهد بتعب وكأنه مش قادر يوقف العياط ورفع الفون قدامي فا خدته منه كان مفتوح على صورة صاحبه ادهم الى اتوفي في مأموريه من سنتين ومكتوب تحتها السنه التانيه الى عدت من غير ادهم 

كنت فاهمه شعوره الفقدان صعب ما انا فقدت امي و ابويا قبله!! 

قربت وقعدت جمبه وطبطبت عليه وانا عارفه ان مفيش اي كلام هيهديه مكنتش متوقعه يتكلم وبالذات معايا انا لكن لاقيته بيقول: 

- ادهم كان بيحبني اوي كان دايما يقولي امشي صح و كنا بنصلي سوا ولما كنت اتعب كان يقولي اجمد ولا فاكر لما تدلع هسيبك تفطر كنت بقوله عايز اجرب اشرب سجاير زعل مني اوي فا مرضتش اجرب حتي عشانه 

" كنت متفاجئة من كم التفاصيل الى بيقولها على كدا هوا اتغير بعد موت ادهم يعني ده سبب الى هو فيه!" 

= وليه بقيت كده!! تفتكر هو هيفرح بيك وانت بتشرب دلوقتي وبتفطر ومش بتصلي ، بص انا مش بلومك ومش قصدي اضايقك بس..

قاطعني: معاكي حق انا بعيط عشان افتكرت قد اي انا زعلته مني 

دموعه كانت لسه بتنزل وانا مش قادره اعمل حاجه: يوسف طب انا هساعدك صدقني هبقي جمبك هنعدي كل ده وهتبقي احسن و ادهم هيبقي فخور بيك

- و ربنا ؟ ربنا ملوش حق عليا؟ انا عملت ذنوب من كترها بقيت مكسوف اطلب مغفرة ربنا بقيت حاسس اني غلط فكل حاجه ومش قادر حتي اصلح 

= لا طبعا مدام بتحاول يبقي تقدر وانت لازم تحاول يا يوسف وبعدين ربنا بيحب الى بيرجع لي ويتوب وبيغفر اه غضب ربنا كبير وشديد لكن ربنا برضو رحيم و غفور 

مسح دموعه واتنفس بهدوء: انا ادهم وحشني اوي يا سهر 

- يبقي تعالي نقرأ لي الفاتحه يلا..

رفعت ايدي واستنيته يرفع عشان نقرأ الفاتحه فضل باصص للارض 

حاولت افكه فا خبطته فكتفه: قول ورايا مدام ساكت وشكلك مش حافظ الفاتحه يا نوتي قول ورايا خليني اكسب فيك ثواب واحفظك

ابتسم وخبطني بلطف كأنه بيقولي اتلهي رفعنا ايدنا وقرينا الفاتحه لأدهم و فجأه سمعنا برق و رعد و انا اتخضيت ونطيت ورا يوسف: زلزلال!!! 

- اهدي ده برق ورعد شكلها هتمط

يوسف مكملش الكلمه و لقيت السما بتمطر جامد فالصيف!!! وفي رمضان كمان!!

= دي بتمطر فالصيف يا يوسف فالصيف!! 

- طب يلا ننزل بسرعه هتتغرقي!! 

ابتسمت وفضلت اضحك: ننزل اية دي اشارة!! ابواب السما مفتوحه

رفعت ايدي و بصيت للسما: يارب اهدي يوسف ليك وارحم بابا و ماما و ادهم صاحب يوسف وخلي لينا هدهد يارب

كان متنح ليا معرفش ليه شاورت قدام وشه: مستني اية يلا ادعي واطلب من ربنا يسامحك يا يوسف!! 

وفعلا فضلنا ندعي وبعدين خدني ونزلنا وكنا متغرقين خالص 

هدي: يلهوي اتغرقتوا!!! ادخلوا يا مواكيس ادخلوا بسرعه

________________________ 

- أ الَّذِينَ آمَنُوا وَتَطْمَئِنُّ قُلُوبُهُم بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ .🩷🩷🦋🫶

" الصبح رابع يوم رمضان "

- ءءءءء اتشييييي 

= أتشيييييي 

بصينا لبعض وضحكنا واحنا عمالين نعطس و خالتو داخله بطقم الينسون والكونجستال

هدي: حد يعمل كده؟ اية بتلعبوا تحت المطر ؟؟

- لا يخالتو ده 

قاطعتها بسرعه قبل ما تفضحني: احممم اها طلعت لقيت الهانم بتلعب تحت المياه زي العيال 

"فهمت انوه مش عايز يجيب سيرة الموضوع  واعتبرت جوايا ان ده اول سر بيني وبين حبيب قلبي "

- انا بقول اقوم احضر الفطار معاكي

= وانا اروح الشغل

هدي بقلق: بالبرد ده؟ طب اللبس تقيل

- وه طب اقوم اجيب الجاكيت الجلد بتاعك بقي كنت واخده 

= اها يحراميه!!! 

- ده كان سلف فخروجه والله والله

= ده انا هسقف على وشك بس ءءء ءء اتشييي 

بضحك: يرحمكم الله يحبيبي لما تخف بس ابقي اتكلم

جري ورايا وانا جريت زي الفران

ضحك: عيله جبانه صحيح! 

______________________

" صلي على النبي 🦋🩷 "

مشيت على الشغل وانا فدماغي كل الى حصل امبارح بليل وجوايا مشاعر اتحركت ناحيه سهر ومبقتش فاهم نفسي بس تفكيري كان في كلامها وكأنها اشارة كان محمد قدامي وبيسأل

- انت مجتش بالسجاير يعني

رديت بثقه: تقريبا انا صايم 

= بتهزر بجد خطوة يعني ابارك لك عليها طب يأخي يلا نصلي بسرعه بقي هيقموا الصلاة 

- طب لما  اتوضي

= هنتوضي هناك المياة مش قاطعه حظك حلو

فرحت بتشجيعه ليا وسربعته عشان اصلي معاه..

" صلينا الضهر واتكلمنا كتير وسألته عن حاجات كتير فالدين بما انه كان فالازهر وياما درس دين بره الازهر كمان وساعدني كتير اني اكمل فطريقي بعد ما كنت رافض اي حد يساعدني بعد ادهم صاحبي "

- بس كدا ياعم وربنا هيتقبل منك ، خلي بالك ربنا بيحبك يا يوسف وصدقني عمره ما هييأس من عباده دايما بابه مفتوح وادعي كتير انوه يغفر لك ربنا قال 

" بسم الله الرحمن الرحيم "

( وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا ) 

- يعني ربنا دايما قريب وبيستجيب للدعوة.

= حقيقي شكرا ليك يا محمد.

- علي اية صدقني انا فخور بيك اوي واتمني ليك الخير هستناك نصلي العصر سوا

= المدير كلمني وبيقول في عمليه على تجار منطقه *** 

- اها شكلها كده هتطول العمليه دي

= ما انت عارف مفيش تاجر بيقع بسهوله واحنا عاوزين الراس الكبيرة يمعلم وانا شغال عالقضيه بقالي مده وبصراحه عايز انزل بنفسي بقا

- طبعا ربنا يستر شوف هنتحرك امته..

_______________________

- يابت مش هتبطلي حدف مشابك طنط هدي لو عرفت هتعلقك عالمشابك دي يا سهر

ضحكت:  هاتي المشبك يابت

= قولي بس طلبتيني بالمشابك ليه؟ 

- اصل  ء .. ءء اتشييي

= يخرابي هتجبلي فيروس يالهوي 

- اهدي بقا يوه كله بسبب امبارح انا و يوسف اتكلمنا عالسطح وشربنا المطر وكمان بقي بينا سر مش هقولك طبعا عشان ده سر يويو

= ده انا هقطع وشك بس اصبري 

- بجد يا ملك انا بحبه اوي

= طب يعني حسيتي ب اية اتكلمتوا عن اي

- حاجات مديقاه بس متعرفيش حد بس اتكلمت معاه شوية صغيرين بس حقيقي عندي بالدنيا.

- طب حاسه ب اية دلوقتي 

- ولا حاجه بس عندي امل هو يحس بيا.! 

= يارب يا سهر يارب واحضر فرحكوا واللبس فستان بترتر كتيشير

- ترتر يا ملك! ترتر قفلتيني 

قعدنا نضحك وبعدين دخلنا كل واحده بتساعد فتجهيز الفطار كلمت يوسف اشوفه جاي أمته مردش

___________________

- ما ترد موبايلك عمال يرن اكيد عاوزينك عشان الفطار 

= مش مهم خلينا نركز بس دلوقتي ونكمل مراقبه للواد ده اما نشوف اخرته

__________________

- عاجبك كدا يا هدي ابنك؟ مردش حتي! 

= اكيد مشغول يعني هي دي اول مره

- كان لازم يعني يطلع ظابط ومكافحه مخدرات كمان! 

= ربنا يحميه هو والى زيه يارب يابنتي 

دعيت من قلبي ربنا يسترها معاه ويجي بسلامه 

" قعدت كتير مستنيا طنط هدي نامت وقالتلي اصحيها قبل السحور الساعه بقت 12 وسمعت تكه المفتاح وعارفه ان دلوقتي هو بيدور وانا فالبلاكونه عامله مش مهتمه وانا معنديش كرامه. " 

- ازيك عاملين اية 

= ازيك عاملين اية؟. هما مين الى عاملين

- عاملين اكل اي عايز اكل

"لا مش هحن لا واقوله فين الاكل واحضرله"

- معرفش 

= يا حببتي بقي انا جعان انجزي

"لا ولو مش هتصعب عليا برضو ابقي مردتش براحتك"

قال بتعب: يا سهر جعان

" يخرابي على حلاوة اسمي "

= ماشي هحضرلك

- لا خدي بس متقلبيش وشك كده.

لفيت لي وقولت بعتاب: انت مش بترد ليه! 

= حقك عليا

" يوه بقي انا بضعف والله"

- طب هتاكل اي دلوقتي السحور بعد شوية! 

= هاكل من الفطار وهتسحر برضو 

- تعالي كلني يا يوسف

بصتلها قولت في نفسي: مش عايز احليِ دلوقتي للأسف

= حاضر هخلص الفطار و السحور واجي اكلك عنيا

فضلت اضحك بغيظ اما عيل دمه يلطش ويضحك بصحيح

بصلي وانا بضحك: سهر انا كنت عايز اقولك على حاجه.

______________________

يتبع..

- طب هتاكل اي دلوقتي السحور بعد شوية!؟

= مانا هاكل من الفطار وهتسحر معاكو برضو 

- تعالي كلني يا يوسف

بصتلها قولت في نفسي: مش عايز احليِ دلوقتي للأسف'

= حاضر هخلص الفطار و السحور واجي اكلك عنيا يا سهر من عيوني الاتنين

"فضلت اضحك بغيظ اما عيل دمه يلطش ويضحك بصحيح

بصلي وانا بضحك: سهر انا كنت عايز اقولك على حاجه.

" قلبي فضل يدق جامد وبسبب نظرته ليا هوا هيعترف بحبه ولا اية يارب يعترف قطع افكاري وقال"

- انا.. 

= قول في اية؟ 

مسح على أطراف شعره بتوتر وبص لفوق واتنهد: مفيش 

" مقدرتش اقولها حاجه عن مشاعري الغريبه معرفش في اية بضعف فجأه قدامها بس بلحق نفسي لكن خايف يجي وقت مقدرش اللحق نفسي وضعفي يبان " 

- والله مفيش؟ 

= كنت بس عايز اقولك شكرا عشان امبارح ساعه المطر و تعبتي بسببي وكدا يعني

" اقوله تعبك راحه ولا اتقل شوية؟! " 

- ولا يهمك هو بما ان خالتو نايمه مش عاوز تتكلم عن الموضوع  خالييص؟ 

= لاء ، و عاوزك تنسي الى حصل 

" اتكسفت وحسيت اني بتهان للمره الكام معرفش"

- طيب زي ما تحب

= علفكره انا كنت صايم انهارده

- طيب ماش... اية!!! كنت صايم صايم؟؟

= اها

- متأكد صايم زينا يعني! 

= ايوه الله

- بجد يايوسف اشطر كتكوت والله هزغرطلك

= شششش ايه ، وبعدين كتكوت اية هو انا عيل

- خلاص اشطر ظبوط

= روحي يا سهر صحي ماما روحي 

- طب بقولك.. حسيت ب أيه؟ لما صومت

ابتسم: حسيت اني عندي فرصه لسه ، وحسيت ان ادهم هيبقي فخور بيا هحاول مخيبش ظنه 

= انا كمان فخورة بيك وهدعيلك كتير تستمر على ده

- ماشي ياستي 

" كنت فرحان معرفش ليه ، بس راضي انها تشوفني كدا مع اني عنيد وحابب برضو مسمعش كلامهم وافطر بس خلاص يمكن كل الأسباب بتساعدني ارجع لطريق ربنا وانا بصراحه بحبه وعايز افضل فطريقه" 

ضحكت بفرحه عشانه وكنت همشي شوفت علبه السجاير بتاعته عالترابيزعه رجعت خطوة وختها من غير ما يشوفني ورمتها فالزباله ♡'

" صلي على محمد "🩷🦋

- امسك ها طنط عملت المكرونه الاسباجيتي قصيرة زي ما بتحبها وكانت سايبه ليك دبوسه فرخه وانا كلتها

= بالهنا والشفا يا طفسه

فضلت اضحك: بهزر معاك بسخنها فالفرن وهجبها 

- حببتي تسلمي انا هقوم اجبها كفايه عليكي كدا

= يابني خليك أنا كدا كدا هاروح اجيب كوبايه تمر

روحت جبتها حطيت له الطبق و بعدين مسكت موبايلي لقيت رساله عالواتس من علاء ابن عمي فا استغربت وفتحتها

" ازيك يا سهر.. عاوزك في شغل ضروري فاضيه بكره..؟" 

قلبي كان بيرقص بقالي فترة مطلبتش فشغل فا رديت بسرعه 

" ايوه تعالي عند بيت خالتو " 

رد في وقتها " تمام هعدي بعد الفطار.. " 

كنت عايزه اتنطط حرفيا لقيت يوسف قايم بيجيب مياه فا قعدت بهدوء: احممم 

- مالك كدا؟ 

= ولا حاجه خالث 

- مش مرتاحلك

= مفاجأه يفوزي مفاجأه 

- اشجيني

= هتعرف بكره

- احمينا يارب 

" الساعه جت 1 و صحيت خالتو واتسحرنا ويوسف كل تاني فعلا انا خايفه ملقيش دراعي "

راح على الشقة بتاعتي وانا وخالتو كنا فشقتهم طلعت البلاكونه اول ما حسيت بيه بيفتح بلاكونته.

 - يا اهلا يا سهر يحببتي ليكي وحشه اتفضلي كلي دماغي

= انت بتتريق يعني ، والله كنت هقف معاك بس ساكته 

- انتي هتستكي؟؟ طيب ماشي. 

= ..........

- ..........

"هوا هيفضل ساكت؟ احسن انا كمان مش عايزه اتكلم"

بصلي بنظره فهمها كويس فا انفجرت فيه: لا مش قادره بقي عايزه اعرف سهران ليه! 

قعد يضحك: والله عارف انك مش هتسكتي

- هوا السؤال ده بس وهسكت سهران بتعمل اية؟ 

= بصي الصراحه يا سهر بفكر في واحده

"حسيت ان الجمله دخلت مخي جابتله ارتجاج اهااااعع"

خبيت عيوني بعيد عنه: اممم واحده ازاي يعني؟؟ 

- سهران بتعمل اية؟ 

= بصي الصراحه يا سهر بفكر في واحده

"حسيت ان الجمله دخلت مخي جابتله ارتجاج" 

خبيت عيوني بعيد عنه و اتكلمت بغل: واحده ازاي يعني

- نجمة 

= نجمة فالسما؟ 

- اها و بعيده اوي عليا

= مش فهماك يا يوسف بس حاسه انك مدايق! 

"كنت متفاجئ بأحساسها الصح لكني خبيت"

- لاء خالص يمكن هي حلم جميل هوصله في يوم

= اكيد.

________________________

" دخلت نمت وسبته عشان مقرفوش زي ما بيقول وقعدت افكر في علاء ابن عمي والشغل وانا فرحانه اني اخيرا هعمل الحاجه الى بحبها ونفسي تكمل " 

" سادس يوم رمضان "

- اخيرا قعدت تفطر معانا

= هوا بمزاجي يعني يا ماما منتي عارفه

- ربنا معاك يحبيبي

= انا هنزل وهاجي عالفجر هتسحر بره بقا 

قولت انكشه: يخساره كنت هقولك تجيب زبادي يلا مش مهم انزل انا 

= مش عايز استعباط 

- انا كلمتك دلوقت؟ 

= بصي يا ماما اخر دلعك بتستفزني قاصده خلي بالك

- انا هنزل بجد هشتري حاجه و 

= لاء.

- انت اهبل ولا اية متخلنيش اهب عليك بقاااا

= انا لو وقفت لك بس هتعيطي وانا عيل غبي ابعدي عني وكني فحته يا سهر

هدي بزعيق: بس جرا اية !! واية القرف ده اية اهب و كني دي انت وهي مش اسلوب خالص بطلوا الالفاظ دي

اتكلمت سهر بخبث وطلعت لي لسانها: ابنك الى علمني الكلام ده انا يعني هجيبه منين

- منين؟ من مسلسل الاجهز الى بتتفرجي عليه

قعدت تضحك لدرجه عيونها دمعت: اسمه الاجهر! وبعدين انت غيران من درش انا عارفه

= انا نازل يا بومه اشبعي بيه

هدي: خد كمل فطار! 

- كلت يا ماما يلا سلام

= ابنك قماص اوي!

" اول ما نزل شلت الاكل بسرعه وميلت على خالتو حكتلها على موضوع علاء ابن عمي و اني هنزل ساعه واحده وهرجع وطبعا وافقت روح قلبي. "  

_______________________

- يخربيتك هتنزلي دلوقتي ومش هتقولي ليوسف؟ قلبك مات ولا اية

= يا ملك عاوزة افاجئه الله

- تفتكري هيفرح ولا هيعلقك

= اكيد هيفرح ليا طبعا

- طيب ربنا معاكي

= يلا هطير انا خشي واقفلي البلاكونه بدل ما تتعاكسي

ملك غمزت لها: الى هتتعاكس المزه الى نازله دلوقتي 

سهر ضحكت وباستها عالهوا ونزلت لما علاء بعتلها مسدج انوه وصل تحت البيت

______________

صلي على محمد.🩷🦋

- اخيرا الواحد شافك يا سهر؟ 

= عامل اية لولا اني عبيطه وبخاف اسافر لوحدي كنت جيت البلد سلمت يعم

- وعلى اية نقلت هنا و خت بيت 

= بتهزر وعاوزاني اعمله الديكور صح؟ 

- لا غلط اركبي العربية بقي هعزمك على حاجه كدا ونتكلم فالتفاصيل

= ماشي 

__________________________

- ازيك يا محمد

= الحمد الله منور اقعد جيت فوقتك

- اية؟ 

= عرفنا مكان الواد باخد اذن نيابه وهننزل وكلمتهم فالداخليه عشان الراس الكبيره 

- ده اية الاخبار التحفه دي

= بس اتحفني الاول وقولي صومت انهارده ولا 

- ولا 

قلب وشه عليا فا ضحكت: صومت ياعم وصليت و قريت قرآن والدنيا تمام يلا بينا بقا؟ 

= يلا يحبيب اخوك.

___________________

- بتهزر يا علاء كافيه كامل!!! هعمله الديكور 

= انتي اشطر مهندسه ديكور اعرفها وهتقدري

- بجد مش عارفه اقولك اية عشان ثقتك دي بس كده هاخد وقت الا لو

= لو اية قولي

- جبت اتنين تلاته معايا كدا

= خلاص اعتبريهم موجودين بس اهم حاجه

- اية؟ 

= هتخدي كام فالعمليه 

ضحكت: يبني احنا اخواطط عيب عليك

- لا بقولك اي يا حببتي اخوات ده عند ابن خالتك هناك

"اية ده هو عرف منين لدرجه دي سمعتي وحشه؟"

= يوسف! اشمعنه

- عشان متربين سوا زي الاخوات 

= ونبي اتلهي سبني فوكستي

- بصي اعتبريني واحد عادي و احسبي كده الليلة ورسيني

= بقولك اية معرفش 

- كلام مفيد ياه ، انتي عبيطه انا عارف هاتيلي حد كبير اكلمه يابنتي 

= مكنوش اربع سنين دول الى انت اكبر مني بيهم يعني

- خلاص انا هسأل بره و هتمن 

= لا بره حراميه انا هكرمك عشان زبوني

ضحك: طب حلو هتقولي يعني

= اها بس فالاخر اتفقنا؟ 

- حبيبت قلبي اتفقنا يلا عشان اروحك لحسن خالتك تاكلني

= لا اصبر يعم هاتلي ايس كريم خالتو مش راضيه تخليني اكله بتقولي الصيف لسه مجاش 

ابتسم ليا بود: بس كدا انتي تؤمري عاوزة بالاية

= مانجا و شوكولاتة 

- عنيا..

" راح يجيب وانا فضلت افكر كتير فحبي ليوسف هوا ليه مش بيعمل معايا كده! طب يعني علاء مش بيحبني بس بيعاملني كويس من واحنا صغيرين قبل موت ماما و بابا انما يوسف حتي مش بيعاملني حلو هوا اية الى انا فيه ده بس " 

قاطعني دخول علاء وعلامات استغراب على وشه اول ما بصلي: سرحتي ف اية زعلك كده؟ 

حاولت اداري: يلهوي هو باين

= اها طبعا مين مزعلك؟؟ 

ابتسمت بيأس: نجم 

- نجم ازاي؟ 

= نجم فالسما مش عارفه اوصل له 

ملامحه اتغيرت شوية و قال بسرعه: اها واسمه يوسف

بصتله بصدمه وحسيت ان وشي كله احمر وسخنت: يوسف؟

- اهدي بس بصي انا اكيد مش قاصد ادخل بس حقيقي يا سهر انتي جميلة وقلبك ابيض ونضيفه من جوا تستاهلي حد يحاول عشانك فاهمه كلامي؟ 

قاطعته: هو عرفت منين 

- بيبان صدقيني وانتي عشان سالكه بيبان عليكي بسرعه وعشان انتي بنت عمي وبحبك وبخاف عليكي لو هو سبب زعلك ده يبقي ميستهلش ابدا

"كنت رافضه كلامه بكل الطرق يوسف يستاهل! وبعدين هوا ماله ازاي يدخل اصلا"

= ماشي يا علاء 

- خدي ايس كريمك بقي يختي عشان كده بقالنا ساعتين بره هروحك دلوقتي

= طيب يلا بينا..

" الطريق كان زحمه اوي والفون عمال يرن الساعه جت 11 ونص وانا لسه بره يعني بقالي ساعتين ونص وانا قايله لخالتو ساعه"

علاء بصلي: متقلقيش ردي عليها 

- خايفه ،  هتزعل اوي

= مانا معرفش الطريق ماله.. بصي متخافيش هطلع  معاكي اسلم عليها واقولها الى حصل

"ابتسمت لموقفه البسيط بس فرق معايا"

- اهو اخيرا هنتحرك

= امشي بسرعه بقي

- بس لحسن تعيطي من سرعتي عشان غبيه

لاحظنا ان في حد*ثه علاء بص فالمرايا و بص عالشارع وفجأة لاقيت ايده على راسي وبيخبيني عن الطريق وقال بتحذير: متبصيش اصبري

كنت متوتره جدا واتفاجئت وبعدين بعدت عنه لما ساب ايده

- اسف بس كانت حد*ثه وحشه جدا ومنظر مش لطيف تشوفيه يعني وانتي بلمسه انا عارف 

قولت بقلق: حد ما**ت ولا اية! 

- مش عارف ربنا يسترهاا

= خلاص بقي امشي براحه لحسن نخبط حد

علاء ابتسم لبرائتها: حاضر متخافيش

______________________

صلي على محمد.🩷🦋 

- يلا بقي انزل معايا يا علاء متجريش

ضحكت: طيب اتفضلي يا ياستي اطلعي قوللها اني وراكي

= ماشي 

خبطت على الباب وفتحت بسرعه: اخص عليكي كل ده!! 

- علاء.. علاء طالع ورااياا

= احممم

- تعالي يابني اتفضل

اول ما دخل وقعد خالتو راحت ناحيته

= كده تأخرها كل ده

رديت بسرعه عشان متحرجوش: خالتو كنا بنتكلم  في شغل وبعدين هو وصلني 

- انا كنت معاها مسبتهاش خالص وعمتا حقك عليا بس هي مهندسه شاطره بقي نعمل  اي

هدي بلين: طيب يا حبيبي يعني الشغل ده بقي فين

= كافيه تبعي هتعمله الديكور ومتقلقيش برضو هتبقي تحت عيني 

سهر: هو انا هفضل طول حياتي متراقبه من كل الناس 

هدي: حوش البت بتعرف تروح وتيجي لوحدها دي بتوه فالشارع الى ورانا يا علاء يا حبيبي

ضحك جامد وسهر بصتلها بنص عين: حلو اوي تمام

"علاء قام واستأذن عشان يمشي ونزل بعد ما سلم عليهم مسافه ما ركب العربية و مشي كان يوسف شايفه ومستغرب من ده الى نازل من عندهم ولأول مره حس بغيره!"

___________________________

- اية ده يوسف جيت بدري !! كويس عندي ليك حتت خب

قاطعها: هو مين الى نزل من بيتنا ده؟ 

- مين؟ ايه؟ فين؟

= بقولك اي انطقي في حد كان نازل من عندنا

- هقولك اهو اصبر بس ده..

زعق: لا وسعي كدا انتي هتقعدي تهتهي تاني وسعي من وشي 

يتبع..

اية ده يوسف جيت بدري !! كويس عندي ليك حتت خب

قاطعها: هو مين الى نزل من بيتنا ده؟ 

- مين؟ ايه؟ فين؟

= بقولك اي انطقي في حد كان نازل من عندنا

- هقولك اهو اصبر بس ده..

زعق: لا وسعي كدا انتي هتقعدي تهتهي تاني وسعي من وشي فين ماما 

هدي: في اية داخل كده ليه وبعدين مش قولت جاي بعد السحور

يوسف بعصبيه: مين الى كان هنا؟؟ 

- علاء ابن عم سهر مالك! 

وشه احمر من العصبيه: يعني اية يدخل وانا مش هنا !! 

بصلي وانا كنت خايفه من شكله: وبيكلمك وجاي بتاع اية اصلا....!!!! ما تردي!

= وطي صوتك! احنا نزلنا عشان كنا بنتكلم فشغل

- هي كمان الحلوة نزلت؟ وانتي بقي مين سمحلك ب ده

= لو بتتكلم اني انزل فا قولت لخالتو

- لا انا بتكلم على الشغل

= هو انت لسه عارف اني بشتغل مهندسه ديكور ولا اية ولا نسيت عشان قعدت شوية؟؟؟ 

- ورجعتي دلوقتي فجأه لما البيه كلمك صح؟ هوا في اية يا ماما ! 

هدي: يوسف اهدا وبطل زعيق عيب كلامك ده 

- ومش عيب الى بيحصل؟ تنزل مع واحد كدا 

سهر اتعصبت جدا: حاسب على كلامك

واحد ازاي و انت مدايق كدا ليه اصلا! وبعدين ده ابن عمي زيه زيك قريبي مش من الشارع ! 

يوسف: اها شكلك مش عامله حساب لحد! وبتقارنيه بيا؟ على الاقل احنا عايشة معانا مش زيه ابدا

- حلو اوي واعتبرني مش هنا من دلوقتي

مسك ايدها بقوة: خدي هنا! 

= وسع ايدك يا يوسف! 

هدي: يوسف شيل ايدك من عليها

كان بينهم نظرات قريبه سهر مصدومه منه وكأنه حد جديد قدامها اما يوسف فا الغضب كان مغطي كل حاجه قدامه وبيتصرف بغباء

" مشيت بسرعه من قدامي وراحت شقتها رزعت الباب وراها لدرجه اني سمعته من عندي ولفيت كانت نظرات ماما بتفسر كل حاجه" 

- انا مش عارفه اعمل فيك اية! 

" دخلت اوضتي وسبتها وانا بهدا ومش عارف ليه كل العصبيه دي ، هوا انا ليه بقيت كدا في اية! " 

_____________________

- انا جتلك اول ما بعتيلي حصل اية

سهر بعياط: مش قادره يا ملك انا خلاص تعبت 

- اهدي بس حصل اية!! 

سهر حكت لها كل حاجه وكانت مستغربة جدا

- ولا يهمك هو الغلطان ملوش اي حق يعمل كدا وانتي لازم تفوقي لنفسك وخليكي هنا في بيتك وانزلي الشغل براحتك

= مين قالك اني هقعد مجرد ما شغل علاء يخلص همشي من هنا

- طيب وخالتك! 

= هتزعل شوية عشان مشيت وهعرف اصالحها انما انا هزعل العمر كله لو فضلت هنا جمبه 

" ملك قعدت شوية ومشيت وبعدها لقيت الباب بيخبط وخوفت يكون هو لحد ما سمعت صوت خالتو " 

صلي وسلم وبارك على سيدنا محمد.💜🦋

- حقك عليا يا حبيبتي انا هعرفه ازاي يعمل كدا 

= انا مش زعلانه زي مانتي مش هتزعلي لو قولتلك اني همشي انا استحملت كتير بس لما يحصلي كده من الانسان الوحيد الى حبي

سكت ومكملتش الجمله وقعدت اعيط وهي خدتني في حضنها: اهدي يا روح قلبي متفكريش فحاجه دلوقتي خالص يا سهر واهدي واعرفي ان ده بيتك دايما هنا او هناك

______________________

خالتو باتت معايا بعد ما جابتلي السحور وقالتلي هنسيبه لوحده هناك وهتبات معايا فشقتي نامت وانا فضلت سهرانه بفكر معامله علاء ليا اللطيفه ومش وراها اي حاجه و معامله يوسف ليا وازاي اتعصب عليا وكان ناقص يضر*بني و كل ده وعمره ما حبني زي ما حبيته انا لازم افوق لازم اشيلة من قلبي! 

- فات يوم كامل مش بنتكلم ودي اول مره تحصل من اول ما عيشنا سوا! 

" سابع يوم رمضان " 

- كان ده تاني يوم منتكلمش واخر اليوم الساعه 8 بعد الفطار والى فطرته في بيتي انا خالتو وهوا كل برا كنت نازله وعرفت خالتو وهي مامنعتش

_______________________

" اللهم صلي وسلم وبارك على سيدنا محمد "🩷🦋

- ازيك يا صغنن وحشتيني والله

= برضو بتقولي يا صغنن.؟ 

- خلاص قلبك ابيض اركبي

ركبت العربية مع علاء وخدني عشان اشوف الكافيه 

= هو بعيد ولا اية

- فحته مستخبيا كدا انا بعمله دعايا من دلوقتي عشان يتعرف لأن المنطقه هاديه 

= يااه ريحتني بحب الإماكن الهاديه اوي 

- سهورة وهي رومانسيه

= لا ده راحه لمخي بس وبيساعدني اشتغل 

- على كدا هنعمل شغل جامد

= عشان انت زبوني هكرمك

علاء ضحك: تسلمي يا بنت عمي 

وصلنا الكافيه وحرفيا المكان كان راقي اوي وجميل وبدأت ارسم في دماغي هعمل اية و علاء مركز معايا

- خدي اشربي ده واقعدي شوية الشغل مش هيطير

= متحمسه اوي

- مع اني حاسك زعلانه كدا

= لا ابدا

كدبت انا فعلا زعلانه وبداري وخلاص بس هو بيعرف منين! فضولي كان قوي ومقدرتش اسكت! 

- علاء بص انا زعلانه من حاجه بصراحه بس عايزه افهم بتعرف منين

= خبره

- مش بهزر

= سهر احنا قعدنا سبع سنين متربين سوا فبيت العيله مع عمي ولا نسيتي

- فا اية؟؟ 

= فا فاكره انك لما تقعدي فالقاهره مع خالتك كدا مش هعرفك زي زمان؟ 

- بتعرفني ازاي

= عشان حافظك من وانتي صغيره! فاكره لما كنتي بتزعلي؟ تيجي تقوليلي عايزه مصاصه او شوكولاتة وتخبي زعلك ولا لما حد يزعلك بقي وتعيطي 

ضحكت: كنت عيوطه انا

- كنتي طفله ومازلتي! 

= طب بس متقلش طفله

- المهم تيجي تفطري معايا بكره انا والتيم الى جبتهولك؟ 

= بتهزر جبت ناس لحقت؟ 

- عيب عليكي 

= طب كويسين يعني وهيساعدوني شاطرين؟ 

- يابنتي بتوع شغل جدا 

= فيهم ولاد؟ 

خبطني على قورتي براحه: اتلمي ياما 

- سؤال بحسن نيه صدقني

= كلهم بنات ياحببتي انا جايبك دريم بارك ومش هشغلك مع رجاله! 

- علفكره الرجاله مش بتتعب بسرعه ومفيده فالشغل

= لا البنات برضو هتبقي معاكي علطول ريحي بقي

ضحكت: انتي بتغيري يا بيضه

ضحك بعصبيه: يابت بس هو انا ابن اختك انا اكبر منك ب..

قاطعته: ب اربع سنين عرفنا خلاص انا بهزر بنت عمك واستحملني 

- خلي بالك محدش يعرف يكلمني كده غيرك ليكي مكانه خاصة 

قلبي فضل يدق بفرحه لما حسيت بتقدير من ناحيته واني ليا مكان عنده! 

- مش هتقوليلي مين زعلك مع اني عارف؟ 

= عارف برضو! طب اية

- لمحت يوسف في مرايا العربية وانا ماشي من عندكو وقولت اكيد شافني و هيعمل حوار عشان دماغه 

= علاء انت ذكي اوي! 

- قولتلك خبره الى بيشتغل من صغره بياخد خبره عن كل انواع البشر وردود افعالهم بس انتي بالذات معرفش بتعملي اي معاه

= عمتا انا خلاص كده صدقني

- خلاص اية مش فاهم

= مليش علاقه بيه تاني يعني و هركز فحاجات تانيه انا كنت غلطانه لما ادلقت عليه يا علاء صح؟ 

- انتي بتحبيه يا سهر 

= اكيد لما ابعد هنساه

- انا عاوزك احسن و هدعمك في اي قرار وهكون فضهرك في اي وقت

= مش عارفه اقولك اية والله

- قوليلي هتخدي كام

= يوووه بقي 

ضحك: خلاص براحتك يلا بينا يا توتو؟ 

= يلا بينا يا كوكو

- شوف بردك البت بتعاملني كأني عيل ازاي

= براحتي

- ماشي يا كتكوتة يلا

__________________________

" روحت مع علاء واول ما طلعت قعدت اتنطط فرحانه بالشغل جدا واني اخيرا هعمل الى بحبه اختار ديكور المكان بنفسي!! انسق اللوان وحاجات بجد دي احلي حاجه ومتحمسه كمان اشوف التيم بعد ما وافقت افطر معاهم هما و علاء بكره " 

" الباب خبط قولت اكيد خالتو جايه تبات معايا واتفاجئت ب يوسف قلبي فضل يدق كأنه رجع يحبه من اول وجديد واكتر من اول مره "

- مش هتقوليلي ادخل؟ 

بصيت للارض: اتفضل 

دخل قعد عالكرسي وقعدت قصاده: انتي نزلتي معاه تاني وراجعه الساعه 11 بليل؟ 

 كنت خايفه من هدوئه المرعب: انا قولت بينا شغل 

= هو الشغل بيقعد كل ده

- معرفش 

= عارفه بقالك قد اية مجتيش

اتكلمت ببرود: معلش بقي بتفادي عصبيتك عليا 

خد نفس عميق وصلي قد اية كان مخنوق: انا معرفش ازاي بس انتي خليتيني مبقتش عارف اقعد من غيرك او اجي مشوفكيش مفتقد زنك كل شوية فوق دماغي واسئلتك الى مش بتخلص وزنك عشان اصلي و اصوم

" كنت متفاجئه وعيوني بتدمع غصب عني انا بحبه ولكن المره دي مش هينفع اتنازل تاني! "

للأسف دموعي نزلت ومقدرتش امسكها سحب منديل من قدامه وقرب مسح دموعي: انا آسف 

اتفاجئت للمره التانيه بأعتذاره هو ازاي بقي كده

- متزعليش مني حقك عليا 

قومت من قدامه واتكلمت بعياط وعصبيه: متزعقش معايا و تعاملني كأني عيله وعبيطه وتيجي تعمل كدا انت.. انت خوفتني منك !!! وانا

قام وقف قصادي: طيب اهدي كل ده بسبب علاء وانا مش بحبه واتفاجئت لو عالاقل  كنت اعرف مكنتش هعمل كل ده انتي الى خبيتي

زقيته بغل وغضب منه: انت غبي ، وانا غبيه عشان خبيت لأني حبيت افاجئك اني اخيرا هنزل شغل بحبه كنت فكراك هتفرحلي

رفع ايده بأستسلام: ممكن تهدي! 

- لاء و سبني لوحدي يا يوسف

اتحرك شوية بعدين وقف وبصلي

- ومين يستخبي وراه الستارة عشان يشوف الباسورد بتاع موبايلي 

ضحكت غصب عني: انا بكرهك يا يوسف 

ابتسم: علفكره الباسورد كان عيد ميلادك

بصتله بصدمه: يعني كنت ب

قاطعني: كنت بضحك عليكي 

- ليه! 

= عشان 

يتبع.. 

- انتي نزلتي معاه تاني وراجعه الساعه 11 بليل؟ 

كنت خايفه من هدوئه المرعب: انا قولتلك بينا شغل 

= هو الشغل بيقعد كل ده 

- معرفش 

= و عارفه بقالك قد اية مجتيش

اتكلمت ببرود: معلش بقي بتفادي عصبيتك عليا. 

خد نفس عميق وصلي قد اية كان مخنوق: انا معرفش ازاي بس انتي خليتيني مبقتش عارف اقعد من غيرك او اجي مشوفكيش مفتقد زنك كل شوية فوق دماغي واسئلتك الى مش بتخلص وزنك عشان اصلي و اصوم 

" كنت متفاجئه وعيوني بتدمع غصب عني انا بحبه ولكن المره دي مش هينفع اتنازل تاني! " 

للأسف دموعي نزلت ومقدرتش امسكها سحب منديل من قدامه وقرب مسح دموعي: انا آسف 

اتفاجئت للمره التانيه بأعتذاره هو ازاي بقي كده 

- متزعليش مني حقك عليا 

قومت من قدامه واتكلمت بعياط وعصبيه: متزعقش معايا و تعاملني كأني عيله وعبيطه وتيجي تعمل كدا انت.. انت خوفتني منك !!! وانا 

قام وقف قصادي: طيب اهدي كل ده بسبب علاء وانا مش بحبه واتفاجئت لو عالاقل  كنت اعرف مكنتش هعمل كل ده انتي الى خبيتي 

زقيته بغل وغضب منه: انت غبي ، وانا غبيه عشان خبيت لأني حبيت افاجئك اني اخيرا هنزل شغل بحبه كنت فكراك هتفرحلي 

رفع ايده بأستسلام: ممكن تهدي! 

- لاء و سبني لوحدي يا يوسف 

- ومين يستخبي وراه الستارة عشان يشوف الباسورد بتاع موبايلي؟ 

ضحكت غصب عني: انا بكرهك يا يوسف 

ابتسم: علفكره الباسورد كان عيد ميلادك 

بصتله بصدمه: يعني كنت ب 

قاطعني: كنت بضحك عليكي 

- ليه! 

= عشان.. متخديش بالك اني مركز معاكي عشان متخديش بالك ان اسعد لحظات حياتي وانتي بتحاولي تخليني اقرب من ربنا عشان خايفه عليا 

- وليه كل ده؟؟! 

= عشان مش هقدر ابان ضعيف قدامك.. 

- كده هتبان ضعيف! و ده مبرر انك تزعقلي و تعاملني كده؟؟ ده مبرر انك تكلمني كأنك مش واثق فيا! عشان اية عشان خرجت مع ابن عمي؟ 

= لا واثق فيكي! انا كان عندي مشاكل فالشغل عشان كدا رجعت بدري وشوفت الاستاذ ومكنتش شايف قدامي ولقيته نازل من عندنا هعمل اية؟؟ وانتي عارفه اني مش بطيقه اساسا 

- دي مشكلتك 

= متستفزنيش يا سهر !! 

- وتُستفز ليه! هو انت مش طول عمرك بتبعدني عنك ليه دلوقتي مهتم 

= انا ببعددك عشان خايف عليكي 

بدموع: خلاص يبقي اعتبرني زي ما بتقول دايما اختك وانا هعتبرك كده ونفضل بعيد وبس 

= مش هينفع 

- ليه 

قال بصوت ضعيف: عشان انا بحبك! 

دموعها نزلت ومكنتش قادره تتكلم: وانا مش هقدر 

يوسف رفع عيونها لي: على اية؟ 

- انا مش هقرب تاني انا قربت كتير وانت بعدت كتير حاولت عشانك بدل المره مليون 

= كنت خايف عليكي صدقيني! مكنتش هقدر اقرب ولا دلوقتي حتي ينفع! 

- واية الى اتغير دلوقتي ؟ بتقرب ليه 

= الى اتغير اني مش هقدر اشوفك مع حد تاني 

بعصبيه: انت مخك في اية بجد انا حتي مش معاه!! انا.. علاء زي اخويا و احنا بنشتغل سوا مش اكتر وبعدين انا خلاص عمري ما هفكر بمشاعري تاني 

= ماشي 

- ماشي 

اتحرك للباب وبصلي قبل ما يخرج: 

 انا مش هجبرك على حاجه يا سهر بس اعرفي كدا كدا ان اخرك معايا مش مع اي حد غيري 

"وخرج وسابني وانا فضلت اعيط الحب حاجه صعبه اوي بعد ما اتمنيت كل يوم يحبني انهارده قالي بحبك بس بعد فوات الاوان بعد ما قررت ابعد واخلي عندي كرامه!! هو رفضني كتير ولحد دلوقتي مش لاقيه سبب مقنع! خلينا كدا احسن لان واضح ان حب يوسف عامل زي السم!" 

______________________ 

#روايات_واسكريبتات_مميزة .

' صلي وسلم وبارك على سيدنا محمد 🦋🩷

" تامن يوم رمضان " 

- رمضان جري يا بت سهر ، خلاص بقي فكي مش قعدتي تقولي كدا احسن! وانك مبسوطه عشان قولتليه يبعد عنك ومش عارف اية

= مش عارفه يا ملك

- ولا انا عارفه ازاي يقولك بحبك وانتي كنتي هتبيضي عشان يتكلم و متقوليش انك بتحبيه 

= انتي عبيطه ماهو اكيد عرف اني بحبه وحاسس هو مش غبي بيقولي كنت خايف عليكي 

- من اية! 

= معرفش يا ملك معرفش! 

- طب وبعدين 

= هنزل اول يوم شغل مع علاء انهارده وهفطر معاهم 

- خالتك وافقت؟ 

= اها قالتلي على راحتك 

- طب و يو 

قاطعتها: شششش متكمليش ومتجبليش سيرته 

- انتي اتغيرتي اوي 

= قصدك عرفت قيمتي.. انا هاروح اللبس سلام سلميلي على طنط لما تيجي 

" كنت خارجه من عند ملك وطالعه شقتي لاقيت يوسف في وشي كان نازل بس عملت اني مش شيفاه و فتحت ودخلت حاولت اهدي ضربات قلبي واشغل نفسي وانا بنقي هدومي " 

بقلمي /  Salspil A Mahmoud 

______________________

صلي وسلم وبارك على سيدنا محمد 🩷🦋

- ازيك يا يوسف باشا 

= الحمد الله يا محمد 

- مالك شكلك؟ 

= يعم الواد الى هرب امبارح ده وروحنا والحوار اتلغي كله انا مفيش قضيه تعبتني كده 

محمد قعد قصاده: انت فاكر شغلنا راحه؟ ما ده العادي 

عيوني لمعت: فكرتني ب ادهم الله يرحمه انت بتقول زيه بالظبط 

- ربنا يرحمه مات شهيد عند الى احسن مننا كلنا 

= اكيد يا محمد بس. 

- بس اية قول يا حبيبي 

= انا حاسس اني لوحدي ومخنوق 

- انا معاك و بعدين لما تحس كده افتكر ابو بكر لما كان بيقول لسيدنا محمد عليه الصلاة والسلام لا تحزن إن الله معنا يعني سيب همك على الله يا صحبي 

= انا حاسس ان ربنا معايا واني قربت منه بالصلاة بس هو انا كده لو دعيت بحاجه بتمناها هيقبل مني ولا لاء 

- اكيد يا يوسف وبعدين اية الحاجه دي بقي 

= نجمة. ( كلنا عارفين يقصد مين بس عمرنا ما نروح نقول ابدا ) 

محمد اتكلم بعدم فهم: نجمة ازاي 

- نجمة كدا فالسما فوق 

= يعم بكره ربنا يديك قمر 

- لا صدقني انا عايز النجمة خد انت القمر 

محمد ضحك: ونبي ما فاهم منك حاجه بس ربنا ينولك الى تتمناه يعم نشتغل بقا؟ 

= نشتغل. 

_________________________ 

- بِسْمِ اللَّهِ الرَّحْمَنِ الرَّحِيمِ -

" قُلْ أَعُوذُ بِرَبِّ الْفَلَقِ (1) مِنْ شَرِّ مَا خَلَقَ (2) وَمِنْ شَرِّ غَاسِقٍ إِذَا وَقَبَ (3) وَمِنْ شَرِّ النَّفَّاثَاتِ فِي الْعُقَدِ (4) وَمِنْ شَرِّ حَاسِدٍ إِذَا حَسَدَ (5) "

- حاسك مكلتيش كويس اوعي تكوني مكسوفه 

ميلت على ودنه: علاء انا هموت من الكسوف والتوتر انا بقالي كتير مكلمتش بشر ونسيت بفتح مواضيع ازاي 

كتم ضحكته: متقلقيش ابن عمك فضهرك 

- حبيبي تسلم بس اعمل اية 

= اعملي الصح 

- يخفه دمك هموت مش بهزر انجز 

= كملي اكل بس عشان شكلك هفتان لحسن خالتك تقول خسستلي البت 

ضحكت: هي ماسكه عليك ذلة! 

- لاء موصياني عليكي جامد بس 

= اممم 

- الا اية اخبار النجم ؟ 

= احمم بتقول حاجه ؟ هقوم اغسل ايدي بقي 

" جريت عالحمام هو انا كل ما احاول انسي يجي خد يفكرني قدرني يارب بقي استغفر الله العظيم " 

" غسلت وشي وخت نفس وفتحت الباب مشيت خطوتين سمعت صوت" 

-  مش عايزه تقولي حاجه قبل ما ندخل ونبدء شغل 

= بسم الله الرحمن الرحيم!! 

- انا حاسس بيكي والله في حوار وراكي وبتحاولي تلغوشي عليه 

- اللغوش!؟ 

= بصي يعني انت مش عايزه تحكي خاليث؟ 

سكت وبصتله ببراءه فا ضحك 

- طيب قولي سامعك يكتكوتة 

ضحكت وعيوني كانت بتدمع وفضلت امسحها بسرعه: هو.. يعني.. هو..

= لا اهدي بقولك احكي مش تعيطي يخربيتي اهدي ياسهر حصل اية 

خت نفس وهديت: يوسف 

= كنت عارف قولي 

- قالي انوه.. بيحبني 

استغرب: نطق اخيرا؟ وبتعيطي ليه 

= عشان قولتله يبعد عني 

- طب ليه؟ 

= عشان حسيت اني هنت كرامتي 

- قولتلك من البدايه اعملي كنترول لنفسك مختيش كلامي جد 

= الحب عماني 

- طب واية خلاكي تبعدي وانتي بتحبيه 

= مش قادره تعبت من المحاولات معنديق طاقه لأي حاجه وزهقانه عايزة اشتغل بس 

- خلاص اعملي الى يريحك بس لو هو بيحبك هيحاول عشانك 

= لو بقي يوسف مش بيحاول ابدا اصلا 

- مين عارف 

= الواحد عايز يعيط 

- قولي بقي انك عاوزاني اجبلك ايس كريم و شوكولاتة زي زمان عشان تستكي 

قعدت اضحك وهو ابتسملي: بتبصلي كدا ليه 

= اقل حاجه بتعيطك واتفه حاجه بتضحك والله يابخت يوسف يا سهر 

- طب مش هتجبلي ايس كريم؟ 

= والا اية؟ 

- هعيط! 

= خلاص ياستي بس وانتي مروحه دلوقتي شغل 

- تمام يا فندم.. 

ضحك: يلا ورايا

________________________ 

نكتر من الصلاة على سيدنا محمد ليله الجمعه 🩵🫶

صلي وسلم وبارك على سيدنا محمد 🩷🦋

" وبعد يوم طويل اخيرا خلص وبدئنا حاجات بسيطه فالكافيه والبنات طلعوا لطاف اوي" 

- تعبتي ولا اية 

= سوق بسرعه بس هموت واروح انام 

- منتي جيالي منمتيش معرفش ليه 

= كنت بفكر معرفتش انام ارق وكدا

- ريحي بالك كده و نامي كويس بكره هيبقي متعب جدا عشان هتيجي قبل الفطار 

= بتهزر؟ 

- بهزر اي بس عاوزين نفتح عالعيد! 

= خلاص عشان خاطرك بس 

- حبيبيتي تسلمي 

= بقولك اية انت مكلمتش يوسف خالص من ساعه ما جيت 

- لا هكلمه ليه؟ 

= مش عارفه! 

- انا بصراحه كان ممكن انزل اسلم عليه يوم ما نزلت من عند خالتك بس عارف انوه مش بيحبني 

سكت وسألت نفسي ازاي علاء بالذكاء ده! وبيحس بأفعال الناس و فاهمهم 

= يلا ياستي تصبحي على خير 

- شكرا عالتوصيله. 

= العفو 

" طلعت البيت وانا فرحانه اوي لتاني يوم وبسبب علاء فرحتي كانت بسببه!  بعد ما غيرت وطلعت على سريري عشان انام قعدت اقارن بين علاء و يوسف غصب عني علاء الى بيخدني من البيت ويرجعني تاني وازاي مقدر شغلي وبين يوسف الى كنت بقوله خدني معاك نشتري عصير بس او حاجات يقولي لاء خليكي انتي متنزليش حسيت غصب عني ان قلبي بيميل لعلاء خصوصا انوه بقي قريب مني ولطيف اوي معايا! " 

تاني يوم صحيت على رزع عالباب فتحت بسرعه بخوف واتفاجئت بيوسف واقف قدامي 

____________________

يتبع..

صحيت على رزع عالباب جامد اوي فتحت بسرعه بخوف واتفاجئت بيوسف واقف قدامي 

- انتي ازاي تفتحي كده افرض علاء الى بيخبط؟؟ 

زعقت فوشه جامد: انت مجنون حد يخبط كده!! و علاء اية الي هيجيلي دلوقتي و يخبط كده

= روحي بس بشعرك المنكوش ده 

"زقني و دخل كأن البيت بيته فا دخلت وراه"

"حطت ايدها على شعرها وانا كنت براقب صدمتها"

بصدمه من شعرها المنكوش: ينهار ابيض عليا يأخي منك لله خلتنى افتح بشكلي ده!! 

" لقتها دخلت اوضة السفره تدور على المشط او التوكه تقريبا فا دخلت وراها وحطيت علبه كانت معايا عالسفره.

- مش لازم تسرحي شعرك بحبه منكوش 

= اخرس يا تنح انت 

- بس جامده بيجامه الاميرة روبانزل دي 

= دي أريل! وبعدين!!!!  وانت مالك مش موضوعنا اصلا

بصتلي بعد لما لمت شعرها بنرفزه وكان شكلها حلو اوي وهي متعصبه: ها عايز اية يا يوسف! 

= جاي اديكي العلبة دي وماشي 

- خد استني ! مش عايزه منك حاجه اصلا 

= بنت عيب احترمي نفسك ولا عشان سبتك تخرجي خلاص؟ 

- لا انا بخرج بمزاجي انت مسبتنيش 

= وبترجعي الساعه 11 بمزاجك برضو؟ 

- لا ده شغل ولا اها بمزاجي انت مالك يحبيبي في حاجه؟ 

قبضت ايدي بعصبية وعضيت على سناني: متنرفزنيش يا سهر! 

-  بقولك اية خد علبتك واطلع برا 

= انتي يعني هتمشيها كده 

- اها ويلا عشان زهقت 

= وانا مبزهقش افتكري ده 

اتكلمت بحده: برا يا يوسف وخد العلبه العبيطه معاك

زعل: انا هطلع برا بس هسيب العلبة الى هي اصلا خسارة فيكي ومن غير سلام 

مشي وسابنى ورزع الباب بتاع الشقة وراه المتخلف العصبي البجح! 

" كان عندى فضول اعرف العلبة فيها اي خصوصا لما جيت اشلها كانت تقيلة اوي! قبل ما افتحها بصيت فالساعه وافتكرت معاد الشغل الى بقي بدري جريت  بسرعه علي اوضتي علاء بعتلي كتير لبست بسرعه اوي وكلمته يجي" 

- اسفه بجد صحيت متأخر 

= ولا يهمك يا كتكوتة 

اتفاجئت انوه متعصبش وركبنا ومشينا عادي

_______________________ 

صلي وسلم وبارك على سيدنا محمد 🩷🦋

- قاعد كده ليه يا يوسف مالك 

= نزلت معاه برضو هتفضل كل يوم كده يا ماما

- ياحبيبي ده شغلها وعلاء مش غريب متقلقش

= انتي مش فاهمه يا ماما ، انا رايح الشغل باي

" احساس ان الشخص الى بتحبه بيضيع منك احساس بشع خصوصا لما تكون مش قادر تعمل حاجه عشان ببساطه مش هتقدر تتحكم فيه " 

____________________________

الحمد لله كثيراً  🩷🦋

وصلت مع علاء وعرفني على البنات وبقينا بنشتغل سوا 

وكانوا لطاف جدا قابلت اول واحده وعلاء سابنا شوية

- شكلك لطيف اوي زي ما علاء قال 

= هو علاء كلمكوا عني

- ايوه جينا كلنا اول مره وقعد يقولنا انك هاديه وتعتبري اخته الصغيره وصي عليكي جامد

" ابتسمت وكنت ممتنه لعلاء اوي وكل دقيقة بيكبر في نظري بدئنا شغل اكتر اتنين حبتهم مريم و اميرة. "

- سهورة 

كان صوته فا اللتفت لي: ايوه؟ 

- خدي امسحي ايدك ف دي وتعالي ثانيه 

= تمام 

بصيت لمريم: بصي كملي انتي دي لما اشوف علاء عايز اية 

- اها واضح انكو هتستغلوا اني الوحيده الى مش صايمه وتشغلوني 

= يابنتي احنا سايبينك تاكلي وتشربي قدامنا عشان الوحده الوطنيه فا نخلينا حلوين كدا 

مريم فضلت تضحك: تحيا مصر وتحيا الوحده الوطنيه 

سبتها وانا بضحك ودخلت ناحيه المطبخ لعلاء: في ايه 

- بصي انا لسه مفكر حالا هنعمل اي فالمطبخ؟ هيبقي ازاي يعني كا شكل 

= تسمع مني ولا هتضحك؟ 

- اسمع 

= تيجي نفتحه؟ 

- نفحته ازاي يعني

= نفتحه عالمطعم من بره. 

- وه! انتي بتقولي اية؟

= اسمع بس 

- كملي! 

= نفتحه والناس تبقي شايفه كل حاجه قدامها بتتعمل و تشغل ناس لابسة جوانتيات عشان ده بيدل على نضافه المكان و كل حاجه تتعرض قدام الناس عشان يبقوا واثقين فكل الحلويات والمشاريب 

- تصدقي يا سهر مفيش حلويات هنا غيرك انا موافق جدا عالفكره دي ربنا يحمي دماغك

" اتكسفت جدا وفرحت فنفس الوقت انوه عجبه الفكره وفهمني! انا اول مره اشارك افكاري مع حد " 

بصتله وعيني بتلمع: هتعملها يعني 

- طبعا يا سهورة. 

قلبي كان ييرقص وروحت عشان اكمل شغل مع البنات

- اميرة 

= ايوه؟ 

- محتاجين لون بنفسجي تاني من اول الشارع 

= اميرة مفرهده وهيغم عليها ابعتي مريم 

- يخربيت مريم ده انا هصوم صيامكو بعد كدا عشان محدش يجي جمبي 

كلنا ضحكنا عشان فعلا تقلنا على مريم: خلاص قلبك  ابيض انا هتصرف 

رجعت تاني عند علاء: بسبسبس 

- نعم بتنادي قطه 

= عاوزين لون ومحدش قادر يروح 

- حاضر 

= بسهوله كده 

- عشان خاطرك بس 

= و هات كمان جليتر 

- لا كده كتير علي برستيجي

= هتعمل مدير عليا! 

ضحك:  مقدرش طبعا  

ابتسمت: طب يلا وبسرعه

= طيب طيب 

_________________________

" اللهم صلي وسلم وبارك على سيدنا محمد "🩷🦋

" قعدت كتير معاهم وعلاء اقترح نفطر سوا و نقعد لبعد الفطار نخلص شوية زياده من الشغل عشان بكره نيجي متأخر ويبقي معانا وقت نرتاح وهكذا "

- ها يمريم يارب يكون الاكل عجبك

= اها الواحد كان تعبان اوي من الصيام

ضحكنا على تريقتها

اميره بقر: دي ولا كأنها صايمه تلت ايام 

علاء: انتوا كلكوا عليها؟ وبعدين منتوا قطعتوا نفسها عشان مش صايمه زينا 

اميره: لا خلي بالك انت كده بتعمل فتنه بين المسلمين والمسيحين

مريم بضحك: محدش يقدر يفرقنا عن بعض ابدا

علاء: انا بقول يلا نكمل شغل 

..

"بِسْمِ اللَّهِ الرَّحْمَنِ الرَّحِيمِ"

قُلْ أَعُوذُ بِرَبِّ النَّاسِ (1) مَلِكِ النَّاسِ (2) إِلَهِ النَّاسِ (3) مِنْ شَرِّ الْوَسْوَاسِ الْخَنَّاسِ (4) الَّذِي يُوَسْوِسُ فِي صُدُورِ النَّاسِ (5) مِنَ الْجِنَّةِ وَالنَّاسِ (6)

______________________

- مريم عاوزين نظبط المكتب ده يمين لفي وانا هزقه 

= متنادي علاء احسن المكتب ده قدنا مرتين! 

- يبنتي يلا ده خفيف اصلا

مريم زقت وانا رجلي اتزحلقت وملحقتش امسك من الناحيه التانيه فا المكتب كان بيقع لقدام ناحيتي حطيت ايدي عليه اسنده وانا بسرخ: يوووووسف 

مكنتش قادره اثبته ومريم بتنادي علاء الى كان فثانيه قدامي ورفعه قبل ما ايدي تفلت ويقع عليا  

علاء بخضه:  انتي كويسة!!! حصلك حاجه؟ اتخبطي او حاجه

حاولت اهدا جسمي كله كان بيترعش: انا كويسة ملحقش يقع متخفش

- طب اقعدي انا هجبلك لمون

خلاه البنات تمشي وقفلنا اليوم على كده وفضل معايا ويقولي اشرب اللمون عشان اهدي 

وانا بفكر ازاي كان قلقان عليا: علاء..

= ايوه؟ في حاجه

حسيت اني بحبه واتعلقت بيه معرفش ازاي

= ايوه يا سهر قولي؟ 

يتبع..

= ايوه يا سهر قولي 

- انا حاسه اني اتعلقت بيك ، بس مش زي الاخوات مش زي ما بتعاملني 

قاطعها:  اية الكلام ده انتي بتهزري؟؟ 

سكتت وعيونها بتلمع: ليه بكلم جد 

- عشان اي حاجه انتي حاسه بيها مش بجد و انا مش عايز اخسرك 

= لا بجد و انا حاسه اني بحبك 

- حاسه ولا متأكده ؟؟

سكتت وهو اتنهد بتعب: انتي بتحبي يوسف

= لاء ومتجبليش سيرته 

- متهربيش! دي حقيقه انتي بتحبيه هو ، انتي ناديتي بأسمه لما المكتب كان هيقع عليكي لو بتحاولي تشليه من قلبك فا هو موجود في مخك بذكرايته كلها واصلا حتي مش هتقدري تشليه من قلبك انتي بتنكري بس قلبك معاه 

دمموعها نزلت فا ادلها مناديل: ممكن تهدي من فضلك بتعيطي ليه 

- عشان تعبت 

= انا قولتلك تعملي لنفسك قيمه و كرامه معاه انما مش تسبيه لاني عارف من وانتي صغيره حبك لي عامل ازاي يا سهر عشان كده انا عمري ما هفكر اكون لكي غير اخ وبطلي عياط! 

- يعني انت مش بتحبني انا متحبش؟ 

= لا تتحبي لولا بس ان حب يوسف راشق فقلبك كنت هخطفك ونتجوز 

ضحكت وهي بتعيط فا علاء ابتسم وطبطب على راسها بحنيه:

 انتي ممكن تكوني بتحبيني كا أخ جدع وبساعدك وبخاف عليكي بس والله ده مش حب حقيقي الحب الى بجد هو الي بينك انتي و يوسف هو حبك الاول و الاخير 

- معاك حق وانا يمكن اتسرعت ، احنا هنفضل صحاب و اخوات و ولاد عم 

= وزي بنتي كمان ولا تزعلي 

- طيب ممكن تروحني عشان تعبانه اوي 

= عيوني بس اكيد مش زعلانه ؟؟

- انت عمرك ما زعلتني انت صح دايما عندهم حق الى بيقولوا اكبر منك بيوم يعرف عنك بسنه 

= وانا دايما موجود عشانك في اي وقت

__________________________

صلي وسلم وبارك على سيدنا محمد 🩷🫶

" روحت البيت وانا فالطريق مع علاء كل تفكيري كان فيوسف وبقول ان علاء كان معاه حق فكل كلمه حبست دموعي لحد ما روحت واول ما دخلت فضلت اعيط الحب بيوجع اوي وصعب وملخبط كده" 

بصيت للنتيجه 

11 رمضان 

وانا من 7 رمضان مش بكلم يوسف او بعامله وحش وبتهرب منه كذا مره يحاول يكلمني واصده 

فلاش باك # 

- عايز اية تاني يا يوسف؟؟ 

= وحشتيني عايز اطمن عليكي 

- كويسة حاجه تانيه؟؟ 

= هتفضلي كده لحد امته يا سهر

- لحد ما تزهق وتفكك مني 

= قولتلك مش هزهق انا بحبك 

- وانا مش بحبك ! 

باك # 

روحت للهديه الى جابها وفتحت كان معظمها كتب واول كتاب كان إيكادولي و ارض زيكولا الجزء 3 و ورقه صغيرة فتحتها وبدأت اقرأ 

" إلي اجمل كتكوتة واكتر حد بحبه عشان دايما واقفه جمبي بتزقني للأحسن بتساعدني اخرج من مود الحزن علطول بتستحمل عصبيتي شايفه جانب كويس فيا انا نفسي مش شايفه ل اكتر واحده مستعد اعيش عمري بس بحارب عشانها عشان اقولها اني بحبها من ساعة ما اتولدت لكن مقدرتش اقرب لو لسه عندك امل فيا وهتديني فرصه اتمني نتكلم واقولك سري وتسمعي حكايتي " 

دموعي كانت نازله ورا بعض وفي اخر سطر مكنتش فاهمه حاجه شليت البوكس على جمب ومسحت وشي وروحت لخالتو خبطت عليها 

- سهر حببتي ادخلي ، مال وشك؟؟ 

بدموع: انا عايزة اتكلم مع يوسف 

= يوسف لسه مجاش  في اية ! 

- مفيش والله انا كويسة 

= كويسة اية وعينيك الوارمه دي احكيلي في اية 

- صدقيني هبقي كويسة انا مضغوطه سبيني شوية وهجيلك 

" هربت من خالتو بالعافيه وطلعت السطح يمكن الهوا الساقع لما يخبط فيا يفوقني اتفاجئت ب يوسف قاعد مربع بضهره! " 

- انت هنا !! 

مبصليش فا لفيت لي لقيت ف ايده سجارة وشكلها مش سجارة عاديه 

بزعيق: هو انت بتشرب اية !!! 

" مردش عليا برضو فا اتعصبت وزقيته وحاولت اخدها منه بعد عني وقام  وقف قصادي " 

- احسلك تنزلي عشان مش فايق 

= انت عملت فنفسك اية !! اية القرف ده مش كنت مبطل سجاير ودي سجاير ولا حاجه تانيه!! 

بهدوء و برود: بقولك اي انزلي بقي عشان القرف ده ميطلعش عليكي اية رأيك؟

- انت فاكرني هخاف؟ وريني يا يوسف هتعملي اية

 زعقت فيه: ما توريني !!! 

قبض ايده بعصبيه والغل جري فعروقه حاولت اثبت قدامه ومبينش خوفي 

= انا هنزل انا وسعي

كان ماشي فا زقتيه بغل عشان يقف بصلي لثواني

 واتحرك مره تانيه فا وقفت قصاده: استني هنا !! انت مش كتبتلي فالرساله عايز نتكلم اديني قدامك 

- سبيني يا سهر احسن 

= مش هسيبك غير لما افهم وسيب انت القرف ده 

- وسعي من قدامي يبنتي

= لاء 

زعق بصوت عالي: بقولك وسعي 

جسمي اتنفض من صوته!! 

حط ايده على وشة ومسح على شعره بنرفزه كان

 هيتحرك مسكته من الجاكيت وزعقت

: مش هسيبك 

اتحرك بقوة فا الجاكيت فلت من ايدي كنت هقع ولكن الموضوع انتهي وانا فحضنه ومعرفش لحقني ازاي كان ماسك فحضني اوي قبل ما ابعد صوت عياطه بدء يظهر ويعلي دموعي نزلت 

وانا كنت مش فاهمه حاجه: يوسف!! 

بعد حوالي دقيقتين وانا بطبطب عليه بس!! وهو فحضني ساكت ومش فاهمه  ماله  بعد عني ورمي السجارة الى كانت ف ايده 

"صلي على محمد 🦋🩷"

قربت وطبطبت عليه وحضنته تاني وانا ساكته فا وقف قصادي وخد نفس طويل 

-  ادهم قبل ما يموت بكام يوم حكالي انوه في بنت بيحبها وهيتجوزها وخلاص قرر من كتر حبه فيها مش هيعمل حتي فترة خطوبة ضحكت عليه وقولتله ازاي هي هتوافق قالي هي بتحبني ولأني عارف ان مش أخلاقه يمشي مع بنات سألته عرفت منين انت كلمتها قالي ان بنت عمه هي الى قالتله ان البنت دي بتحبه كان اسمها ليلي وانه اصلا كان معجب بيها وحبها وهي وحكت لبنت عمه ومكنتش دي ان دي بنت عم ادهم 

= وبعدين؟ 

- راح فعلا وكلم اهلها و وافقوا وكتب للبنت ورقه انوه هيقدر يتكلم معاها براحته بس لما يكتبوا الكتاب وانوه بيتمني تكون زوجته وانها اللطف البنات وكان حاسس بفرحتها الاتنين كانوا بيعشقوا بعض من قبل ما يتكلموا حتي وفالمهمه الاخيره لي قالي انا بتمني اخلف عيال كتير يا يوسف 

بدء يعيط: مكملش هو عايز اي كمان ولقيته واقع بطلقه فى رقبتة جمبي وقتها كل حاجه سكتت والحياة بقت غريبة ملقتش حد يقولي صلي ركز اصحي اجمد ملقتش حد يقولي انت جواك كويس وانا شايف ده 

= عشان كده اتغيرت معانا! 

- عشان لما روحنا نعزي وشوفتها صورتك كانت قدامي ومكنتش اتمني يحصلك كده بسببي

= وغيرت علاقتك بربنا! برضو بسبب مين؟

- عشان كنت بسأله كل يوم ليه يارب ليه تخده مني ليه تحرمه من كل حاجه اتمنها 

= يوسف ده شهيد فالجنه يعني كسب اخرته مفروض تفرحله هوا ميغلاش على الى خلقه وبعدين ربنا هيكتبله كل الخير فالجنه والموت ده شيء طبيعيي

بنرفزه: مكنتش بعقلي وقتها ! مفكرتش فكل ده وبقيت اشرب سجاير مفكرتش فحاجه غير لما... 

= غير لما اية كمل ! 

- غير لما قربتي مني وحاولتي ترجعيني لطريق ربنا رجعت احبك بعد ما قررت ابعد عن اي حد ومحبش حد عشان مسبوش في يوم زي ادهم لكن مقدرتش كنت بحبك لكن بيني وبين نفسي محبتش اعقلك بيا 

= وتفتكر مكنتش متعلقه بيك !! انت فاكر كنت بتعاملني ازاي اصلا ! 

- عشان خايف عليكي 

= دلوقتي بس فهمت الجملة دي الى بتقولها لي كل شوية لكن للأسف انت بتفكر غلط ربنا محكمش عليك بالموت ومش عشان شغال ظابط يبقي هتموت اي حد بيموت في اي مكان يا يوسف 

- صح ولما فكرت كده وحاولت اقرب منك عملتي اية! سبتيني وخليتي مخي ينفجر و غضبي يزيد وانتي كل يوم رايحه جايه مع ابن عمك وانا متكتف

= عشان اية ! عملت كده لوحدي ؟؟ ولا بسبب طريقتك معايا انت هنت كرامتي! 

- واتغيرت عشانك 

= لو كنت اتغيرت من بدري كانت هتفرق مكنتش هعمل كده معاك 

زعق: لو كنتي ادتيني فرصه وقتها مكناش وصلنا لهنااااااا

ردت بنفس نبره الزعيق: و لو مكنتش زعقتلي يوم ما شوفت علاء كنت هديك فرصه !!!!!!! 

بدأت اتنفس بسرعه وحطيت ايدي بين وشي بعصبيه وهوا كان فنفس حالتي!

مسكت راسي بعصبيه وغضب وبصتله من غير تفكير ضربته في صدره بقوة وغل ولكن كأني ضربت جبل!

 واقف متهزش وبيبصلي ببرود: سهر بلاش جنان اهدي 

- انت لسه شوفت جنان! 

ضربته فصدره مره تانيه اقوي من الاوله فا بعد خطوة

=  اهدي بقولك!!!! متعصبنيش ! 

زعقت بصوت جامد: بس يا متخلف كل ده بسببك مش عارفه انساك حتي وانا في اوحش مواقف فحياتي بنادي بأسمك انت بالذات زي ما تكون لازق في مخي كل ده بسببك انت كللللهههه 

نهيت كلامي وانا بضربه بالبونيه فوشه

 حط ايده على خده وبرم شفايفه وهوا بيحاول يبلع الى حصل قرب وكتف ايدي وزعق:

 اهدي!!!! قولتلك بدل المره ميه بحبك اييه اعمل اية تاني فضلت احاول عشانك ومكنتش هبطل محاولات

- اوعي ابعد عني ! 

= لاء 

- يوسف سبني 

= مش هسيبك يا سهر عايزه تكملي ضرب؟ طيب 

سابت ايديها و سندت براسها على صدري وهي بتعيط كأن مصدر عصبيتها هو نفس المصدر الى بيهديها انا! ضمتها بأيدي وطبطب على راسها: مش ذنبي اني حبيتك حب مش مشروط

- وانا بكرهك قد البحر 

ضحك: المهم اني بحبك وهتفضلي معايا 

= مش هفضل معاك 

- هنشوف الموضوع ده بعد ما تحكيلي موضوع انك بتنادي اسمي وانتي ف اوحش مواقفك

= مش هقولك حاجه ابدا ها 

- ابدا خالص؟ 

= اها خالص 

- خالص خالص 

= ايوه يا يوسف خالص خالص

مسكت ايدها بوستها: كده كده لازم تتجوزيني انا حضنتك ربنا يسامحني بقي والحل الوحيد عشان يسامحني اصلح غلطتي واتجوزك 

- مين قال اني هوافق 

= مين قال اني هاخد رأيك دي فضحيه لازم نلمها 

ضحكت بعصبيه: هو انت بتهزر مش قادره اصدق ان مصيري هيبقي معاك بعد ما قررت ابعد و ان وقت ما كنت بقرب انت بتبعد

- يمكن عشان كنت بدعي كل يوم ربنا يخليكي ليا انا؟ وتبقي من نصيبي؟ خلي بالك قيام الليل بيفرق اوي 

= كويس انك قولتي عشان ابقي ادعي عليك 

- مقبوله منك 

= وبعدين بتدعي ايه امال السجارة دي كانت اية 

- دي سجارة عاديه انتي بس الى بتشوفي افلام كتير و اوفر 

= مش هتجوز واحد بيشرب سجاير حتي 

- أبطلها 

= و بتفطر 

- اصوم 

= ومش بتصلي 

- بصلي وربنا ،  هصلي بقيه عمري بيكي ومعاكي 

= وهتعمل اية كمان؟ 

- هقول للعالم قصة البنت الى حاربت عشاني لحد ما بينت الجانب الابيض الصغير فيا وطلعته للشمس 

رديت وعيوني بتلمع: و اية كمان ؟

= وهقول انك خليتيني اروح لطريق ربنا اقرب منه واتوب و ربنا قبل توبتي واستجاب لدعوتي انك تبقي ليا كنت فاكره بيكرهني اتاري ربنا بيحبني وسامحني وبيغفر ربنا كبير اوي لدرجه انوه بيستني اي حد يروحله وبيحب اننا نذكره ونفضل ندعي ممكن يأخر الاستجابه عشان نفضل ندعي ونذكره ويسمعنا. 

- كل ده عرفته؟ انت عدتني بقي 

= كل ده نقطه في بحر احنا لسه عاوزين نقرب لربنا اكتر سوا زي ما بدئنا سوا 

- يعني خلاص دي اخر الحكاية؟ 

= ملهاش آخر يا سهر بس في وقت الحكاية بتقف فيه لما نموت ونتحاسب وساعتها بتكمل يا اما فالجنه يا اما فالنار  كل واحد ومصيره الى يحدده

- و احنا!! 

= اكيد لو ثبتنا عالصلاة الى هي اهم ركن وبنينا باقي الاركان ربنا هيهدينا لي ونقرب لحد ما نوصل لطريق الهدي كله 

- سوا؟ 

= اكيد انتي حطتيني على اول سلمه هخدك ونكمل سوا للأبد 

- طيب والشيطان يمكن يفرق بينا؟ 

= هنحاربه كأنه انسان لما يوسوس لك تقولي له روح شوفلك حد غيري وتتحديه بكل قوتك 

- لحد ما يزهق؟ 

= مش هيزهق دايما هيدخلك من سكك مختلفه عشان يضللك عن طريق ربنا

- والحل؟ 

= تفضلي قوية دايما وبتذكري ربنا بتصلي و تقري قرآن تفكري اخر اليوم غلطتي ف اية وتستغفري

- كنت فاكره اننا هنتعلم سوا يا يوسف اتاري اني هتعلم منك انت كنت قريب اوي من ربنا ولكن اخر فتره الى مكنتش كويسة فحياتك 

= يمكن معاكي حق وهرجع تاني لربنا عشان ملناش غيره

- طيب هو ممكن اقول اني بحبك ولا هتبقي فضيحه تانيه بعد فضيحه الحضن؟ 

= انا بقول ننزل نكتب الكتاب دلوقتي ونبقي نعمل الفرح عالعيد اية رأيك؟ 

- اية!! 

= ال اية علامة الرضا يلا بينا يا سهورتي 

- اصبر حاجه اخيرة!! 

= ايه؟ 

- صلي عالنبي وافتكر تصلي لي كتير عشان هو بيحبنا برضو وهيشفعلنا يوم القيامه

= عليه افضل الصلاة والسلام.

________________________

_____________________

- خلاص كتبنا الكتاب يروح قلبي مالك بس زعلان ليه

= عشان عزمتي الزفت علاء

- يعني ينفع يعني؟ عيب يا بابا وبعدين بقولك اية بيكراش على اميرة الى شغاله معانا وقالي امهد لها وهيتخطبوا وكده

= بجد !!! علاء حبيب قلبي رايح اسلم عليه

فضلت اضحك: خد هنا حبيته فجأه! 

- طبعا مش خلاص هيبقي معاه واحده تلمه

= خلي بالك هو بيعتبرني اخته ماشي وهبقي احكيلك موضوع بعدين واحنا في بيتنا فكرني 

( سهر قصدها ع موضوع انها قالت لعلاء بحبك وكانت فاكره كده بس هي كانت بتحبه كا اخ ) 

- وانتي فكريني نجيب عيال كتير

= ليه!

- عشان الاطفال احباب الله

ضحكت: والله

= اها وانتي حببتي انا 

- حبيبي الاول والاخير! 

= بحبك يا احلي حاجه فحياتي.!